Ewch i’r prif gynnwys

Y Gyfraith (LLB)

  • Maes pwnc: Y Gyfraith
  • Côd UCAS: M100
  • Derbyniad nesaf: Medi 2022
  • Hyd: 3 blwyddyn
  • Modd (astudio): Amser llawn

Blwyddyn Mynediad

Pam astudio'r cwrs hwn

academic-school

Ategwch eich astudiaethau academaidd

Rydym yn cynnig amrywiaeth o brosiectau pro bono arloesol lle gallwch weithio gyda chleientiaid dan oruchwyliaeth broffesiynol.

tick

Achrediad proffesiynol

Cwrs wedi'i achredu gan yr Awdurdod Rheoleiddio Cyfreithwyr.

structure

Y gyfraith yn ei chyd-destun

Dysgwch am faterion cyfoes mewn cyfraith amgylcheddol, cyfraith hawliau dynol a gwahaniaethu a'r gyfraith.

briefcase

Cyfleoedd am leoliad gwaith

Enillwch brofiad gwerthfawr ar lefel ôl-raddedig fel paragyfreithiwr gan gynnwys: rheoli achosion, ymchwil gyfreithiol ac ysgrifennu cyfreithiol.

Mae ein rhaglen y Gyfraith LLB flaenllaw yn gwrs amser llawn, tair blynedd sy’n heriol ac yn ysgogol.

Byddwch yn astudio modiwlau sylfaenol (sy’n cynnwys cam academaidd yr hyfforddiant angenrheidiol ar hyn o bryd i ddod yn gyfreithiwr neu’n fargyfreithiwr yng Nghymru a Lloegr) ynghyd â dewis eang o fodiwlau cyffrous dewisol sy’n cynnwys Cyfraith yr Amgylchedd, Cyfraith Hawliau Dynol, Cyfraith y Cyfryngau a Chyfraith Teulu.

Yn ogystal â’r hyfforddiant academaidd eang rydym yn ei gynnig, bydd astudio’r Gyfraith yng Nghaerdydd yn cynnig cyfleoedd unigryw i chi weld y Gyfraith ar waith mewn cyd-destun cymdeithasol.

Rydym yn ymrwymedig i ddarparu profiad addysgu a dysgu eithriadol wedi'i ategu gan weithgaredd ymchwil ardderchog.

Ni yw'r unig Brifysgol Grŵp Russell i gynnig y ddau gwrs sydd eu hangen ar hyn o bryd i gymhwyso fel bargyfreithiwr neu gyfreithiwr ��� Cwrs Hyfforddiant Proffesiynol y Bar a'r Cwrs Ymarfer Cyfreithiol ��� sy'n golygu bod gennych chi'r dewis i aros gyda ni yng Nghaerdydd i gwblhau'ch addysg gyfreithiol gyfan.

Maes pwnc: Y Gyfraith

Gofynion mynediad

Rydym yn derbyn cyfuniad o gymwysterau Safon Uwch a chymwysterau eraill, yn ogystal â chymwysterau rhyngwladol cyfatebol yn amodol ar ofynion mynediad. Dyma ein cynigion nodweddiadol:

Lefel A

AAA-AAB

Cymhwyster Prosiect Estynedig/Rhynglwadol: Fel arfer, bydd ymgeiswyr sydd wedi ennill gradd A yn y Cymhwyster Prosiect Estynedig/Rhyngwladol yn cael cynnig un radd yn is na'r cynnig safonol ar gyfer Safon Uwch. Sylwer bod yn rhaid bodloni unrhyw ofynion sy'n benodol i'r pwnc o hyd.


Mae'r radd hon yn adlewyrchu ein cynigion safonol a chyd-destunol nodweddiadol. Rydym yn ystyried eich data cyd-destunol (yr amgylchiadau yr ydych wedi bod yn astudio ynddynt) yn ofalus mewn cais. Bydd myfyrwyr cymwys sy'n gwneud cais ar gyfer y cwrs hwn yn cael cynnig ym mhen isaf yr amrediad graddau a hysbysebir.

Y Fagloriaeth Rhyngwladol

36-34 yn gyffredinol neu 666 mewn 3 phwnc HL.

