Ewch i’r prif gynnwys

Peirianneg Sifil (Rhyngwladol) gyda Blwyddyn mewn Diwydiant (MEng)

  • Maes pwnc: Peirianneg
  • Côd UCAS: K3G1
  • Derbyniad nesaf: Medi 2023
  • Hyd: 5 blwyddyn
  • Modd (astudio): Llawn amser gyda blwyddyn ryngosod
Engineering student

Pam astudio'r cwrs hwn

rosette

Ystyriaeth am ddyfarniad proffesiynol

Mae ein partneriaeth ffurfiol â Sefydliad City and Guilds Llundain yn eich galluogi i ennill Gwobr Uwch Licentiateship ar ôl cwblhau eich lleoliad yn llwyddiannus.

globe

Semester dramor

Cewch y gyfle i dreulio semester yn astudio dramor yn un o'n sefydliadau partner Saesneg eu hiaith yn Ewrop neu ymhellach i ffwrdd yn Awstralia, yr Unol Daleithiau, Tsieina a mwy.

location

Lleoliad diwydiannol

Ewch ati i ennill profiad gwerthfawr o weithio mewn rôl â thâl mewn sefydliad yn y DU neu dramor am un flwyddyn academaidd.

mortarboard

Breintiau graddedigion

Mae graddedigion yn dilyn llwybr cyflymach a mwy uniongyrchol i statws Peiriannydd Siartredig na myfyrwyr BEng.

certificate

Cwrs sydd wedi’i achredu’n broffesiynol

Wedi'i achredu gan Sefydliad y Peirianwyr Sifil, Sefydliad y Peirianwyr Strwythurol, Sefydliad Siartredig Priffyrdd a Chludiant a Sefydliad y Peirianwyr Priffyrdd ar ran y Cyngor Peirianneg at ddibenion cyflawni'n llawn y gofyniad academaidd ar gyfer cofrestru’n Beiriannydd Siartredig.

Mae gan beirianwyr sifil ran allweddol wrth gynllunio, dylunio, adeiladu a chynnal yr amgylchedd naturiol sydd o'n cwmpas, gan gynnwys adeiladau a strwythurau, amddiffynfeydd rhag llifogydd a rhaglenni cyflenwi dŵr.

Mae ein rhaglen peirianneg sifil yn cynnig cwrs gradd uchel ei barch yn un o'r prifysgolion gorau yn y maes hwn, ac mae’n eich paratoi ar gyfer cyfleoedd cyffrous yn eich gyrfa yn y dyfodol wrth ddylunio’r amgylcheddau adeiledig, a gweithio â nhw.

Mae'r cwrs hwn yn cynnwys y cyfle i dreulio blwyddyn ar leoliad diwydiannol rhwng ail a thrydedd flwyddyn eich astudiaeth academaidd. Gyda'r opsiwn hwn, byddwn yn eich cefnogi i ddod o hyd i leoliad gwaith fydd yn caniatáu ichi weld dros eich hun sut beth yw amgylchedd gwaith proffesiynol. Os byddwch yn llwyddo i sicrhau lleoliad gwaith byddwch yn cael cyflog a byddwch yn gwella eich sgiliau cyflogadwyedd trwy ennill profiad uniongyrchol o weithio mewn busnes, diwydiant neu'r sector cyhoeddus.

Un o fanteision ychwanegol y cwrs Rhyngwladol hwn yw bod un semester yn cael ei dreulio yn astudio peirianneg trwy gyfrwng Saesneg mewn prifysgol bartner dramor. Maent yn cynnwys prifysgolion mewn gwledydd fel Ffrainc, yr Almaen, yr Eidal, UDA, Awstralia, Canada ymhlith eraill.

Byddwch yn datblygu dealltwriaeth drylwyr o theori peirianneg sifil, fydd yn cael ei ategu drwy ei ddefnyddio’n ymarferol drwy waith ymchwil a gwaith labordy, cyrsiau maes a dosbarthiadau dylunio, gan eich galluogi i ddatblygu eich gyrfa mewn unrhyw faes yn y diwydiant peirianneg sifil.

