Cyflwyniadau ar-lein a fideos
Dewch i archwilio ein sgyrsiau a'n fideos a chael blas ar sut beth yw astudio gyda ni ym mhrifddinas Cymru.
Beth sy'n ein gwneud ni'n unigryw?
Pam astudio ym Mhrifysgol Caerdydd?
Yn y cyflwyniad hwn, byddwn yn sôn am beth sydd ar gael i fyfyrwyr sy'n astudio gyda ni.
O’i bri academaidd o fod yr unig Brifysgol Gymreig yng Ngrŵp Russell, i gyfleoedd cymdeithasol a byw yn y brifddinas, cewch ragor o wybodaeth am pam mae cymaint o fyfyrwyr yn syrthio mewn cariad â Phrifysgol Caerdydd.
Y graddedigion y mae’r galw mwyaf amdanynt yn y DU
Roedd 96% o'n graddedigion mewn cyflogaeth, a/neu’n astudio ymhellach, ar fin dechrau swydd neu gwrs newydd, neu’n gwneud gweithgareddau eraill fel teithio, 15 mis ar ôl diwedd eu cwrs (data HESA).
Un o'r prifysgolion harddaf yn y DU - (Times Higher Education 2018)
Byddwch yn astudio mewn prifddinas sy’n enwog am ei chyfeillgarwch, ei diwylliant a’i mannau gwyrdd - mae gennym fwy o fannau gwyrdd y pen nag unrhyw ddinas graidd arall yn y DU.
Campws sy'n hawdd ei grwydro
Mae Castell Caerdydd ac ardaloedd siopa'r ddinas o fewn tafliad carreg o'n campws Cathays.
Taith campws Parc Cathays'
Ein campws ym Mharc Cathays, lle mae'r rhan fwyaf o'n Hysgolion Academaidd wedi'u lleoli, sy'n cynnwys llwybrau â choed uchel bob ochr iddynt ac adeiladau cerrig Portland cain.
Ceisiadau a derbyn myfyrwyr
Ddim yn siŵr ble i ddechrau? Byddwn yn eich tywys drwy’r broses ymgeisio gyda Gwasanaeth Derbyn y Prifysgolion a’r Colegau (UCAS). Mwy o wybodaeth am wneud cais ac ysgrifennu datganiad personol.
Cyflwyno cais i'r brifysgol
Yn y cyflwyniad hwn, byddwn yn sôn am wahanol elfennau’r broses o wneud cais, terfynau amser UCAS, sut mae gwneud cais, y mathau o gynigion a wneir a sut mae ymateb. Byddwn hefyd yn trafod y ffurflen gais, gwallau cyffredin ac yn cynnig cyngor ynghylch gwneud cais llwyddiannus.
Llety
Dechreuwch eich bywyd fel myfyriwr mewn amgylchedd difyr, bywiog, gan gwrdd â llwyth o bobl newydd o wahanol gefndiroedd. Bydd pob myfyrwyr sydd wedi derbyn cynnig cadarn neu gynnig yswiriant yn cael gwarant o ystafell wely deiliadaeth sengl yn ein preswylfeydd, cyn belled ag y byddant yn cadw at y terfynau amser sy'n gysylltiedig.
Llety Prifysgol Caerdydd
Yn y cyflwyniad hwn, cewch wybod sut i wneud cais am lety, yn ogystal â manylion am ein neuaddau a'n tai preswyl. Byddwn hefyd yn sôn am sut rydym yn prosesu ceisiadau a phryd byddwch yn debygol o gael cynnig am eich ystafell.
Cyllid myfyrwyr
I gael gwybodaeth am ba gyllid sydd ar gael i'ch helpu i dalu ffioedd dysgu a chostau byw, ewch i'n tudalen wybodaeth cyllid israddedig . Yma fe welwch fanylion am y cyllid sydd ar gael yn dibynnu ar y cwrs rydych yn bwriadu ei astudio a ble rydych yn byw fel arfer.