Bagloriaeth Cymru

Derbynnir Tystysgrif Her Sgiliau Bagloriaeth Cymru Uwch yn lle un pwnc Safon Uwch (ar y graddau a restrir uchod) ac eithrio unrhyw bynciau penodol.

Cymwysterau o'r tu allan i'r DU

BTEC

DDD mewn Diploma Estynedig BTEC mewn unrhyw bwnc.

Lefel T

Bydd yr Ysgol Academaidd yn ystyried derbyn Lefelau T ar gyfer y rhaglen hon fesul achos. Rhoddir ystyriaeth i'r radd / pwnc Lefel T a'r graddau/pynciau a gyflawnir ar lefel TGAU/Lefel 2.

Cymwysterau eraill o'r tu mewn i'r DU

Gweld ein arweiniad i gymwysterau cyfatebol

Gofynion mynediad ychwanegol

GCSE

Gradd B neu radd 6 mewn TGAU Iaith Saesneg.

IELTS (academic)

O leiaf 6.5 yn gyffredinol gydag o leiaf 6.5 ar gyfer ysgrifennu ac o leiaf 6.0 yn yr holl is-sgiliau eraill.

TOEFL iBT

O leiaf 90 ar y cyfan gydag o leiaf 22 ar gyfer ysgrifennu a 20 ar gyfer yr holl is-sgiliau eraill.

PTE Academic

O leiaf 62 yn gyffredinol gydag o leiaf 69 ar gyfer ysgrifennu ac o leiaf 62 ar gyfer yr holl sgiliau cyfathrebu eraill.

Trinity ISE II/III

II: Rhagoriaeth mewn ysgrifennu ac o leiaf un Rhagoriaeth a dau Deilyngdod mewn cydrannau eraill.
III: o leiaf Llwyddo ym mhob cydran.

Cymwysterau eraill a dderbynnir

Os ydych yn ymgeisydd tramor ac nid Saesneg yw eich iaith gyntaf, ewch i'n tudalen am ofynion Iaith Saesneg i gael rhagor o wybodaeth am ba gymwysterau y byddwn yn eu derbyn.

Mae'n rhaid eich bod chi wedi bod yn gweithio tuag at:
- iaith Saesneg neu Gymraeg ar radd TGAU gradd B/6 neu gyfwerth (fel Safon Uwch). Os oes angen fisa Myfyriwr arnoch, rhaid i chi sicrhau bod eich cymhwyster iaith yn cydymffurfio â gofynion UKVI.

Os hoffech chi symud ymlaen naill ai i'r Cwrs Ymarfer Cyfreithiol neu'r Cwrs Hyfforddi Bar ar ôl i chi raddio, rydym yn eich annog i ddarllen gofynion addasrwydd i ymarfer y corff proffesiynol perthnasol yn gyntaf i sicrhau y byddech chi'n gymwys i gofrestru gyda nhw. :
- Llawlyfr y Bwrdd Safonau Bar
- Cyfnod hyfforddiant cydnabyddedig yr Awdurdod Rheoleiddio Cyfreithwyr

Nid ydym yn derbyn Meddwl yn Feirniadol, Astudiaethau Cyffredinol, Astudiaethau Dinasyddiaeth na phynciau cyfatebol tebyg eraill.
Byddwn yn derbyn cyfuniad o bynciau BTEC, Safon Uwch a chymwysterau eraill, yn amodol ar ofynion gradd a phwnc penodol y cwrs. 

Nid yw'n ofynnol i chi gwblhau gwiriad DBS (Gwasanaeth Gwahardd Datgelu) na darparu Tystysgrif Ymddygiad Da i astudio'r cwrs hwn.

Os ydych chi'n destun unrhyw amod trwydded neu gyfyngiad monitro ar hyn o bryd a allai effeithio ar eich gallu i gwblhau'ch astudiaethau yn llwyddiannus, bydd gofyn i chi ddatgelu'ch cofnod troseddol. Mae'r amodau'n cynnwys, ond heb fod yn gyfyngedig i:

  • mynediad at gyfrifiaduron neu ddyfeisiau sy'n gallu storio delweddau
  • defnyddio offer / dyfeisiau rhyngrwyd a chyfathrebu
  • cyrffyw
  • rhyddid i symud
  • cyswllt â phobl sy'n gysylltiedig â Phrifysgol Caerdydd.

