Bwydo Côr y Cewri

• Ar gael ar gais
• Hyblyg

Mae'r gyfres hon o adnoddau'n cynnwys chwech o weithgareddau i addysgu gwyddoniaeth ar lefel gynradd, wrth ddysgu am Oes y Cerrig hefyd.

Mae'r gweithgareddau wedi'u creu gan ddefnyddio tystiolaeth gan wyddonwyr ac archeolegwyr yn gweithio yn safleoedd ger Côr y Cewri, megis Waliau Durrington. Maent yn ffordd wych o ddangos sut mae modd defnyddio sgiliau a gwybodaeth wyddonol i ddysgu am sut oedd pobl yn byw yn y gorffennol.

Mae'r gweithgareddau'n gysylltiedig â dysgu am ddannedd, deiet cytbwys, y system dreulio a gweithio'n wyddonol yng nghyd-destun Oes y Cerrig.

Gallwch ddefnyddio'r gweithgareddau hyn wrth ddysgu am Oes y Cerrig, neu wrth ddysgu am ddannedd, bwyd a deiet. Mae'r adnoddau'n seiliedig ar ddarganfyddiadau archeolegol yng Nghôr y Cewri a safleoedd cyfagos, sydd wedi'u defnyddio i ddysgu mwy am fywydau'r bobl oedd yn byw yn ystod y cyfnodau hyn.

Mae'r adnoddau yn cynnwys y canlynol:

• Gweithio fel Gwyddonydd
• Bwyd a Deiet
• Deiet Iachus
• Dannedd Da
• Y System Dreulio Ddynol
• Creu Caws.

Rhagor o wybodaeth

I gael rhagor o wybodaeth am y gweithgaredd hwn, ewch i'n gwefan.

Ynglŷn â'r trefnydd

Ysgol Hanes, Archaeoleg a Chrefydd sy’n trefnu’r gweithgaredd hwn. Cysylltwch â Julie Best yn bestj3@caerdydd.ac.uk i gael rhagor o fanylion.