Ewch i’r prif gynnwys

Addysg Feddygol

Gellir astudio ein modiwlau e-ddysgu Cyfryngau a Thechnolegau Addysgol ac Asesu Dysgu sy’n rhan o’r Dystysgrif Ôl-raddedig mewn Addysg Feddygol ar eu pennau eu hunain neu fel cyrsiau unigol.

Byddant yn gwella eich dealltwriaeth o egwyddorion a dulliau addysgol ac yn gwella eich gallu i’w rhoi yn eu cyd-destun. Bydd y cyrsiau'n apelio at oruchwylwyr addysgol, goruchwylwyr clinigol a hyfforddwyr, yn ogystal â'r rhai sy'n chwilio am brofiad achrededig o ansawdd mewn maes penodol.

Caiff pob cwrs ei hwyluso gan diwtoriaid ar-lein ac mae'n cynnwys trafodaethau rhyngweithiol gyda myfyrwyr eraill. Gellir cyfri’r pwyntiau CATS o’r cyrsiau byr hyn tuag at y cyfanswm o 60 CATS sy'n ofynnol ar gyfer y Dystysgrif Ôl-raddedig. Rhaid defnyddio'r pwyntiau CATS o fewn tair blynedd.

Dyddiadau

4 Ionawr - 1 Mawrth 2021

Asesu

  • Ffurfiannol: adborth gan diwtor a chymheiriaid
  • Crynodol: asesiad – llunio llyfr gwaith rhyngweithiol a chyfiawnhau rhesymeg.

Nod

Rhoi'r sgiliau i chi allu dylunio, datblygu a dadansoddi cyfryngau a thechnolegau addysgol yn feirniadol er mwyn gwella'r broses ddysgu.

  • egwyddorion dylunio addysgol
  • dulliau ymarferol
  • datblygu adnoddau dysgu
  • arloeseddau technegol mewn addysg glinigol.

Deilliannau dysgu

Erbyn diwedd y modiwl, byddwch yn gallu:

  • dadansoddi'n feirniadol priodoldeb addysgol a thechnolegol gwahanol fathau o gyfryngau a thechnolegau addysgol
  • dewis cyfryngau cyfarwyddiadol ar gyfer tasgau dysgu priodol drwy ystyried egwyddorion addysgol a thechnolegol perthnasol
  • cymhwyso damcaniaethau addysgol i ddyluniad amrywiaeth o gyfryngau cyfarwyddiadol er mwyn cyflwyno negeseuon addysgol yn effeithiol.

Dulliau dysgu ac addysgu

  • amrywiaeth o weithgareddau testun ac mewn grwpiau ar-lein, er enghraifft
    • sesiynau grŵp trafod i ddadansoddi egwyddorion cynllunio cyfryngau a’u defnydd
    • Darllen y llyfryddiaeth ar theori cynllunio cyfryngau, ymchwil ac arferion da
    • aseiniad ymarferol

Cynnwys dangosol

  • Cyfryngau addysgol fel testun cyfarwyddiadol, sain, fideo, cyfryngu cyfrifiadurol, modelau anatomegol ac efelychwyr
  • Dibenion a phwrpas technolegau addysgol.
  • Dysgu theori er mwyn dylanwadu ar ddefnydd o’r cyfryngau a’r dylunio.
  • Technolegau i gefnogi dysgu e.e. amgylcheddau dysgu amlgyfrwng, wedi'u rheoli, systemau ymateb myfyrwyr.
  • Cynllunio a datblygu cyfryngau.

Dyddiadau

8 Mawrth – 19 Ebrill 2021

Asesu

  • Ffurfiannol: adborth gan diwtor a chymheiriaid
  • Crynodol: asesiad ar arferion unigol.

Nod

Creu gwerthusiad beirniadol o ddiben, dyluniad, cymhwyso a dehongli ystod o ddulliau asesu sydd ar gael i addysgwyr clinigol:

  • egwyddorion a fframweithiau asesu
  • dulliau ar gyfer asesu dysgu
  • strategaethau ar gyfer gwella asesiadau yn y gweithle.

Deilliannau dysgu

Erbyn diwedd y modiwl, byddwch yn gallu:

  • dadansoddi'n feirniadol y ffactorau sy'n dylanwadu ar brosesau a chanlyniadau asesu
  • gwerthuso dulliau newydd o fynd i'r afael â materion asesu penodol o fewn amgylcheddau clinigol
  • arfarnu strategaethau ar gyfer gwella dibynadwyedd a dilysrwydd gwahanol ddulliau asesu a chymhwyso strategaethau ar gyfer gwella
  • dadansoddi'n feirniadol dyluniad, defnydd a chymhwyso ystod o ddulliau asesu
  • dadansoddi dull asesu penodol mewn amgylchedd gofal iechyd, a chymhwyso egwyddorion asesu i ddatblygu a chyfiawnhau strategaethau ar gyfer gwella.

Dulliau dysgu ac addysgu

  • amrywiaeth o weithgareddau testun ac rhyngweithio mewn grwpiau ar-lein.
  • Gwerthuso beirniadol ar brofiadau asesu.
  • Darllen y llyfryddiaeth ar theori asesu, ymchwil ac arfer da
  • Astudio a darllen annibynnol.

Cynnwys dangosol

  • Math yr asesiad, swyddogaeth a’r rôl.
  • Datblygu asesiadau (e.e. glasbrintio, amseru ac amlder).
  • Egwyddorion asesu:
    • dilysrwydd
    • dibynadwyedd
    • effaith addysgol
    • derbynioldeb.
  • Dulliau asesu:
    • asesiadau ysgrifenedig (e.e. traethodau a phrosiectau, MCQ ac EMQ)
    • Asesiadau yn y gweithle (e.e. mCEX, CbD, MSF).

Rydym yn cadw'r hawl i ganslo modiwl unigol. Gallai hyn ddigwydd os na fydd digon wedi cofrestru ar gyfer cwrs neu os bydd newid yn yr amgylchiadau. Mae hyn oherwydd bod angen lleiafswm o fyfyrwyr ar rai modiwlau cyn y gellir eu cynnal. Diben hynny yw gwneud yn siŵr y gellir cynnal addysg o safon briodol. Pan mae hyn yn digwydd byddwn yn rhoi ad-daliad llawn neu rannol yn dibynnu ar b’un a gynhaliwyd unrhyw ddosbarthiadau.

Gofynion mynediad

Dylai ymgeiswyr feddu ar radd gyntaf dda neu gymhwyster proffesiynol neu gymhwyster arall sy'n dderbyniol i Brifysgol Caerdydd mewn disgyblaeth berthnasol.

Rhaid i ymgeiswyr nad ydynt yn siarad Saesneg fel iaith gyntaf fodloni anghenion iaith Saesneg y Brifysgol.

Sut i wneud cais

Cysylltwch â’n Tîm Derbyn Myfyrwyr i Gyrsiau Ôl-raddedig i gael manylion ar sut i wneud cais.

Arian a ffioedd

Gwiriwch ein tudalennau ffioedd dysgu i weld y ffioedd dysgu ar gyfer y rhaglenni hyn.

Postgraduate Taught Admissions Team

School of Medicine