Cydnabod cyfraniad gwyddonydd ymchwil i gymdeithas yng Nghymru
8 Hydref 2018
Dr Ahmed Ali, gwyddonydd ymchwil hynod lwyddiannus o Brifysgol Caerdydd, wedi'i gynnwys ar restr o 100 o bobl ddu rhagorol yng Nghymru.
Mae’r rhestr hon, a luniwyd gan y Western Mail ar gyfer Mis Hanes Pobl Dduon, yn dathlu cyfraniad eithriadol Cymry Affricanaidd Caribïaidd ac Affricanaidd i gymdeithas yng Cymru. Dewiswyd pob un o'r rhai a restrir am eu hymrwymiad a'u cyfraniadau eithriadol i fywyd cyhoeddus, gwyddoniaeth, iechyd, addysg, y celfyddydau, chwaraeon, busnes neu hawliau cyfartal.
Mae Dr Ali yn gweithio yn Ysgol y Biowyddorau ac mae’n arbenigo mewn cemeg planhigion sy'n gynhenid i Horn of Africa. Mae ei ddarganfyddiadau gwyddonol yn amrywio o sylweddau sy’n ymlid plâu gardd i asiantau gwrth-ganser. Mae’r rhain yn seiliedig ar ddarnau myrr Somali, ac asiant gwrthlidiol sy’n seiliedig ar thus Somali.
Cafodd Dr Ali ei eni a'i fagu yng Nghasnewydd ac fe sefydlodd gwmni biotechnoleg llysieuol yn y brifddinas i barhau i greu datblygiadau newydd. Ei nod yw creu canolfan weithgynhyrchu ar gyfer ei echdynion botanegol arloesol newydd yng Nghymru.
Dywedodd Dr Ali, wrth sôn am gael ei gynnwys ar y rhestr,
"Braint o’r mwyaf yw cael fy nghynnwys ar y rhestr o wyddonwyr Du sydd wedi gwneud cyfraniad yng Nghymru. Ni fyddai'r cyflawniad hwn wedi bod yn bosibl heb waith caled a chefnogaeth fy nghydweithwyr ym Mhrifysgol Caerdydd, yn enwedig Dr Emma Blain, yr Athro Vic Duance a'r Athro Ifor Bowen. Hoffwn hefyd fanteisio ar y cyfle hwn i gydnabod y Compton Group, menter bach a chanolig yng Nghymru sydd wedi noddi fy ymchwil dros y deunaw mlynedd ddiwethaf. "
Cafodd Dr Ali ei longyfarch gan yr Athro Jim Murray, Pennaeth Ysgol y Biowyddorau, ar ei lwyddiant.
"Rydym yn llongyfarch Ahmed yn fawr ar ei lwyddiant a chydnabod ei gyfraniad i’r gymdeithas ehangach yng Nghymru. Mae ei waith yn adlewyrchu diddordeb ehangach yr Ysgol wrth ddatblygu ceisiadau ymchwil biolegol er budd cymdeithas a'r economi a’n hymgyrch i gael effaith sy’n gwella bywydau yng Nghymru ac ar draws y byd.”