Cewch ragor o wybdoaeth am y broses ymgeisio yn ein polisïau derbyn myfyrwyr.

Ffioedd dysgu ar gyfer dechrau astudio yn 2022

Bydd eich ffioedd dysgu a sut y byddwch yn eu talu yn dibynnu ar eich statws ffioedd. Gallai eich statws ffioedd fod yn statws cartref, ynysoedd neu tramor.

Dysgwch sut rydym yn pederfynu eich statws ffioedd

FFfioedd am statws cartref

Blwyddyn Ffioedd Dysgu Blaendal
Blwyddyn un £9,000 Dim
Blwyddyn dau £9,000 Dim
Blwyddyn tri £9,000 Dim

Myfyrwyr o'r UE, AEE a'r Swistir

Os ydych chi'n wladolyn o'r UE/AEE neu'r Swistir, bydd eich ffioedd dysgu ar gyfer 2022/23 yn unol â'r ffioedd tramor a godir ar fyfyrwyr rhyngwladol, oni bai eich bod yn gymwys i gael statws ffioedd y DU. Mae UKCISA wedi darparu gwybodaeth am Brexit a ffioedd dysgu.

Ffioedd am statws ynys

Dysgwch ragor am ffioedd israddedig i fyfyrwyr o Ynysoedd y Sianel ac Ynys Manaw.

Ffioedd am statws tramor

Blwyddyn Ffioedd Dysgu Blaendal
Blwyddyn un £18,700 Dim
Blwyddyn dau £18,700 Dim
Blwyddyn tri £18,700 Dim

Rhagor o wybodaeth am ein ffioedd dysgu

Cymorth ariannol

Gallai cymorth ariannol fod ar gael ar gyfer unigolion sy'n bodloni rhai meini prawf. Cewch ragor o wybodaeth yn ein hadran arian. Dim ond hyn a hyn o gymorth ariannol y gall y ffynonellau hyn eu cynnig, felly ni allwn warantu y bydd pawb sy'n bodloni'r meini prawf yn cael arian.

Costau ychwanegol

Llety

Mae gennym amrywiaeth o breswylfeydd sydd yn gweddu i anghenion a phoced yr unigolyn. Cewch wybod rhagor ar ein tudalennau llety.

Costau byw

Rydym wedi ein lleoli yn un o ddinasoedd mwyaf fforddiadwy y DU. Rhagor o wybodaeth am gostau byw yng Nghaerdydd.

Strwythur y cwrs

Ym mhob blwyddyn o’r cwrs, byddwch yn cymryd modiwlau sy’n werth hyd at 120 o gredydau.

Yn ogystal â’r modiwlau sylfaen sy'n ofynnol yn y flwyddyn gyntaf, rydym yn cynnig amrywiaeth eang o fodiwlau dewisol ym mlwyddyn dau a thri sy'n ymdrin â phynciau cyfreithiol traddodiadol a chyfoes. Mae hyn yn rhoi hyblygrwydd i chi ddilyn eich diddordebau.

Mae lefel y cymhwyster gradd a gewch chi yn seiliedig ar y graddau rydych chi’n eu hennill yn y modiwlau a gymerwch yn ystod blynyddoedd dau a thri.

Yn eich ail flwyddyn byddwch yn cael y cyfle i wneud cais am leoliad gwaith, a gaiff ei gwblhau yn nhrydedd flwyddyn eich gradd. Bydd y lleoliadau cyflogedig amser llawn ar gael drwy broses ymgeisio gystadleuol sy’n ceisio efelychu’r broses recriwtio graddedigion y byddwch yn ei hwynebu ar ôl gadael y Brifysgol. Yn ystod eich lleoliad, byddwch yn ymgymryd ag ymarfer cyfreithiol fel paragyfreithwyr, ac yn gwneud gwaith ar lefel graddedigion. Byddwch yn datblygu sgiliau allweddol i ymarferwyr megis rheoli achosion, ymchwil gyfreithiol ac ysgrifennu cyfreithiol yn ogystal â sgiliau cyflogadwyedd cyffredinol megis rheoli amser, gweithio mewn tîm ac ymwybyddiaeth fasnachol. Bydd y lleoliadau gwaith yng Nghaerdydd ac yn cyfrif am 10% o ddosbarthiad eich gradd.