Mae'r MEng yn caniatáu ichi ddefnyddio'r ddwy flynedd ddiwethaf i ehangu a chryfhau eich gwybodaeth. Byddwch yn elwa o ddysgu ar lefel uwch mewn dylunio a rheoli a gwerthfawrogiad o'r technegau sydd eu hangen i reoli a threfnu prosiect dylunio peirianneg amlddisgyblaethol.

Mae cyrsiau peirianneg sifil eraill yn cynnwys:

  • Sylfaen drylwyr yn hanfodion peirianneg sifil os dewiswch gwrs BEng
  • Y cyfle i astudio iaith os dewiswch y radd MEng perthnasol gyda blwyddyn ryngosod mewn prifysgol yn Ffrainc, yr Almaen neu Sbaen

Achrediadau

Maes pwnc: Peirianneg

  • academic-schoolYr Ysgol Peirianneg
  • icon-chatGofyn cwestiwn
  • Telephone+44 (0)29 2087 4656
  • Marker5 The Parade, Heol Casnewydd, Caerdydd, CF24 3AA

Gofynion mynediad

Rydym yn derbyn cyfuniad o gymwysterau Safon Uwch a chymwysterau eraill, yn ogystal â chymwysterau rhyngwladol cyfatebol yn amodol ar ofynion mynediad. Dyma ein cynigion nodweddiadol:

Lefel A

AAA-AAB. Rhaid i’r rhain gynnwys gradd A mewn Mathemateg. Bydd angen i chi basio yr elfen ymarferol o bwnc gwyddoniaeth Safon Uwch os yw hyn yn rhan o'ch rhaglen astudio.

Cymhwyster Prosiect Estynedig/Rhynglwadol: Fel arfer, bydd ymgeiswyr sydd wedi ennill gradd A yn y Cymhwyster Prosiect Estynedig/Rhyngwladol yn cael cynnig un radd yn is na'r cynnig safonol ar gyfer Safon Uwch. Sylwer bod yn rhaid bodloni unrhyw ofynion sy'n benodol i'r pwnc o hyd.


Rydym yn ystyried eich data cyd-destunol (o dan ba amgylchiadau rydych wedi bod yn astudio) yn ofalus ar ôl i’ch cais ddod i law. Os bydd ystod graddau wedi’i hysbysebu, mae’n adlewyrchu ein cynigion safonol a chyd-destunol nodweddiadol. Bydd myfyrwyr cymwys yn cael cynnig ym mhen isaf yr ystod graddau a hysbysebir. Os na fydd ystod graddau wedi’i hysbysebu, byddwch fel arfer yn cael pwyntiau ychwanegol yn rhan o’r broses ddethol.  Darganfyddwch ragor am gyrsiau cymwys a sut mae data cyd-destunol yn cael ei ddefnyddio.

Y Fagloriaeth Rhyngwladol

36-34 yn gyffredinol neu 666 mewn 3 phwnc Lefel Uwch. Rhaid i’r rhain gynnwys gradd 6 mewn Bioleg Lefel Uwch.

Bagloriaeth Cymru

O fis Medi 2023, bydd cymhwyster newydd o'r enw Bagloriaeth Sgiliau Uwch Cymru (lefel 3). Bydd y cymhwyster hwn yn disodli'r Dystysgrif Her Sgiliau Uwch (Bagloriaeth Cymru). Bydd y cymhwyster yn parhau i gael ei dderbyn yn lle un Safon Uwch (ar y graddau a restrir uchod), ac eithrio unrhyw bynciau penodol.

Cymwysterau o'r tu allan i'r DU

BTEC

DD mewn Diploma BTEC mewn unrhyw bwnc a gradd A mewn Mathemateg Safon Uwch.

Lefel T

Nid ydym yn derbyn Lefelau T ar gyfer y rhaglen hon.

Cymwysterau eraill o'r tu mewn i'r DU

Gweld ein arweiniad i gymwysterau cyfatebol

Gofynion mynediad ychwanegol

GCSE

Gradd C neu radd 4 mewn TGAU Iaith Saesneg.

