Cymorth Bagloriaeth Cymru gan Ysgol Pensaernïaeth Cymru

• Ar gael ar gais
• Hyblyg
• Ar gael yn Gymraeg

Mae Ysgol Pensaernïaeth Cymru wedi datblygu cyfres o ddeunyddiau addysgu a dysgu sy'n canolbwyntio ar gyflwyno pensaernïaeth fel pwnc i ddysgwyr.

Bydd y deunyddiau yn helpu i gyflwyno pob un o heriau Bagloriaeth Cymru a datblygiad y Prosiect Unigol.

Rydym wedi ymrwymo i wella ein hymgysylltiad ag ysgolion cynradd, uwchradd ac addysg bellach leol a chenedlaethol a cholegau fel rhan o'n rhaglen allgymorth.

Mae pump o'n myfyrwyr israddedig wedi bod yn gweithio i greu'r gyfres hon o wersi a deunyddiau cyffrous i helpu athrawon Bagloriaeth Cymru i gyflwyno'r cymhwyster yn llwyddiannus. Mae’r rhain yn cynnwys:

• taflenni gwaith
• tasgau gwersi cam wrth gam
• Cyflwyniadau PowerPoint i gyflwyno pensaernïaeth.

Mae myfyrwyr israddedig o Ysgol Pensaernïaeth Cymru wedi derbyn cefnogaeth i gwblhau'r prosiect hwn gan Brosiect Partneriaeth Ysgolion y Brifysgol a  CBAC.

Rhagor o wybodaeth

I gael rhagor o wybodaeth am y gweithgaredd hwn, ewch i'n gwefan.

Ynglŷn â'r trefnydd

Ysgol Pensaernïaeth Cymru sy’n trefnu’r gweithgaredd hwn. Cysylltwch â Kelly Butt yn buttkl@caerdydd.ac.uk neu +44 (0)2920 875968 i gael rhagor o fanylion.