Ymchwilwyr a staff y Brifysgol yn rhedeg Hanner Marathon Caerdydd

28 Medi 2017

Mae'r cynnwys hwn ar gael yn Saesneg yn unig.

Ian Horton
Ian Horton

Bydd staff ac ymchwilwyr Prifysgol Caerdydd yn rhoi eu hesgidiau rhedeg ymlaen ddydd Sul i redeg cwrs 13.1 milltir o hyd drwy Gaerdydd. Byddant yn gwibio heibio rhai o leoliadau adnabyddus y brifddinas i godi arian ar gyfer achosion elusennol ac i ariannu gwaith ymchwil hanfodol.

Ian Horton

Swyddog Arloesedd a Phartneriaeth, Ysgol Biowyddorau Prifysgol Caerdydd

Bydd Ian yn cystadlu yn Hanner Marathon Caerdydd ar ran y Sefydliad Bôn-gelloedd Canser Ewropeaidd er mwyn codi arian ar gyfer ymchwil arloesol sy’n ceisio trawsnewid triniaethau canser.

Dyma fydd y pedwerydd tro i Ian gystadlu yn y ras eiconig drwy’r brifddinas, ac mae’n gobeithio codi £150 mewn rhoddion elusennol eleni.

Os hoffech noddi Ian, cliciwch yma: https://www.justgiving.com/fundraising/horton14

Gareth Hurley

Swyddog Arian, Ysgol y Biowyddorau Prifysgol Caerdydd

Bydd Gareth yn ymuno â thros 22,000 o redwyr eraill wrth y llinell gychwyn y tu allan i gastell eiconig Caerdydd. Mae’n cymryd rhan yn ras ffordd fwyaf Cymru i godi arian ar gyfer ymchwil canser gyda’r Sefydliad Ymchwil Bôn-gelloedd Canser Ewropeaidd ym Mhrifysgol Caerdydd.

Mae Gareth ac Ian wedi cymryd rhan yn y ras gyda'i gilydd ers sawl blwyddyn, gan godi dros £1,000 i gyd.

Os hoffech noddi Gareth, cliciwch yma: https://www.justgiving.com/fundraising/hurley1

Dr Mark Young

Uwch-ddarlithydd, Ysgol y Biowyddorau Prifysgol Caerdydd

Bydd Dr Mark Young yn tynnu ei gôt labordy am y tro ac yn rhoi ei esgidiau rhedeg ymlaen ddydd Sul 1 Hydref. Bydd yn rhedeg ei hanner marathon cyntaf drwy Caerdydd ar ran Mind, elusen iechyd meddwl sy'n ceisio gwella gwasanaethau, codi ymwybyddiaeth a hyrwyddo dealltwriaeth o broblemau iechyd meddwl.

Os hoffech noddi Mark, cliciwch yma: https://www.justgiving.com/fundraising/horton14

Rhannu’r stori hon