IELTS (academic)

O leiaf 6.5 yn gyffredinol gydag o leiaf 5.5 ym mhob is-sgil.

TOEFL iBT

O leiaf 90 ar y cyfan gyda sgôr o 17 o leiaf ar gyfer ysgrifennu, 17 ar gyfer gwrando, 18 ar gyfer darllen a 20 ar gyfer siarad.

PTE Academic

O leiaf 62 ar y cyfan gydag o leiaf 59 yn yr holl sgiliau cyfathrebu.

Trinity ISE II/III

II: dau Ragoriaeth a dau Deilyngdod o leiaf.
III: o leiaf Llwyddo ym mhob cydran.

Cymwysterau eraill a dderbynnir

Os ydych yn ymgeisydd tramor ac nid Saesneg yw eich iaith gyntaf, ewch i'n tudalen am ofynion Iaith Saesneg i gael rhagor o wybodaeth am ba gymwysterau y byddwn yn eu derbyn.

Rhaid i chi fod yn meddu ar y canlynol neu’n gweithio tuag atynt:
- TGAU Iaith Saesneg neu Gymraeg gradd C/4 neu gyfwerth (fel Safon Uwch). Os oes angen fisa Myfyriwr arnoch, rhaid i chi sicrhau bod eich cymhwyster iaith yn cydymffurfio â gofynion UKVI.

Nid ydym yn derbyn Meddwl yn Feirniadol, Astudiaethau Cyffredinol, Astudiaethau Dinasyddiaeth, na phynciau eraill tebyg neu gyfatebol.
Byddwn yn derbyn cyfuniad o bynciau BTEC, Safon Uwch, a chymwysterau eraill, yn amodol ar ofynion gradd a phwnc penodol y cwrs.

Nid yw'n ofynnol i chi gwblhau gwiriad DBS (Gwasanaeth Datgelu a Gwahardd) na darparu Tystysgrif Ymddygiad Da i astudio'r cwrs hwn.

Os ydych ar hyn o bryd yn destun unrhyw amod trwydded neu gyfyngiad monitro a allai effeithio ar eich gallu i gwblhau eich astudiaethau yn llwyddiannus, bydd gofyn i chi ddatgelu eich cofnod troseddol. Mae amodau yn cynnwys, ond heb fod yn gyfyngedig i:

  • mynediad i gyfrifiaduron neu ddyfeisiau sy'n gallu storio delweddau
  • defnydd o'r rhyngrwyd ac offer/dyfeisiau cyfathrebu
  • cyrffyw
  • rhyddid i symud, gan gynnwys y gallu i deithio i'r tu allan i'r DU neu i ymgymryd â lleoliad/astudiaethau y tu allan i Brifysgol Caerdydd
  • cyswllt â phobl sy'n gysylltiedig â Phrifysgol Caerdydd.

Cewch ragor o wybdoaeth am y broses ymgeisio yn ein polisïau derbyn myfyrwyr.

Ffioedd dysgu ar gyfer dechrau astudio yn 2023

Bydd eich ffioedd dysgu a sut y byddwch yn eu talu yn dibynnu ar eich statws ffioedd. Gallai eich statws ffioedd fod yn statws cartref, ynysoedd neu tramor.

Dysgwch sut rydym yn pederfynu eich statws ffioedd

Ffioedd am statws cartref

Blwyddyn Ffioedd dysgu Blaendal
Blwyddyn un £9,000 Dim
Blwyddyn dau £9,000 Dim
Blwyddyn tri (blwyddyn ryngosod) £1,800 Dim
Blwyddyn pedwar £9,000 Dim
Blwyddyn pump £9,000 Dim

Myfyrwyr o'r UE, AEE a'r Swistir

Os ydych chi'n wladolyn o'r UE/AEE neu'r Swistir, bydd eich ffioedd dysgu ar gyfer 2022/23 yn unol â'r ffioedd tramor a godir ar fyfyrwyr rhyngwladol, oni bai eich bod yn gymwys i gael statws ffioedd y DU. Mae UKCISA wedi darparu gwybodaeth am Brexit a ffioedd dysgu.