Angen cymorth arbenigol? Gall ein Tîm Cyngor ac Arian eich helpu i fynd i’r afael ag unrhyw broblemau heriol y gallech eu hwynebu sy’n ymwneud â chyllid myfyrwyr.
Cefnogi a lles myfyrwyr
O gwnsela a chyngor gyrfaol i gefnogi myfyrwyr rhyngwladol, rydym yn cynnig ystod gynhwysfawr o wasanaethau y gallwch gael gafael arnynt yn ystod eich amser yma, neu ar ôl i chi raddio.
Cyflwyniad i’n Gwasanaeth Anableddau a Dyslecsia
Mae gennym fwy na 3,000 o fyfyrwyr cofrestredig yn defnyddio ein gwasanaethau. Os ydych yn teimlo y gallai fod angen cefnogaeth arnoch yn y brifysgol, neu os ydych wedi cael cefnogaeth yn flaenorol ac eisiau iddi barhau, gwyliwch y cyflwyniad hwn i gael rhagor o wybodaeth am beth allwn ni ei wneud i chi.
Undeb Myfyrwyr Prifysgol Caerdydd
Undeb ein Myfyrwyr yw’r ail gorau yn y DU (Gwobrau Dewis y Myfyrwyr Whatuni 2021), ac mae’n gartref i dros 200 o gymdeithasau myfyrwyr a 60 o glybiau chwaraeon, adloniant byw, yn ogystal â gwasanaethau lles, gyrfaoedd a chyngor.
Fe gynhelir gan fyfyrwyr, i fyfyrwyr. Mae’n cynrychioli llais y myfyrwyr yn y Brifysgol, gan ymgyrchu dros faterion sy’n bwysig i chi.
Myfyrwyr Rhyngwladol ac o’r UE
Gyda thros 7,900 o fyfyrwyr rhyngwladol o fwy na 130 o wledydd, rydym yn brifysgol fyd-eang go iawn.
I’ch helpu i fwrw eich gwreiddiau ym mywyd y myfyrwyr, mae ein tîm cefnogi myfyrwyr rhyngwladol yn cynnal digwyddiadau a gweithgareddau croesawu, ac yn trefnu gwasanaeth coets rhad ac am ddim o feysydd awyr Heathrow a Chaerdydd pan fyddwch yn cyrraedd. Maent hefyd yn cynnig cyngor arbenigol ar amrywiaeth eang o faterion ariannol, mewnfudo a lles.
Gwybodaeth i fyfyrwyr rhyngwladol
Yn y cyflwyniad hwn, mae ein Swyddfa Ryngwladol yn cynnig cyngor defnyddiol, ac yn dangos pam bod Prifysgol Caerdydd, a'r brifddinas ei hun, yn lleoliad perffaith i astudio, gweithio ac i fyw ynddo.
Astudio, gweithio neu wirfoddoli dramor
Ni waeth beth fo eich cwrs, gallwch fachu ar y cyfle i fynd dramor, lle gallwch ddarganfod diwylliannau newydd, dysgu iaith newydd a gwneud ffrindiau oes. Mae gennym gysylltiadau â thros 300 o sefydliadau, ac mae ein myfyrwyr wedi ymweld â thros 50 gwlad y llynedd, yn Ewrop a thu hwnt. Rydym yn cynnig ystod o fwrsariaethau hefyd, i helpu i dalu am y costau.
Treulio amser dramor gyda Chyfleoedd Byd-eang
Yn y cyflwyniad hwn, bydd ein Tîm Cyfleoedd Byd-eang yn cyflwyno’r ystod eang o gyfleoedd sydd ar gael ac yn ystyried y manteision o gael profiad rhyngwladol.
Dysgwch iaith am ddim
Ochr yn ochr â’ch prif raglen gradd, gallwch gymryd un o’n cyrsiau Ieithoedd i Bawb rhad ac am ddim mewn Arabeg, Ffrangeg, Almaeneg, Eidaleg, Japaneg, Tsieinëeg Mandarin, Portiwgaleg, Rwsieg a Sbaeneg. Os hoffech chi ddysgu Cymraeg, gallwch gofrestru am gwrs Cymraeg i Bawb, sydd hefyd yn ffitio o gwmpas eich ymrwymiadau academaidd.
