Fferylliaeth a'r gwyddorau fferyllol

Rydym yn un o ysgolion fferylliaeth gorau'r DU. Mae ein haddysgu yn cael ei lywio a'i gefnogi gan ein hymchwil a gydnabyddir yn rhyngwladol ac mae'n caniatáu i fyfyrwyr archwilio gwahanol agweddau ar fferylliaeth fodern.

Yr Athro Mark Gumbleton Athro Therapiwteg Arbrofol a Chyfarwyddwr Ymchwil

Gweminar fyw am MPharm a sesiynau galw heibio sgwrsio byw

Mae Dr Allan Cosslett, Cyfarwyddwr Derbyniadau a Recriwtio, yn trafod popeth sydd angen i chi ei wybod am ein cwrs MPharm sy'n ar y brig ac yna cyfle i chi ofyn cwestiynau ar gweminar Zoom.

Mae ein tîm Derbyniadau Ysgol cyfeillgar, academyddion a myfyrwyr gradd israddedig MPharm cyfredol hefyd ar gael ar Unibuddy i ateb unrhyw gwestiynau bellach all fod gennych am ein Hysgol neu am astudio a byw yng Nghaerdydd.

Gweminar ar ein cwrs MPharm gyda Sesiwn Holi ac Ateb
Mae'r digwyddiad hwn ar ben
18 Tachwedd, 16:00 - 17:00
Sgwrsio gyda'n staff
Mae'r digwyddiad hwn ar ben
18 Tachwedd, 17:00 - 19:00
Sgwrsio gyda'n myfyrwyr
Mae'r digwyddiad hwn ar ben
18 Tachwedd, 17:00 - 19:00

Pam astudio gyda ni?

100 mlynedd o ragoriaeth mewn addysgu ac ymchwil

Rydym yn Ysgol glos a hirsefydlog ar ôl dathlu ein canmlwyddiant yn ddiweddar.

Ysgol Fferylliaeth a Gwyddorau Fferyllol Uchaf

Yn ôl The Complete University Guide 2020, rydym ymlith yr Ysgolion gorau yng Nghymru a Lloegr,

Yr Ysgol Fferylliaeth a Gwyddorau Fferyllol gyntaf ar y cyd ar gyfer ymchwil

Yn y Fframwaith Rhagoriaeth Ymchwil, rydym yn un o’r ddwy Ysgol Fferylliaeth orau ar gyfer ansawdd ac effaith ein hymchwil.

Datblygu ymarferwyr fferyllol o'r safon uchaf

Pasiodd 82% o'n myfyrwyr a safodd arholiad cyn-gofrestru'r Cyngor Fferyllol Cyffredinol yn 2019 y tro cyntaf, sy'n uwch na'r cyfartaledd cenedlaethol cyffredinol o 72%

Rhagolygon gyrfa gwych

Mae 100% o'n graddedigion mewn cyflogaeth a/neu'n astudio ymhellach chwe mis ar ôl graddio.

Cryfhau gwasanaethau fferyllol

Mae gennym ystod o weithgareddau addysgu trwy gyfrwng y Gymraeg a ddyluniwyd ar gyfer myfyrwyr a dysgwyr Cymraeg er budd darparu gofal iechyd.

Ein sgyrsiau

Croeso gan ein Pennaeth Ysgol

Gwyliwch y fideo fer hon a chwrdd â'r Athro Mark Gumbleton, Pennaeth yr Ysgol, wrth iddo eich cyflwyno i'n Hysgol o'r radd flaenaf a'ch tywys trwy'r deunyddiau a'r wybodaeth sydd ar gael yn niwrnod agored heddiw. (Saesneg)

Cyflwyniad i'n cwrs israddedig MPharm

A wnaethoch chi fethu ein sgwrs fyw? Peidiwch â phoeni, mae'r fideo hon gan ein Cyfarwyddwr Derbyniadau a Recriwtio, Dr Allan Cosslett, yn rhoi trosolwg ar sut i ddod yn fferyllydd, yr opsiynau gyrfa amrywiol sydd ar gael ichi ynghyd â gwybodaeth am ein cwrs MPharm ac ein Hysgol. Peidiwch â cholli ein cynghorion gorau ar wneud cais! (Saesneg)

Beth mae fferyllwyr heddiw yn ei wneud

Mae fferyllwyr yn arbenigwyr ym maes cyffuriau a meddyginiaethau a gallant fod yn rhan o unrhyw agwedd ar baratoi a defnyddio cyffuriau. Mae hynny'n cynnwys darganfod meddyginiaethau, dod o hyd i'r ffordd orau i roi cyffuriau, eu cyflenwi i gleifion a gwneud y gorau o therapi cyffuriau.

Mae llawer o fferyllwyr heddiw bellach yn gymwys i ragnodi meddyginiaethau yn annibynnol ar feddyg ac maent ar reng flaen y ddarpariaeth gofal iechyd. Maent yn chwarae rhan ganolog wrth gefnogi cleifion a gwella eu hiechyd a'u lles.

Dysgwch fwy am ddyfodol mewn fferylliaeth yn y canllaw defnyddiol hwn gan y Gymdeithas Fferyllol Frenhinol

Darganfyddwch fwy am ein Hysgol

Rydym yn angerddol am y proffesiwn fferylliaeth. Mae ein haddysgu yn cael ei lywio a'i gefnogi gan ein hymchwil a gydnabyddir yn rhyngwladol. Mae ein tîm o ymchwilwyr sy’n arwain y byd yn gweithio ar ddarganfod, datblygu a defnyddio cyffuriau a meddyginiaethau i fynd i’r afael â rhai o’r cyflyrau meddygol mwyaf gwanychol a bygwth bywyd fel Clefyd Alzheimer, Clefyd Parkinson, canser, diabetes a chlefydau heintus.

Darganfyddwch fwy am ein Hysgol a ymchwil arloesol a sut mae ein hymchwilwyr ymroddedig yn paratoi'r ffordd wrth greu dulliau newydd ac effeithiol ar gyfer cyflwyno'r cyffuriau hyn ac archwilio sut y gellir eu defnyddio i drin afiechyd yn well. Yr un tîm o ymchwilwyr ydyw, yn ogystal ag ymarferwyr arbenigol allanol, sy'n dysgu ein myfyrwyr fferylliaeth ac yn ysbrydoli ymchwil y dyfodol.

Y peth gorau am yr MPharm yw cael eich addysgu gan staff sy'n arwain y byd yn eu meysydd. Rydyn ni'n cael siarad â phobl sy'n siapio byd fferylliaeth, ac yn gwneud yr ymchwil a'r datblygu a fydd yn sail i driniaethau'r dyfodol. Rwyf wedi cael cyfle i dreulio amser dramor, cael fy newis ar gyfer sawl gwobr a chynrychioli ein corff proffesiynol, yr RPS. Rwyf wedi cael amser gwych yma.

Mark Sweeney, Myfyrwr MPharm

Sut rydyn ni'n addysgu a barn ein myfyrwyr amdanon ni

Sut rydyn ni'n addysgu MPharm

Mae'r fideo fer hon yn rhoi cipolwg ar sut rydyn ni'n arfogi ein myfyrwyr â'r wybodaeth, y sgiliau a'r profiad sydd eu hangen arnyn nhw i lwyddo fel ymarferwyr fferyllol yn y dyfodol. (Saenseg)