Ffioedd am statws ynys

Dysgwch ragor am ffioedd israddedig i fyfyrwyr o Ynysoedd y Sianel ac Ynys Manaw.

Ffioedd am statws tramor

Blwyddyn Ffioedd dysgu Blaendal
Blwyddyn un £25,450 Dim
Blwyddyn dau £25,450 Dim
Blwyddyn tri (blwyddyn ryngosod) £5,090 Dim
Blwyddyn pedwar £25,450 Dim
Blwyddyn pump £25,450 Dim

Rhagor o wybodaeth am ein ffioedd dysgu

Cymorth ariannol

Gallai cymorth ariannol fod ar gael ar gyfer unigolion sy'n bodloni rhai meini prawf. Cewch ragor o wybodaeth yn ein hadran arian. Dim ond hyn a hyn o gymorth ariannol y gall y ffynonellau hyn eu cynnig, felly ni allwn warantu y bydd pawb sy'n bodloni'r meini prawf yn cael arian.

Costau blynyddoedd rhyngosod

Yn ystod blwyddyn ryngosod, (e.e. blwyddyn mewn diwydiant, blwyddyn ar leoliad neu flwyddyn dramor), bydd y ffi yn is. Cewch fanylion llawn ar ein tudalennau ffioedd.

Costau ychwanegol

Cyfarpar ar gyfer cwrs penodol

Ni fydd angen unrhyw gyfarpar penodol. Bydd y Brifysgol yn darparu adnoddau fel cyfrifiaduron a meddalwedd cysylltiedig, offer labordy (gan gynnwys unrhyw offer diogelwch) ac unrhyw adnoddau dysgu eraill (electronig a chopïau caled).

Llety

Mae gennym amrywiaeth o breswylfeydd sydd yn gweddu i anghenion a phoced yr unigolyn. Cewch wybod rhagor ar ein tudalennau llety.

Costau byw

Rydym wedi ein lleoli yn un o ddinasoedd mwyaf fforddiadwy y DU. Rhagor o wybodaeth am gostau byw yng Nghaerdydd.

Strwythur y cwrs

Rydym yn gweithio gyda'n myfyrwyr ar hyn o bryd yn diweddaru ac yn gwella cynnwys y cwrs hwn. Mae'r wybodaeth isod yn adlewyrchu'r cwricwlwm presennol a fydd yn newid yn ôl pob tebyg. Disgwylir i ni fod wedi gorffen adolygu'r cwrs erbyn mis Awst 2023. Bydd y dudalen hon wedi'i diweddaru erbyn mis Hydref 2023 i ddangos y newidiadau.

Gradd amser llawn a phum mlynedd o hyd yw hon. Byddwch yn treulio'r drydedd flwyddyn yn gweithio mewn diwydiant ac un semester o flwyddyn pedwar yn astudio dramor. Mae'r cwrs yn cynnig cydbwysedd gofalus o fodiwlau craidd a modiwlau dewisol. 10 credyd yw gwerth y rhan fwyaf o fodiwlau, 20 credyd yw gwerth rhai ohonynt, a 30 credyd yr un yw gwerth ychydig ohonynt, gan gynnwys prosiectau blynyddoedd pedwar a phump. Mae angen i chi ennill 120 o gredydau bob blwyddyn.

Mae'r modiwlau a ddangosir yn esiampl o'r cwricwlwm arferol. Byddant yn cael eu hadolygu cyn blwyddyn academaidd 2023/2024. Bydd y modiwlau terfynol yn cael eu cyhoeddi erbyn mis Medi 2023

Blwyddyn un

Mae’r flwyddyn gyntaf yn cynnwys cyfres o ddarlithoedd wedi'u hategu gan sesiynau labordy ymarferol.

Teitl modiwlCôd modiwlCredydau
Engineering AnalysisEN109120 Credydau
Computing 1EN109210 Credydau
Environmental Fluid and GeomechanicsEN191120 Credydau
Materials and ConstructionEN191220 Credydau
Design StudiesEN191520 Credydau
StructuresEN191620 Credydau
Professional EngineeringEN191710 Credydau

Blwyddyn dau

Mae’r ail flwyddyn eto'n cynnwys cyfres o ddarlithoedd wedi'u hategu gan sesiynau labordy ymarferol.