Mae'r modiwlau a ddangosir yn esiampl o'r cwricwlwm arferol. Byddant yn cael eu hadolygu cyn blwyddyn academaidd 2022/2023. Bydd y modiwlau terfynol yn cael eu cyhoeddi erbyn mis Medi 2022

Blwyddyn un

Byddwch yn cymryd pedwar modiwl 30 credyd gorfodol yn y flwyddyn gyntaf, fydd yn rhoi sylfaen gadarn i chi ar gyfer dwy flynedd nesaf eich rhaglen gradd.

Teitl modiwlCôd modiwlCredydau
Contract [30]CL430130 Credydau
Criminal [30]CL430230 Credydau
Legal Foundations [30]CL430330 Credydau
Public Law [30]CL430430 Credydau

Blwyddyn dau

Ym mlwyddyn dau, byddwch yn cymryd modiwlau fydd yn gwneud cyfanswm o 120 o gredydau, wedi eu dewis o’r rhestr o bynciau cyfraith dewisol. Mae ein dewisiadau modiwl wedi'u cynllunio i roi hyblygrwydd i chi. Os ydych chi'n dymuno ennill gradd gymhwyso yn y Gyfraith, rydyn ni'n eich cynghori i gymryd yr opsiwn 30 credyd art gyfer Gyfraith Camwedd a Thir.

Adolygir y rhestr hon yn flynyddol gan ystyried adnoddau staff, galw myfyrwyr a newidiadau i arferion cyfreithiol.

Teitl modiwlCôd modiwlCredydau
Land Law [20]CL520120 Credydau
Tort [20]CL520220 Credydau
Discrimination and Law [20]CL520520 Credydau
Cyfraith Tir [20]CL522120 Credydau
CAMWEDD [20]CL522220 Credydau
Datganoli yng NghymruCL522420 Credydau
French Law ICL525520 Credydau
French Law IICL525620 Credydau
Land Law [30]CL530130 Credydau
Tort [30]CL530230 Credydau
Discrimination and Law [30]CL530530 Credydau
EvidenceCL530630 Credydau
Sociology of LawCL531230 Credydau
Crime, Law and SocietyCL531330 Credydau
Media Law [30]CL531830 Credydau
Cyfraith Tir [30]CL532130 Credydau
CAMWEDD [30]CL532230 Credydau
Datganoli yng Nghymru [30]CL532430 Credydau
Miscarriages of Justice: The Cardiff Innocence ProjectCL532830 Credydau
Public International LawCL532930 Credydau
Criminal Law [30]CL538030 Credydau
Legal History [20]CL622020 Credydau
Human Rights LawCL630830 Credydau
Commercial LawCL631330 Credydau
Legal History [30]CL632030 Credydau
Global Problems and Legal TheoryCL632830 Credydau
Environmental Law and PolicyCL633930 Credydau

Blwyddyn tri

Ym mlwyddyn dau, byddwch yn cymryd modiwlau fydd yn gwneud cyfanswm o 120 o gredydau, wedi eu dewis o’r rhestr o bynciau cyfraith dewisol. Mae ein dewisiadau modiwl wedi'u cynllunio i roi hyblygrwydd i chi.

Os ydych chi'n dymuno ennill gradd gymhwyso yn y Gyfraith, rydyn ni'n eich cynghori i gymryd 30 opsiwn credyd Cyfraith yr Undeb Ewropeaidd ac Ecwiti ac Ymddiriedolaethau. Adolygir y rhestr hon yn flynyddol gan ystyried adnoddau staff, galw myfyrwyr a newidiadau i arferion cyfreithiol.

