Ffioedd israddedig cartref

Mae’r ffioedd dysgu’n daladwy i Brifysgol Caerdydd am bob blwyddyn o’ch cwrs (gan gynnwys blynyddoedd sy'n cael eu hailadrodd).

Bydd y ffi flynyddol yn talu:

• yr holl ffioedd dysgu
• costau hanfodol y cwrs
• cofrestru ac arholi (ond nid ffi ailsefyll arholiadau gan ymgeiswyr sydd heb eu cofrestru ar y pryd).

Nid yw ffioedd llety’r Brifysgol wedi eu cynnwys yn y ffi dysgu.

Efallai y bydd arian ar gael tuag at gost eich ffioedd dysgu. Ewch i'n tudalennau am ariannu'ch astudiaethau i gael rhagor o wybodaeth.

Os nad ydych yn siŵr pa statws sy’n berthnasol i chi ('cartref, 'ynysoedd', neu 'dramor'), edrychwch ar ein tudalen statws ffioedd.

Mynediad 2024

Mae Llywodraeth Cymru wedi codi'r cap ffioedd dysgu yng Nghymru o 2024/25, gan sicrhau ei fod yn cyd-fynd â'r ffioedd a godir mewn prifysgolion yn Lloegr. Mae hyn yn golygu y bydd prifysgolion yng Nghymru nawr yn gallu cynyddu'r terfyn ffioedd dysgu blynyddol y maent yn ei godi o £9,000 i £9,250 y flwyddyn.

Wrth ddisgwyl cymeradwyaeth derfynol ym mis Ebrill, bydd Prifysgol Caerdydd yn gweithredu'r newid hwn i ffioedd myfyrwyr cymwys o flwyddyn academaidd 2024/25.

Ffioedd ar ôl y flwyddyn gyntaf

Mae’r Brifysgol yn cadw’r hawl i gynyddu ffioedd dysgu yn yr ail flwyddyn a’r blynyddoedd dilynol mewn cwrs, yn unol â’r gyfraith neu bolisi Llywodraeth Cymru.

Pan fo’n berthnasol, byddwn yn rhoi gwybod i chi am unrhyw newid erbyn mis Mehefin yn y flwyddyn academaidd cyn y flwyddyn pan fydd y ffioedd yn cynyddu.

Blynyddoedd blaenorol