Therapi Galwedigaethol

Our Occupational Therapy programme is ranked 1st in the UK by the Complete University Guide 2021.

Pam y dylech astudio gyda ni

1af yn y DU

Yn ôl tablau’r Complete University Guide 2021 ein rhaglen Therapi Galwedigaethol yw’r un orau yn y DU.

Ein cysylltiadau

Mae gennym gysylltiadau agos â Choleg Brenhinol y Therapyddion Galwedigaethol ac â chyrff a sefydliadau proffesiynol allweddol eraill.

Rydym yn rhyngwladol

Rydym wedi ymrwymo i alluogi ein myfyrwyr i gael profiad dysgu rhyngwladol.

Ein cyfleusterau

Mae ein hystafelloedd efelychu a’n cyfarpar blaengar yn adlewyrchu’r amgylcheddau gofal iechyd lle byddwch yn ymgymryd â lleoliadau gwaith, ac yn y pen draw, yn mynd yn eich blaen i fod yn weithwyr proffesiynol cymwys.

Caiff ein rhaglen ei hariannu

Mae bwrsariaeth lawn gan y GIG ar gael ar gyfer ein rhaglenni, os ydych yn bodloni ein gofynion cymhwysedd. Mae’n cynnwys ffioedd dysgu a bwrsariaeth nad yw’n ad-daladwy ar gyfer costau byw.

Cyrsiau

Blwyddyn mynediad

Therapi Galwedigaethol (BSc)

Amser llawn, 3 blwyddyn

Roedd ein rhaglen Therapi Galwedigaethol yn y safle 1af yn y DU yn Complete University Guide 2018 a 2019, a'i nod yw eich paratoi ar gyfer eich gyrfa ddewisol fel therapydd galwedigaethol.

Ein sgwrs

Mae'r Tiwtor Derbyn Therapi Galwedigaethol (BSc), Dr Heather Hurst, yn rhoi trosolwg o'r cwrs - o'r ffordd y caiff ei strwythuro, i roi cyngor ar sut i wneud cais.

Dewisais ddod i Brifysgol Caerdydd oherwydd fy mod am gael yr addysg orau a fyddai'n fy ngalluogi i fod yn Therapydd Galwedigaethol.

Liam myfyriwr Therapi Galwedigaethol (BSc)

Cewch glywed gan un o'n myfyrwyr

Mae Amy, myfyriwr Therapi Galwedigaethol yn y drydedd flwyddyn (BSc) yn sôn am ei phrofiad o astudio gyda ni.

Mae Prifysgol Caerdydd yn fy mharatoi'n dda ar gyfer yr hyn sy'n dod nesaf. Cefais flas go iawn ar y cyfleoedd sydd ar gael i mi, yn sgil fy lleoliadau, ac rwy'n gwybod bod cyflogwyr yn awyddus i gael ceisiadau gan raddedigion Prifysgol Caerdydd. Weithiau mae'r cwrs yn heriol ond mae mor werth chweil.

Ibtisam myfyriwr Therapi Galwedigaethol (BSc)

Ewch ar daith rithwir o gwmpas ein cyfleusterau

Ystafell Efelychu Caerllion

Mae ein hystafell efelychu yn adlewyrchu lleoliadau clinigol sy'n caniatáu i fyfyrwyr ddatblygu sgiliau a phrofiad allweddol.

Darlithfa

Mae ein darlithfa wedi'i hadnewyddu yn cynnal sesiynau addysgu mawr.

Fflat 189

Mae fflat 189 yn galluogi myfyrwyr i ymarfer sgiliau asesu a thrin mewn amgylchedd cartref.

Clinig Therapi Galwedigaethol

Rydym yn cynnal Clinig Therapi Galwedigaethol ar y safle lle y gall ein myfyrwyr gael profiad o weithio gyda chleifion.

Canolfan Ymchwil Cinaesioleg Clinigol (RCCK)

Mae’r Ganolfan Ymchwil Cinaesioleg Glinigol (RCCK) yn cynnwys offer mesur biomecanyddol a ffisiolegol o’r radd flaenaf.

Lolfa IV

Mae ein man hamdden a chaffeteria hefyd yn gartref i Undeb Myfyrwyr ar Gampws y Mynydd Bychan.

Llyfrgell Campws y Mynydd Bychan

Mae adnoddau addysgol ar gyfer ein rhaglenni iechyd gofal ar gael yn ein llyfrgell ar y safle.

Ystafell ymarferol

Mae gennym lawer o ystafelloedd ymarferol lle y gall myfyrwyr ymarfer a datblygu eu sgiliau clinigol.

Cyfleoedd gofal iechyd byd-eang

Rydym wedi ymrwymo i alluogi ein myfyrwyr i gael profiad dysgu rhyngwladol. Yn 2019, teithiodd dros 100 o fyfyrwyr israddedig gofal iechyd a chawsant brofiad o ofal iechyd dramor.

Ble yn y byd y byddech chi'n mynd?

Darllenwch am brofiadau ein myfyrwyr

Dewch i fod yn rhan o rywbeth arbennig

Ydych chi am ddewis cwrs sy'n gwneud gwahaniaeth go iawn? Gyda chyrsiau hygyrch, darlithwyr ysbrydoledig, a gwneud ffrindiau oes, rhyddhewch eich potensial gyda ni a dechrau gyrfa y byddwch chi'n ymfalchïo ynddo.