Rydym yn darparu ar gyfer pob gallu, o gyrsiau i ddechreuwyr i rheiny o safon uwch.
Astudio drwy gyfrwng y Gymraeg
Mae gennym bron 100 o gyrsiau gradd - gan gynnwys y rheiny ym meysydd meddygaeth, y gyfraith a newyddiaduraeth - sy’n cynnig rhai neu bob un o’u modiwlau yn Gymraeg. Mae byw mewn prifddinas ddwyieithog yn golygu y byddwch hefyd yn cael llawer o gyfleoedd i brofi diwylliant Cymraeg bywiog, ar y campws ac oddi arni.
Darllewch am sut yr ydym yn cyfrannu'n gadarnhaol at ddatblygiad yr iaith Gymraeg. Ac os ydych am ddysgu Cymraeg, gallwch gofrestru ar gyfer ein cwrs Cymraeg i Bawb, fel y gallwch ddysgu’r iaith, yn rhad ac am ddim, ochr yn ochr â’ch astudiaethau
Dylech nodi mai yn Gymraeg yn unig y mae'r fideos a'r cyflwyniadau ar gael.
Defnyddio'ch Cymraeg yn y brifysgol
Yn y cyflwyniad hwn, cewch wybodaeth am y math o gyrsiau sydd ar gael i'w hastudio drwy gyfrwng y Gymraeg, yn ogystal â chipolwg o fywyd cymdeithasol ein myfyrwyr Cymraeg eu hiaith.
Chwaraeon
Mae cyfleoedd diderfyn i chi gymryd rhan - ar y campws ac oddi arno - p’un ai cynghrair pêl-droed 7 yr ochr, parhau â’ch gyrfa chwaraeon elît neu heicio llwybr arfordirol 870 milltir o hyd Cymru.
Mae ein cyfleusterau ar bedwar safle ar y ddau gampws, ac yn cynnwys pentref ymarfer, pwll nofio, canolfan ffitrwydd a sboncen, a chaeau chwarae 33 erw.
Rydym wrthi'n trefnu'r addasiadau angenrheidiol ar gyfer ein cyfleusterau chwaraeon ar gyfer eleni, ond roedden am rhoi blas i chi o beth sydd gennym i'w gynnig. Dylech nodi efallai na fydd modd cynnal rhai gweithgareddau ar hyn o bryd oherwydd y sefyllfa bresennol.
Cymryd rhan mewn Chwaraeon ym Mhrifysgol Caerdydd
Cofiwch y gallai rhywfaint o'r wybodaeth yn y fideos hyn fod yn hen erbyn hyn. Dod o hyd i'r wybodaeth ddiweddaraf am ein cyfleusterau chwaraeon.
Y camau nesaf
Ymunwch â ni ar Facebook
Cadwch i'r funud o ran beth sy'n digwydd ar y campws
Dilynwch ni ar Instagram
Tagiwch eich lluniau gyda @cardiffuni a #cardiffuni er mwyn i ni eu rhannu.
Darllenwch ein blogiau myfyrwyr
Mae ein myfyrwyr sy’n ysgrifennu blogiau yn cofnodi eu profiadau ac yn fodlon ateb eich cwestiynau.
Cysylltu
Gofynnwch gwestiwn drwy ein ffurflen ymholi, a chewch ateb gennym cyn gynted ag y bo modd.
Ffynhonnell: Asiantaeth Ystadegau Addysg Uwch, yr Arolwg Hynt Graddedigion Diweddaraf 2019/20, a gyhoeddwyd gan HESA ym mis Mehefin 2022.
Hawlfraint: Yn cynnwys data gan HESA: Hawlfraint yr Asiantaeth Ystadegau Addysg Uwch Cyfyngedig 2022. Ni all Asiantaeth Ystadegau Addysg Uwch Cyfyngedig dderbyn cyfrifoldeb am unrhyw gasgliad y bydd trydydd partïon yn ei wneud o ganlyniad i’w data.
