Y Gymraeg (BA) Rhan-amser

Rydym yn darparu addysg gyffrous a heriol er mwyn helpu ein myfyrwyr i lwyddo mewn amgylchedd cystadleuol. Ymchwil sy'n llywio ac yn arwain ein haddysgu, felly byddwch yn dysgu am y syniadau diweddaraf gan ysgolheigion sy’n cyfrannu at ddatblygiad eu meysydd arbenigol.

Gan amlaf bydd y dysgu’n digwydd drwy gyfrwng darlithoedd a seminarau sy’n rhoi cyfle ichi drafod y pwnc o dan sylw yn fanwl mewn grwpiau. Fodd bynnag, mae rôl allweddol i sesiynau tiwtorial un-i-un, gweithdai a dosbarthiadau iaith hefyd (yn enwedig ar gyfer y myfyrwyr sy'n dilyn y llwybr ail iaith).

Cefnogir pob modiwl gan ddeunyddiau addysgu electronig a rennir trwy wefan Dysgu Canolog, rhan o amgylchedd dysgu rhithiol y Brifysgol.

Sut y caf fy nghefnogi?

Bydd tiwtor personol yn cwrdd â��chi o leiaf deirgwaith y flwyddyn i drafod eich cynnydd. Byddwch yn cael adborth yn brydlon ar bob darn o waith asesedig (crynodol) a gyflwynir (gan gynnwys arholiadau). Mae rhai modiwlau’n cynnwys asesiadau na fyddant yn cyfrif tuag at eich gradd derfynol, ond y byddwch yn cael adborth defnyddiol amdanynt.

Trwy wefan Dysgu Canolog, byddwch yn gallu cael gafael ar ddeunydd amlgyfrwng perthnasol, cyflwyniadau, taflenni darlithoedd, llyfryddiaethau, dolenni pellach, ymarferiadau electronig a chylchoedd trafod.

Mae’r Brifysgol yn cynnig amrywiaeth o wasanaethau sy’n cynnwys y Gwasanaeth Gyrfaoedd, y Gwasanaeth Cwnsela, y Gwasanaeth Anabledd a Dyslecsia, y Gwasanaeth Cefnogi Myfyrwyr, a llyfrgelloedd a chanolfannau adnoddau ardderchog.

Sut caf fy asesu?

Mae ein cyrsiau wedi eu cynllunio’n ofalus i sicrhau eich bod yn profi ystod o ddulliau asesu, gan gynnwys traethodau gwaith cwrs, arholiadau/profion dosbarth ysgrifenedig, traethodau hir, portffolios, adroddiadau ysgrifenedig, ac arholiadau llafar.

Mae’r Ysgol yn defnyddio amrywiaeth o ddulliau i ddarparu adborth i fyfyrwyr, gan gynnwys adborth ar lafar ar dasgiau ym mlwyddyn un; adborth mewn seminarau grŵp a gweithdai, gwersi unigol a sesiynau tiwtorial un i un ym mlynyddoedd dau a thri, yn ogystal â sylwadau ysgrifenedig ar asesiadau.

Pa sgiliau bydda i'n eu hymarfer a'u datblygu?

Byddwch yn caffael ac yn meithrin amrywiaeth o sgiliau gwerthfawr, gan gynnwys rhai penodol i’r ddisgyblaeth a ‘sgiliau cyflogadwyedd’ mwy cyffredinol.

Mae'r rhain yn cynnwys:

• cyfathrebu a chyflwyno gwybodaeth, syniadau a dadleuon (ar lafar ac yn ysgrifenedig), yn unigol ac yn rhan o dîm)
• meddwl yn ddadansoddol, sgiliau beirniadol (rhesymu, gwerthuso tystiolaeth, datrys problemau, cysylltu theori ac ymarfer)
• creadigrwydd a meddwl yn arloesol.
• defnyddio technoleg gwybodaeth (meddalwedd ieithyddol, prosesu geiriau, cronfeydd data, y rhyngrwyd)
• datblygu sgiliau ymchwil ymarferol a dadansoddi a chyflwyno gwybodaeth rifiadol
• gweithio mewn grŵp a datblygu sgiliau rhyngbersonol
• nodi, cofnodi a chyfleu eich cyraeddiadau gyrfa perthnasol.
• rheoli eich dysgu eich hun (gan gynnwys rheoli amser)
• dangos ymrwymiad i ddysgu a datblygu’n barhaus

Beth yw deilliannau dysgu'r cwrs/rhaglen?

O ganlyniad i ymgysylltu’n llawn â’r cwrs hwn, byddwch chi’n gallu:

• dangos sgiliau deallusol sy’n golygu bod modd darllen yn fanwl, disgrifio, dadansoddi a chynhyrchu gwahanol fathau o destunau (gan gynnwys cynhyrchu testunau yn y maes ysgrifennu creadigol yn achos rhai myfyrwyr)
• dadansoddi rôl greiddiol iaith wrth greu ystyr a grym effeithiol ar iaith
• gwerthfawrogi sut mae rhagdybiaethau diwylliannol yn effeithio o greu safbwynt
• gwerthuso testunau, cysyniadau a damcaniaethau perthnasol ym maes Cymraeg a’u trafod gan ddefnyddio iaith addas
• dangos dealltwriaeth o amrywiaeth o destunau o wahanol gyfnodau hanesyddol a genres
• dangos dealltwriaeth o sefyllfa a phwysigrwydd yr iaith Gymraeg yn y gweithle modern
• Gweithredu y wybodaeth, y ddealltwriaeth a’r sgiliau rydych wedi datblygu
• Yn y gweithle, drwy ymgymryd â chyfnod o brofiad gwaith a gwerthuso’r profiad yn feirniadol.
• drwy gwblhau traethawd neu brosiect estynedig sydd yn gynnyrch astudiaeth annibynnol o dan arweiniad tiwtor, gan ddangos perthnasedd y gwaith mewn cysylltiad i gam nesaf eich gyrfa.
• defnyddio sgiliau rhifiadol sylfaenol wrth werthuso data yng nghyswllt yr iaith Gymraeg
• defnyddio technoleg gwybodaeth i gyflwyno a dadansoddi deunyddiau mewn modd effeithiol, caboledig, gan gynnwys defnyddio meddalwedd i gywiro a gwella iaith
• cynhyrchu Cymraeg llafar ac ysgrifenedig o safon uchel
• Defnyddio cofrestrau ysgrifenedig arall, ar lafar ac yn ysgrifenedig, mewn cyd-destunau gwahanol, gan gynnwys y gweithle
• Dangos dealltwriaeth o ddatblygiad yr Iaith Gymraeg dros y canrifoedd, o safbwynt ieithyddol a chymdeithasol, a dealltwriaeth o ddulliau cyfoes penodol o’i hadferiad a’i hyrwyddiad.