Diwrnod Blas ar Fywyd Prifysgol - Astudio, Byw a Gweithio drwy'r Gymraeg

Mae ein diwrnod Astudio, Byw a Gweithio drwy’r Gymraeg i ddisgyblion ysgolion uwchradd yn rhoi cipolwg ar fywyd Cymraeg yn y Brifysgol a'r cyfleoedd a ddaw yn sgil astudio yn Gymraeg.

Rydyn n'n gweithio ar y cyd â'r sefydliadau canlynol i ddarparu diwrnod llawn bwrlwm o weithgareddau ar gyfer disgyblion ysgolion uwchradd cyfrwng Cymraeg:

Beth all disgyblion ei ddisgwyl?

Bydd gan ddisgyblion y cyfle i:

fynychu sesiynau academaidd a gynhelir gan staff y brifysgol
gymryd rhan mewn trafodaeth banel a derbyn cyngor ar gwblhau ffurflenni UCAS
ymweld ag Undeb Myfyrwyr Prifysgol Caerdydd i grwydro o amgylch stondiau gyrfaoedd a phwnc, a chlywed gan fyfyrwyr presennol, cyn-fyfyrwyr, a chyflogwyr
dysgu am gyfleoedd academaidd a phroffesiynol yn y Gymraeg

Yn dilyn llwyddiant ein Diwrnod Blas ar Fywyd Prifysgol cyntaf yn 2024, byddwn ni unwaith eto yn cynnal diwrnod agored ar gyfer ysgolion cyfrwng Cymraeg ddydd Mercher 11 Mehefin 2025, o 09:30 tan 14:30.

Bydd y digwyddiad yn cael ei gynnal ar gampws Prifysgol Caerdydd.

Bydd y diwrnod yn cynnwys sesiynau amrywiol dan arweiniad cynrychiolwyr o'r tair sefydliad bartner, ochr yn ochr â sesiwn banel a gynhelir gan y Coleg Cymraeg Cenedlaethol.

Y nod yw hyrwyddo'r cyfleoedd academaidd, allgyrsiol, a phroffesiynol sydd ar gael i bobl ifanc yn y sefydliadau hyn.

Gwybodaeth hanfodol ar gyfer y diwrnod

Dyma bopeth sydd ei angen arnoch chi os ydych chi'n ymweld â'n diwrnod Astudio, Byw a Gweithio drwy’r Gymraeg:

Map o'r campws - lleoliadau o gwmpas ein campws
Rhaglen lawn - gweld beth sy’n digwydd a phryd
Mynediad Wi-fi - manylion i gysylltu â'n Wi-Fi
Her tair stondin QR - cymryd rhan yn ein gweithgaredd rhyngweithiol ar y campws
Pecyn gwybodaeth stondinau gyrfa - darganfod cyfleoedd a chwrdd â chyflogwyr

Edrych yn ôl ar ein diwrnod agored cyntaf yn y Gymraeg

Dyma ddetholiad o luniau i roi blas i chi o'n diwrnod Blas ar Fywyd Prifysgol yn 2024:

Cafodd myfyrwyr Blwyddyn 12 o ysgolion lleol y y cyfle i gwrdd â chynrychiolwyr o wahanol sefydliadau Cymreig.
Arweiniodd y cyflwynydd teledu, Lloyd Lewis y diwrnod agored a chwrddodd â sawl un o'n siaradwyr gwadd, gan gynnwys rhai o Gyngor Celfyddydau Cymru.
Cynhaliwyd trafodaeth banel i archwilio cyfleoedd y myd addysg Gymraeg.