Tudalen Adnoddau Ffiseg a Seryddiaeth ar y We

• Ar gael ar gais
• Hyblyg

Yma cewch hyd i ddolenni i rai adnoddau a awgrymir, a luniwyd gan staff a myfyrwyr yn Ysgol Ffiseg a Seryddiaeth Prifysgol Caerdydd.

Mae rhai o’r adnoddau a’r gweithgareddau hyn wedi cael eu creu gennym ni, rhai mewn cydweithrediad ȃ ni, ac mae rhai gan sefydliadau allanol - er ein bod ni’n eu hargymell i gyd! Mae ystod eang iawn o adnoddau, gan gynnwys:

• realiti rhithwir ac estynedig
• gweithgareddau codio
• gweithgareddau crefft
• paratoadau gradd
• llyfrau, podlediadau apiau a fideos
• gweithgareddau ar-lein ac i’w hargraffu
• taflenni gwaith.

Ymhlith y pynciau a gynhwysir mae:

• seryddiaeth
• tonnau disgyrchol
• ffiseg
• mathemateg
• codio.

Gallwch ddefnyddio hidlyddion ar ein tudalen gwe i chwilio am adnoddau sy’n berthnasol i’ch myfyrwyr, gan ddidoli’r adnoddau yn ôl oed, maes pwnc, math o adnoddau a mwy.

Mae’r holl adnoddau ar gael yn Saesneg ac mae rhai ar gael yn Gymraeg hefyd.

Enghreifftiau o’n hadnoddau

Anturiaethau Gwyddonol Ada

Comig yw hwn a grewyd gan y bartneriaeth rhwng y gwyddonydd a’r artist, Edward Gomez a Laura Sorvala.  Mae’r gyfres hon o dri llyfr comig yn cyffroi ac yn grymuso plant i wneud gwyddoniaeth.  Mae’r gyfres o lyfrau comig yn cynnwys Ada, merch sydd ddim yn ofni gofyn cwestiynau am y byd o’i chwmpas, wrth iddi fynd ar ei hanturiaethau Gwyddonol.

Addas ar gyfer CA2, CA3 a theuluoedd.  Mae adnoddau addysgol i gyd-fynd ȃ nhw.

Adnoddau Ffiseg Realiti Estynedig

Mae Realiti Estynedig yn gosod gwrthrychau 3D yn y byd go iawn.  Yn union fel Pokemon Go, sydd mor boblogaidd, gallwch chi archwilio planedau yng nghysawd yr haul, tyllau du, uwchnofâu a llawer mwy, fydd yn ymddangos ar y bwrdd o’ch blaen.  Y cyfan bydd arnoch ei angen yw ffôn clyfar neu dabled android i gychwyn arni.

Addas ar gyfer CA2, CA3 a CA4.

Podlediad Seryddiaeth Pythagoras

Podlediad seryddiaeth misol o’r Ysgol Ffiseg a Seryddiaeth, sy’n rhoi sylw i newyddion seryddiaeth o bob rhan o’r byd.

Addas ar gyfer CA2 ac uwch.

Rhagor o wybodaeth

I gael rhagor o wybodaeth am y gweithgaredd hwn, ewch i'n gwefan.

Ynglŷn â'r trefnydd

Allgymorth yr Ysgol Ffiseg a Seryddiaeth sy’n trefnu’r gweithgaredd hwn. Cysylltwch â ni yn schools@astro.cf.ac.uk i gael rhagor o fanylion.