Teitl modiwlCôd modiwlCredydau
Law of the European Union [20]CL620120 Credydau
Company Law [20]CL620420 Credydau
Dissertation [20]CL620520 Credydau
Dissertation (Cymraeg)CL621420 Credydau
Legal History [20]CL622020 Credydau
Cyfraith yr Undeb Ewropeaidd [20]CL622120 Credydau
Healthcare, Ethics and LawCL623020 Credydau
Equity and TrustsCL623120 Credydau
Ecwiti ac Ymddiriedolaethau [20]CL623220 Credydau
Law of the European Union [30]CL630130 Credydau
Company Law [30]CL630430 Credydau
Dissertation [30]CL630530 Credydau
Family LawCL630730 Credydau
Human Rights LawCL630830 Credydau
Commercial LawCL631330 Credydau
Traethawd Hir [30]CL631430 Credydau
Legal History [30]CL632030 Credydau
Cyfraith yr Undeb Ewropeaidd [30]CL632130 Credydau
Global Problems and Legal TheoryCL632830 Credydau
Healthcare, Ethics and Law [30]CL633030 Credydau
Equity and Trusts [30]CL633130 Credydau
Ecwiti ac Ymddiriedolaethau [30]CL633230 Credydau
Intellectual Property Law: Copyright, Patents and Trade MarksCL633830 Credydau
Environmental Law and PolicyCL633930 Credydau

Mae'r Brifysgol wedi ymrwymo i ddarparu amrywiaeth eang o opsiynau modiwl lle'n bosibl. Ond byddwch yn ymwybodol er y byddwn yn gwneud pob ymdrech i gynnig dewis, gall hyn gael ei gyfyngu mewn rhai amgylchiadau. Y rheswm am hyn yw'r ffaith mai dim ond nifer cyfyngedig o leoedd sydd ar gael ar rai modiwlau, a gaiff eu dyrannu ar sail y cyntaf i'r felin. Mae'n ofynnol i fodiwlau eraill sicrhau isafswm nifer o fyfyrwyr cyn gallu eu cynnal, er mwyn gwneud yn siŵr y gellir cyflwyno addysg o ansawdd priodol. Gall modiwlau gael eu cyfyngu oherwydd gwrthdaro yn yr amserlen hefyd, ac er bod y Brifysgol yn ymdrechu i amharu cyn lleied â phosibl ar eich dewis, byddai'n syniad da i chi ofyn am gyngor gan yr Ysgol berthnasol am y dewisiadau modiwl sydd ar gael.

Dysgu ac asesu

Byddwch yn dysgu trwy gyfuniad o ddarlithoedd, tiwtorialau a seminarau.

Mae’r darlithoedd yn amrywio o ran ffurf ond yn gyffredinol yn darparu strwythur eang ar gyfer pob pwnc, yn cyflwyno cysyniadau allweddol a gwybodaeth gyfredol. Bydd gennych hefyd fynediad i fersiynau clywedol o’r darlithoedd hefyd.

Mewn tiwtorialau byddwch yn cael y cyfle i chi drafod themâu neu bynciau cyfreithiol penodol, i atgyfnerthu eich gwaith dysgu unigol a chael adborth arno ac i feithrin sgiliau cyflwyno llafar. Caiff eich sgiliau cyfathrebu eu datblygu mewn tiwtorialau, lle byddwch yn gwneud cyfraniadau unigol at astudiaethau grŵp, er enghraifft, drwy grynhoi dyfarniad neu erthygl benodol i'r grŵp.

Byddwch yn ymarfer ac yn datblygu eich sgiliau cyflwyno, cyfreithiol a deallusol trwy gymryd rhan mewn gweithgareddau dysgu amrywiol. Mae’r rhain yn cynnwys datrys problemau cyfreithiol, trafodaethau mewn grwpiau bach, dadlau, ymrysonfeydd, cyflwyniadau llafar, tasgau ymchwil annibynnol ac aseiniadau ysgrifenedig. Byddwch hefyd yn gwella eich sgiliau gweithio mewn tîm.

Sut y caf fy nghefnogi?

Cewch diwtor personol a fydd yn eich helpu i fyfyrio ar eich perfformiad ar y cwrs a’ch cynghori ar dechnegau astudio, dewis modiwlau a chynllunio gyrfa (ar y cyd â Gwasanaeth Gyrfaoedd y Brifysgol). Byddan nhw hefyd yn cynnig pwynt cyswllt cyntaf os ydych chi’n profi unrhyw anawsterau.