Mae cwrs maes preswyl oddi ar y safle yn cael ei gynnal am bum niwrnod yn semester y gwanwyn, fel rhan o'r modiwl Astudiaethau Maes o'r Amgylchedd Naturiol ac Adeiledig.

Teitl modiwlCôd modiwlCredydau
Engineering AnalysisEN202620 Credydau
Computing 2EN220810 Credydau
Hydraulics and Soil MechanicsEN231420 Credydau
Professional Studies and ConstructionEN231520 Credydau
Structural Analysis and DesignEN240040 Credydau

Blwyddyn tri: Blwyddyn Ryngosod

Treulir y drydedd flwyddyn yn gweithio mewn diwydiant. Fel arfer, disgwylir i chi fod mewn cyflogaeth am o leiaf 30 wythnos i fodloni isafswm gofyniad y Brifysgol, er bod Ysgol Peirianneg Prifysgol Caerdydd yn disgwyl i'r lleoliad bara am y flwyddyn academaidd gyfan.

Yn ystod eich lleoliad gwaith bydd eich tiwtor hyfforddiant diwydiannol neu enwebai yn ymweld â chi o leiaf unwaith, ond ddwywaith yn ddelfrydol, os ydych chi wedi eich lleoli yn y DU.

Teitl modiwlCôd modiwlCredydau
Industrial TrainingEN3095120 Credydau

Blwyddyn pedwar

Yn y bedwaredd blwyddyn, byddwch yn treulio semester yr hydref yn astudio mewn sefydliad partner dramor am yr hyn sy’n gyfwerth â 50 credyd.

Mae'r flwyddyn hefyd yn cynnwys prosiect mawr, sy’n werth chwarter y flwyddyn fel arfer.  Byddwch yn gweithio'n unigol ar y prosiect, ochr yn ochr ag aelod o staff goruchwylio.  Mae rhywfaint o waith paratoi yn digwydd yn semester yr hydref ond cwblheir y modiwl yn semester y gwanwyn.

Mae modiwlau craidd a dewisol eraill yn adeiladu ar sylfeini y blynyddoedd cyntaf.

Blwyddyn pump

Byddwch yn gwneud prosiect grŵp yn y bumed flwyddyn, sy'n werth chwarter yr asesiad cyfan.

Mae sawl modiwl craidd a dewisol hefyd.

Teitl modiwlCôd modiwlCredydau
Applied Numerical Methods in EngineeringEN401810 Credydau
Integrated Building DesignEN410230 Credydau
Renewable Energy DesignEN410330 Credydau
Finite Element Theory and PracticeEN430210 Credydau
Design FeasibilityEN430610 Credydau
Coastal and Estuarine EngineeringEN430710 Credydau
Building and Infrastructure Information ModellingEN430810 Credydau
Soil MechanicsEN432510 Credydau
Structural EngineeringEN432610 Credydau
Big Data and AI in Civil EngineeringEN438010 Credydau
DynamicsEN457010 Credydau
Flood DesignEN457110 Credydau
Steel StructuresEN457310 Credydau
Advanced Structural MechanicsEN457410 Credydau
Sediment Transport DynamicsEN457610 Credydau
Fundamentals of NanomechanicsEN463010 Credydau

Mae'r Brifysgol wedi ymrwymo i ddarparu amrywiaeth eang o opsiynau modiwl lle'n bosibl. Ond byddwch yn ymwybodol er y byddwn yn gwneud pob ymdrech i gynnig dewis, gall hyn gael ei gyfyngu mewn rhai amgylchiadau. Y rheswm am hyn yw'r ffaith mai dim ond nifer cyfyngedig o leoedd sydd ar gael ar rai modiwlau, a gaiff eu dyrannu ar sail y cyntaf i'r felin. Mae'n ofynnol i fodiwlau eraill sicrhau isafswm nifer o fyfyrwyr cyn gallu eu cynnal, er mwyn gwneud yn siŵr y gellir cyflwyno addysg o ansawdd priodol. Gall modiwlau gael eu cyfyngu oherwydd gwrthdaro yn yr amserlen hefyd, ac er bod y Brifysgol yn ymdrechu i amharu cyn lleied â phosibl ar eich dewis, byddai'n syniad da i chi ofyn am gyngor gan yr Ysgol berthnasol am y dewisiadau modiwl sydd ar gael.

