Pensaernïaeth
Rydyn ni’n ysgol bensaernïaeth flaenllaw sy’n frwdfrydig dros greu amgylchedd adeiledig a fydd yn gwella bywydau pobl heb ddinistrio'r blaned ar draul cenedlaethau'r dyfodol.
Pam astudio gyda ni?
Ysgol Pensaernïaeth Cymru yw un o ysgolion pensaernïaeth gorau'r DU ac mae wedi ymrwymo i wneud yn siŵr bod y myfyrwyr yn cael y sgiliau sydd eu hangen i greu pensaernïaeth gynaliadwy a dinasoedd sy'n gwella bywydau pobl heb ddinistrio'r blaned. Gan roi pwyslais ar greu a harneisio creadigrwydd, rydym ni'n annog myfyrwyr i herio eu ffiniau a symud ymlaen gyda'u syniadau.
Ysgol bensaernïaeth flaenllaw
Dewch i astudio yn un o ysgolion pensaernïaeth gorau'r deyrnas.
Arweinir gan ddylunio
Mae’n rhaglen yn canolbwyntio ar ymarfer, ac mae dau draean o'n cwrs gradd BSc yn ymwneud â phrosiectau yn y stiwdio ar hyn o bryd.
Cwrs achrededig
Cwrs achrededig RIBA ac ARB mewn pensaernïaeth.
Rydw i wrth fy modd yn Ysgol Pensaernïaeth Cymru gan ei bod yn teimlo fel teulu. Y wers bwysicaf rydw i wedi’i dysgu oedd deall sut mae ein dyluniadau’n gallu effeithio ar y gymdeithas. Fy nghyngor i fyfyrwyr pensaernïaeth newydd fyddai mwynhewch y broses ddylunio. Peidiwch ag ofni pethau newydd, byddwch feiddgar! Wedi’r cwbl, mae gan fyfyrwyr y rhyddid i ystyried syniadau newydd ac estyn eu creadigrwydd. Dyma’r adeg i arbrofi.
Cyrsiau
Ein sgyrsiau
BSc Astudiaethau Pensaernïol
Bydd Dr Sam Clark, Cyfarwyddwr Recriwtio a Derbyn, yn siarad am ddysgu ac addysgu yn rhaglen BSc Ysgol Pensaernïaeth Cymru a’r cyfleoedd y gall yr ysgol eu cynnig i chi.
Gradd Meistr Pensaernïaeth (MArch)
Bydd Caroline Almond, Cadeirydd Blwyddyn 1 MArch, a’r Dr Mhairi McVicar, Cadeirydd Blwyddyn 2 MArch, yn rhoi crynodeb o raglen Meistr Pensaernïaeth a’r hyn y gallwch chi ei ddisgwyl ym mlynyddoedd 4 a 5.
Ein Hysgol a’n myfyrwyr
Gweld ein cyfleusterau a gwylio fideos am ein myfyrwyr i ddysgu rhagor am fod yn rhan o ysgol bensaernïaeth fywiog a chydweithredol sy’n rhoi pwyslais cryf ar waith stiwdio.
Ysgol Pensaernïaeth Cymru ydyn ni
Cewch wybod am Ysgol Pensaernïaeth Cymru, dysgu am ein gwerthoedd craidd a gweld sut brofiad yw bod yn rhan o'r Ysgol.
Taith trwy Ysgol Pensaernïaeth Cymru
Mae adeilad Bute rhestredig Gradd II eiconig Ysgol Pensaernïaeth Cymru wedi cael ei adnewyddu’n helaeth i gynnwys cyfleusterau pwrpasol newydd gan gynnwys gofodau stiwdio mwy, Stiwdio Hybrid, Labordy Byw a Neuadd Arddangos. Mae’r ffilm newydd hon yn arddangos gwedd newydd yr adeilad, gan fynd â gwylwyr ar daith dan arweiniad myfyrwyr presennol a’u profiadau o astudio yn yr ysgol.
Astudio yn Ysgol Pensaernïaeth Cymru
Bydd myfyriwr BSc Astudiaethau Pensaernïol Zizy yn sôn am yr ysgol, bywyd myfyriwr ac awgrymiadau i ymgeiswyr cwrs pensaernïaeth.
Taith rithwir Ysgol Pensaernïaeth Cymru
Gweld ein taith ffotograffig newydd o'r lleoedd a'r offer sydd ar gael i chi yn Ysgol Pensaernïaeth Cymru.
Adeiladau a lleoliadau
Adeilad Bute
Mae Adeilad Bute yn adeilad rhestredig Gradd II ac yn gartref i Ysgol Pensaernïaeth Cymru
Stiwdio Pensaernïaeth
Wedi'i leoli yn Adeilad ButeGweld un o’n stiwdios trwy daith 360.
Llyfrgell Pensaernïaeth
Wedi'i leoli yn Adeilad ButeMae gan fyfyrwyr a staff fynediad uniongyrchol at gasgliad y llyfrgell o lyfrau, cyfnodolion, llenyddiaeth gyfeirio a thechnegol yn ogystal â deunydd clyweledol. Yn ogystal â'r adnoddau hyn mae casgliad o lyfrau prin yn y llyfrgell hefyd.
Arddangosfa myfyrwyr Ysgol Pensaernïaeth Cymru 2022
Dathliad o flwyddyn ragorol o waith caled ein myfyrwyr ar lefel gradd Baglor a gradd Meistr yw arddangosfa 2022 yr Ysgol.
Eleni, bydd yr arddangosfa yn cymryd cam yn ôl o 'ddelweddau terfynol' dylunio pensaernïol er mwyn dod â chi'n agosach at y prosesau dylunio ac allbynnau dros dro gwahanol sy'n llywio cynigion terfynol ein myfyrwyr. Dyma gyfle i archwilio, astudio a dysgu sut mae brasluniau cychwynnol cyflym yn dod yn ddarluniau manwl, sut mae lluniadau wedi'u dargopïo’n dod yn fodelau 3D wedi'u rendro a sut mae ysbrydoliaeth dectonig yn dod yn fanylion adeiladol.
Roeddwn i wir wrth fy modd gyda fy nghyfnod yn Ysgol Pensaernïaeth Cymru. Roedd yn saith mlynedd o waith caled a heriau ond yn daith anhygoel o ymdrwythol a gwerth chweil sydd wedi cynnig cymaint i mi. Fe wnes i ymdrwytho'n llwyr ym mhopeth roedd yr Ysgol yn ei gynnig - roedd yn dda gyda fi weld bod cymaint i’w ddysgu a rhoes yr amrywiaeth helaeth o ddysg hyder imi ddechrau fy ngyrfa.
Darganfod Prifysgol Caerdydd
Camau nesaf
Gweld holl gyrsiau Ysgol Pensaernïaeth Cymru
Archwilio ein cyrsiau.
Lawrlwytho’r llyfryn
Dysgwch ragor am ein Hysgol yn ein llyfryn pwnc.
Cysylltu â ni
Gofynnwch gwestiwn drwy ein ffurflen ymholi, a chewch ateb gennym cyn gynted ag y bo modd.
Sut i gyflwyno cais
Popeth y mae angen i chi ei wybod am ein proses ymgeisio.