Cyflwynir rhaglen helaeth o weithdai a darlithoedd gyrfaoedd yn yr Ysgol ac mae Ymgynghorydd Gyrfaoedd y Gyfraith mewnol ar gael.

Mae amrywiaeth o staff ar gael i gynnig cymorth pellach, gan gynnwys tiwtor cefnogaeth academaidd, cyd-gysylltydd cynllun pro-bono a llyfrgellwyr arbenigol y gyfraith. Mae aelod o staff academaidd yn gweithredu fel Swyddog Anabledd ac Amrywiaeth ac yn sicrhau fod addasiadau rhesymol yn cael eu gwneud ar gyfer myfyrwyr gydag anableddau.

Mae’r holl fodiwlau o fewn rhaglen y Gyfraith yn defnyddio Amgylchedd Dysgu Rhithwir y Brifysgol; Dysgu Canolog (Learning Central). Yma gallwch chi ymuno â fforymau trafod a dod o hyd i ddeunydd cwrs yn cynnwys recordiau o ddarlithoedd, dolenni at ddeunyddiau cysylltiedig, profion amlddewis, hen bapurau arholiad ac enghreifftiau o waith cyn-fyfyrwyr.

Sut caf fy asesu?

Caiff modiwlau eu hasesu drwy arholiad neu waith cwrs neu drwy gyfuniad o'r ddau. Mae fformat gwaith cwrs yn amrywio, gan gynnwys traethodau safonol, traethodau estynedig, portffolios o waith a gynhyrchir dros y flwyddyn academaidd gyfan ac atebion ysgrifenedig i broblemau cyfreithiol. Mae arholiadau fel arfer yn cael eu cynnal yn ystod yr haf.  Cyflwynir gwaith cwrs ar ddyddiadau dynodedig yn ystod y flwyddyn academaidd. 

Yn ystod y flwyddyn academaidd, byddwch yn cwblhau darnau gwahanol o waith nad ydyn nhw’n cyfrif tuag at farciau terfynol eich modiwlau, ond sydd wedi eu cynllunio i’ch helpu chi i gyflawni canlyniadau dysgu eich modiwlau ac i baratoi ar gyfer eich arholiadau a’ch gwaith cwrs. Gallai hyn fod yn ysgrifenedig neu ar lafar a gellir ei gyflwyno’n ffurfiol i diwtor neu ei gyflwyno yn ystod tiwtorialau neu seminarau. Fel arfer, bydd y gwaith hwn yn cael ei wneud yn ystod eich amser astudio annibynnol. Rhoddir adborth ar y gwaith hwn yn aml ac mewn amrywiaeth eang o fformatau, a’i fwriad yw eich helpu chi i nodi cryfderau a gwendidau yn eich dysg, yn ogystal â rhoi arwyddion o sut gallech wella eich perfformiad mewn arholiadau a gwaith cwrs.

Cyflwynir adborth mewn amrywiaeth o fformatau, gan gynnwys adborth ar lafar gan diwtoriaid yn ystod tiwtorialau, adborth personol ar waith ysgrifenedig, darlithoedd adborth, adborth ysgrifenedig cyffredinol ac adborth ar berfformiad mewn tiwtorialau.

Pa sgiliau bydda i'n eu hymarfer a'u datblygu?

Mae gradd yn y gyfraith yn datblygu eich gallu i drefnu ffeithiau a syniadau mewn ffordd systematig, nodi gwybodaeth berthnasol a gwerthuso'r rhain i lunio cyngor ar gyfer cleient neu ddadl gyfreithiol.

Byddwch hefyd yn:

  • gwella eich gallu i ddadlau mewn modd gwrthrychol, rhesymegol a phroffesiynol, gyda sylw dyledus i awdurdod a dulliau enwi dderbyniol
  • datblygu eich gallu i ymgymryd â dysgu annibynnol a rheoli eich amser yn effeithiol
  • gwella eich sgiliau gweithio mewn tîm, gan gyfrannu’n adeiladol ac yn ddibynadwy
  • datblygu eich sgiliau cyfathrebu, ar lafar ac yn ysgrifenedig
  • dysgu sut i ddefnyddio ffynonellau electronig penodol i’r pwnc, cronfeydd data a’r Amgylchedd Dysgu Rhithwir i gasglu tystiolaeth ac i ymchwilio i gwestiynau cyfreithiol.