Dysgu ac asesu

Addysgir trwy ddarlithoedd, dosbarthiadau enghreifftiau a llawer o waith yn y labordy, TG a gwaith ymarferol. Mae'r modiwlau a addysgir yn y ddwy flynedd gyntaf yn rhai gorfodol i raddau helaeth, ond mae opsiynau ar gael ym mlynyddoedd pedwar a phump fel rheol. Rhaid i bob myfyriwr gwblhau prosiect unigol 30-credyd ym mlwyddyn tri, a dyrennir goruchwyliwr ar eu cyfer o blith y staff addysgu. Bydd cyfleoedd i ryngweithio â darpar gyflogwyr.

Cyflwynir y modiwl rhyngwladol trwy gyfrwng Saesneg, gan ddefnyddio dulliau cyflwyno'r sefydliadau tramor, gan gynnwys darlithoedd, seminarau, gweithdai, gwaith grŵp a labordai.

Sut y caf fy nghefnogi?

Dyrennir tiwtor personol i chi sy'n aelod o'r staff academaidd ac sy'n gysylltiedig â'ch cwrs gradd. Bydd eich tiwtor yno i’ch cynghori ar faterion academaidd, materion nad ydynt yn academaidd a materion personol mewn modd cyfrinachol ac anffurfiol, pan fydd angen ychydig o arweiniad arnoch. Ein nod yw eich helpu chi i oresgyn unrhyw broblem, fach neu fawr, mor ddiffwdan a chyflym â phosibl.

Ar gyfer y prosiect 30 credyd ym mlwyddyn pedwar, dyrennir goruchwyliwr i chi yn y maes ymchwil arbenigol eang a byddwch yn cwrdd yn rheolaidd.

Yn ystod eich blwyddyn ar leoliad gwaith bydd eich tiwtor hyfforddiant diwydiannol neu enwebai yn ymweld â chi o leiaf unwaith, ond ddwywaith yn ddelfrydol, os ydych chi wedi eich lleoli yn y DU.

Bydd y tiwtor yn eich cyfweld, yn gwirio'ch llyfr log / dyddiadur ac yn trafod cynnydd gyda chi, swyddog hyfforddi'r cwmni a / neu'r rheolwr sydd â chyfrifoldeb uniongyrchol am eich hyfforddiant. Bydd adroddiad cryno yn cael ei ffeilio.

Trwy wefan Dysgu Canolog, byddwch yn gallu cael gafael ar ddeunydd amlgyfrwng perthnasol, cyflwyniadau, taflenni darlithoedd, llyfryddiaethau, dolenni pellach, ymarferiadau electronig a chylchoedd trafod. Bydd cyfleoedd i chi fyfyrio ar eich galluoedd a'ch perfformiad drwy'r modiwl 'Cynllunio Datblygiad Personol' ar Dysgu Canolog.

Mae’r Brifysgol yn cynnig amrywiaeth o wasanaethau sy’n cynnwys y Gwasanaeth Gyrfaoedd, y Gwasanaeth Cwnsela, y Gwasanaeth Anabledd a Dyslecsia, y Gwasanaeth Cefnogi Myfyrwyr, a llyfrgelloedd a chanolfannau adnoddau ardderchog.

Adborth

Byddwn yn rhoi adborth i chi ar eich gwaith yn aml. Daw hyn mewn sawl fformat gan gynnwys adborth llafar mewn dosbarthiadau fel dylunio a gwaith prosiect a thrwy ddychwelyd gwaith cwrs wedi'i farcio.

