Profiad gwaith Gwyddoniaeth ym Maes Iechyd

• Mehefin, Gorffennaf
• Mwy nag un diwrnod

Bydd ymgeiswyr blwyddyn 12 llwyddiannus yn cael y cyfle i gymryd rhan mewn profiad gwaith mewn labordy, a chânt flas estynedig ar amgylchedd ymchwil yr Ysgol Meddygaeth.

Bydd y disgyblion yn cael profiad uniongyrchol o amrywiaeth o’r technolegau diweddaraf, ac yn gweithio fesul tri gyda nifer o wahanol ymchwilwyr a’u grwpiau ymchwil. Mae’r rhain yn cynnwys:

• bioleg foleciwlaidd -cytometreg llif
• dilyniannu DNA
• meicro-chwistrellu wyau
• sbectrometreg màs firoleg
• crisialeg pelydr-X
• ffarmacoleg
• imiwnoleg gellol.

Bydd y disgyblion yn dysgu am bwysigrwydd arbrofi ar anifeiliaid mewn gwaith ymchwil biofeddygol sylfaenol ac wrth ddatblygu triniaethau meddygol newydd. Bydd y disgyblion hefyd yn cael cwrdd â myfyrwyr PhD a chymrodorion ôl-ddoethurol a threulio amser gyda nhw, gan fod llawer ohonynt yng nghyfnodau cynnar eu gyrfaoedd.

Cynhelir y cynllun am gyfnod o bedair wythnos yn ystod mis Mehefin a mis Gorffennaf. Mae cael eich derbyn ar y cynllun profiad gwaith hwn yn gystadleuol. Gellir lawrlwytho’r ffurflen gais ar ein gwefan. Y dyddiad cau blynyddol ar gyfer y cynllun yw 31 Mawrth.

Rhagor o wybodaeth

I gael rhagor o wybodaeth am y gweithgaredd hwn, ewch i'n gwefan.

Ynglŷn â'r trefnydd

Tîm Ymgysylltu, Ysgol Meddygaeth sy’n trefnu’r gweithgaredd hwn. Cysylltwch â Karen Edwards yn medicengagement@caerdydd.ac.uk neu +44 (0)2920 742104 i gael rhagor o fanylion.