Gwybodaeth arall

Rydym yn cynnig amrywiaeth o weithgareddau allgyrsiol, rhai sy’n unigryw i Brifysgol Caerdydd, sydd yn rhoi mantais gystadleuol i’n myfyrwyr.


Ymryson (Mooting)

Caiff ein myfyrwyr eu hannog i gystadlu mewn cystadlaethau ymryson blynyddol. Mae'r cystadlaethau hyn yn rhoi cyfle i chi gyflwyno materion cyfreithiol gerbron barnwr, yn erbyn cwnsler sy’n gwrthwynebu.

Mae ymryson yn sgil wych i allu ychwanegu at eich CV ac mae’n rhoi profiad gwerthfawr o siarad yn gyhoeddus mewn lleoliad ffurfiol.


Cystadleuaeth cyfweld â chleientiaid

Anogir ein myfyrwyr i gymryd rhan mewn cystadleuaeth cyfweld cleientiaid flynyddol, gyda Syr Geoffrey Bindman QC yn Llywydd arni. Byddwch yn meithrin profiad cyfweld a chwnsela mewn lleoliad ffug a byddwch yn cael eich asesu yn erbyn meini prawf asesu penodol sy’n cynnwys sgiliau rhyngbersonol a’ch gallu i ddelio gyda phroblemau cyfreithiol.

Gyrfaoedd

Rhagolygon gyrfa

Yn 2016-17, dywedodd 95% o raddedigion yr Ysgol oedd ar gael i weithio eu bod mewn cyflogaeth a/neu astudiaethau pellach ymhen chwe mis ar ôl graddio.

Fe wnaeth y myfyrwyr wnaeth ddewis gweithio yn syth ar ôl graddio gael swyddi fel trafodwyr, paragyfreithwyr, trinwyr morgeisi a chyfreithwyr gyda chwmnïau fel Cyfreithwyr Hugh James, Admiral Law, Eversheds LLP a Gwasanaethau’r Gyfraith a Risg GIG Cymru.

Nid yw gradd yn y gyfraith yn cyfyngu graddedigion i yrfaoedd yn y proffesiwn cyfreithiol. Bob blwyddyn mae nifer o raddedigion y gyfraith yn mynd i broffesiynau mor amrywiol â chyllid, gwerthu a marchnata, cyfathrebu digidol a recriwtio.

Bydd gennych fynediad at Ymgynghorydd Gyrfaoedd pwrpasol yn Ysgol y Gyfraith a Gwleidyddiaeth. Maent yn trefnu gweithdai cyflogadwyedd ymarferol trwy gydol y flwyddyn sy'n ymdrin â phynciau gan gynnwys ysgrifennu CV a gorchuddio llythyrau, paratoi ar gyfer diwrnodau dewis cyflogwyr a chyfweliadau, strategaethau chwilio am swydd a dod o hyd i waith.

Astudio yn Gymraeg

ae hyd at 81% o'r cwrs hwn ar gael drwy gyfrwng y Gymraeg. Cysylltwch â'r Tiwtor Derbyn am wybodaeth bellach.

Camau nesaf

icon-academic

Ymweliadau Diwrnod Agored

Cofrestrwch ar gyfer gwybodaeth am ein dyddiadau yn 2021

icon-international

Rhyngwladol

Mwy o wybodaeth am ein brifysgol fyd-eang

icon-contact

Cysylltwch

Cysylltwch â ni am gymorth ac unrhyw gwestiwn sydd gennych

icon-pen

Sut i wneud cai

Sut i wneud cais am y cwrs hwn


Data HESA: Hawlfraint yr Asiantaeth Ystadegau Addysg Uwch Cyfyngedig 2021. Ni all yr Asiantaeth Ystadegau Addysg Uwch Cyfyngedig dderbyn cyfrifoldeb am unrhyw gasgliadau neu benderfyniadau sy'n deillio o drydydd partïon o'i data. Daw'r data o Arolwg Hynt Graddedigion Diweddaraf 2018/19 a gyhoeddwyd gan HESA ym mis Mehefin 2021.