Teithiau tywys a gweithdai llyfrgell

• Ar gael ar gais
• Hyblyg
• Ar gael yn Gymraeg

Mae'r teithiau tywys yn cyflwyno myfyrwyr i amgylchedd y llyfrgell, a gellir eu teilwra i'w helpu i ddechrau defnyddio ein casgliadau i gwblhau tasg ymchwil.

Teithiau i Grwpiau

Os hoffech drefnu taith tywys fel grŵp, cysylltwch â ni bythefnos cyn yr hoffech ymweld er mwyn trafod eich anghenion. Gallwn roi cyngor ynghylch pa lyfrgell fyddai orau i chi ymweld â hi a chytuno ar ddyddiad addas.

Gweithdai

Mae'r Llyfrgell hefyd yn cynnig gweithdai rhyngweithiol i ddatblygu gallu eich myfyrwyr i ddod o hyd i ffynonellau gwybodaeth academaidd, a'u defnyddio i gynorthwyo eu hastudiaethau. Gellir teilwra gweithdai ar gyfer eich anghenion ac i gyd-fynd â'ch deilliannau dysgu. Gall y pynciau gynnwys:

• nodi ffynonellau gwybodaeth priodol at ddibenion tasg ymchwil
• chwilio am wybodaeth academaidd
• gwerthuso safon ffynonellau a'u cynnwys yn feirniadol
• cadw cofnod o'r wybodaeth y dewch o hyd iddi
• osgoi llên-ladrad
• cyfeirnodi yn unol â dull Harvard, APA, MHRA neu Vancouver.

Os hoffech drefnu gweithdy, cysylltwch â ni o leiaf fis ymlaen llaw i drafod eich gofynion.

Rhagor o wybodaeth

I gael rhagor o wybodaeth am y gweithgaredd hwn, ewch i'n gwefan.

Ynglŷn â'r trefnydd

Gwasanaeth Llyfrgelloedd y Brifysgol sy’n trefnu’r gweithgaredd hwn. Cysylltwch â ni yn librarytraining@caerdydd.ac.uk i gael rhagor o fanylion.