Cewch y cyfle i brofi'ch gwybodaeth a'ch dealltwriaeth trwy gydol y semester trwy brofion dosbarth ym Mlynyddoedd 1 a 2, yn ogystal ag adborth ar asesiadau ysgrifenedig. Weithiau, gellir defnyddio asesiad cyfoedion o gyfraniad unigolyn i grŵp, ac efallai y byddwch hefyd yn cael adborth llafar ar gyflwyniadau a chyfraniadau i weithgareddau grŵp.

Sut caf fy asesu?

Your progress in each module is usually assessed at various stages through each semester (through a short test) to give you feedback on your progress, then finally at the end of the appropriate semester. Assessment is undertaken using methods including formal written examinations, case studies, assignments and project work.

Examinations count for 60% to 70% of all assessment throughout the course, depending on the options chosen. The remainder is composed mainly of project work and larger pieces of coursework, plus performance in laboratories.

The opportunity to test knowledge and understanding is given through class tests throughout years one and two, plus feedback on written assessments. Occasionally, peer assessment of an individual’s contribution to a group may be used, and students may also receive oral feedback on presentations and contributions to group activities.

Pa sgiliau bydda i'n eu hymarfer a'u datblygu?

Mae'r cwrs hwn wedi'i achredu trwy'r Cyngor Peirianneg, sy'n golygu bod cymwyseddau craidd UK-SPEC (Safon y DU ar gyfer Cymhwysedd Peirianneg Broffesiynol) wedi'u hintegreiddio trwy gydol y blynyddoedd y caiff y cwrs ei addysgu.

Trwy waith labordy byddwch yn datblygu sgiliau ymarferol sy'n canolbwyntio ar gymhwyso ystod o egwyddorion peirianneg i broblemau technolegol, rheoliadol a moesegol bywyd go iawn a wynebir yn y proffesiwn peirianneg.

Byddwch hefyd yn:

  • Gwella eich sgiliau cyfathrebu, ar lafar ac yn ysgrifenedig, trwy gyfres o adroddiadau ac aseiniadau
  • Datblygu eich gwybodaeth, sgiliau a hyder i ddatrys problemau amlddisgyblaethol mewn cyd-destun peirianneg.

Gyrfaoedd

Rhagolygon gyrfa

Cyflogir ein graddedigion yn bennaf yn y diwydiant peirianneg sifil gan gwmnïau ymgynghorol a chontractwyr mawr fel Syr Robert McAlpine, Ramboll, Arup a Mott McDonald. Ymhlith y rolau nodweddiadol mae peiriannydd sifil graddedig, peiriannydd safle neu beiriannydd dylunio, a byddant yn gweithio ledled y Deyrnas Unedig ac ymhellach oddi cartref hefyd.

Mae nifer o raddedigion wedi dewis astudio ymhellach, naill ai ar lefel MSc neu PhD, yng Nghaerdydd ac mewn sefydliadau ledled y DU a thu hwnt.

Mae eraill wedi dewis gweithio i gwmnïau cenedlaethol a rhyngwladol. Mae rhai enghreifftiau diweddar yn cynnwys cwmnïau yn y sectorau ariannol, cyfryngau a phetrocemegol gyda chyrchfannau gan gynnwys Deloitte, PwC, Virgin a Shell.

Camau nesaf

icon-academic

Ymweliadau Diwrnod Agored

Cofrestrwch i gael ein newyddion diweddaraf

icon-international

Rhyngwladol

Mwy o wybodaeth am ein brifysgol fyd-eang

icon-chat

Gofyn cwestiwn

Gofynnwch gwestiwn i ni neu siaradwch â'n tîm derbyn myfyrwyr.

icon-pen

Sut i wneud cais

Sut i wneud cais am y cwrs hwn


Data HESA: Hawlfraint yr Asiantaeth Ystadegau Addysg Uwch Cyfyngedig 2021. Ni all yr Asiantaeth Ystadegau Addysg Uwch Cyfyngedig dderbyn cyfrifoldeb am unrhyw gasgliadau neu benderfyniadau sy'n deillio o drydydd partïon o'i data. Daw'r data o Arolwg Hynt Graddedigion Diweddaraf 2019/20 a gyhoeddwyd gan HESA ym mis Mehefin 2022.