Radiograffeg (MSc)

Sut y caf fy addysgu?

Cynhelir yr addysgu yn bennaf drwy weithdai, tiwtorialau a seminarau. Ceir hefyd ddarlithoedd sy'n cael eu dilyn gan gyfleoedd i drafod a gwerthuso syniadau a gyflwynwyd. Cefnogir cynnwys y cwrs gan adnoddau ar-lein.

Mae gwaith astudio hunangyfeiriedig yn rhan bwysig o'r cwrs, a chewch eich tywys drwy’r meysydd astudio a sgiliau astudio.

Sut y caf fy asesu?

Byddwch yn cael eich asesu drwy amrywiaeth o weithdrefnau asesu, fel aseiniadau ysgrifenedig, cyflwyniadau llafar, portffolio a phrosiectau seiliedig ar waith. Ceir hefyd archwiliadau clinigol yn y modiwlau Gwerthfawrogi Delweddau ac Adrodd. Mae hyn yn eich galluogi i ddangos eich gallu i ddadansoddi a gwerthuso sefyllfa ond hefyd i ddefnyddio amrywiaeth o ffyrdd i gyflwyno eich syniadau a'ch galluoedd. Y traethawd hir yw penllanw datblygu’r holl sgiliau hyn.

Sut y caf fy nghefnogi?

Mae'r rhaglen hon yn rhoi cyfle i chi rannu syniadau ag amryw o weithwyr iechyd proffesiynol. Yn ogystal â datblygu eich galluoedd deallusol eich hun, mae'r broses hon o rannu syniadau yn eich galluogi i ddysgu ac elwa ar brofiadau eraill. Rhoddir cyfle i drafod a chyfnewid syniadau trwy seminarau a thiwtorialau.

Rydych chi’n cael tiwtor personol penodol ar ôl cofrestru ar y rhaglen, sy'n gallu eich cynorthwyo gydag unrhyw faterion gofal bugeiliol ac academaidd.

Mae pob modiwl yn y rhaglen yn defnyddio Amgylchedd Dysgu Rhithwir Prifysgol Caerdydd - Dysgu Canolog - yn helaeth. Yma byddwch chi'n dod o hyd i ddeunyddiau’r cwrs, dolenni i ddeunyddiau cysylltiedig ac enghreifftiau o asesiadau. Caiff pob darlith ei recordio drwy Panopto ac maen nhw ar gael i chi drwy gydol eich rhaglen.

Mae'r Brifysgol yn cynnig ystod eang o wasanaethau a gweithgareddau sydd wedi'u cynllunio i'ch cefnogi chi. Mae'r rhain yn cynnwys gwasanaeth cwnsela myfyrwyr, gwasanaeth cynghori myfyrwyr, cyfleusterau gofal dydd, a chyfleusterau chwaraeon ac ymarfer corff, yn ogystal â gwybodaeth am y campws a gwasanaethau llyfrgell a TG.

Mae ein ap myfyrwyr yn caniatáu i chi gael mynediad at wasanaethau Prifysgol Caerdydd a gwybodaeth wedi'i phersonoli mewn un lle ac mewn modd syml a chyfleus drwy ffôn clyfar, o’r siop apiau. ;

Mae nodweddion yr ap yn cynnwys: ;: ;

• Mapiau o’r campws
• Adnewyddu, taliadau, ac eitemau sydd ar gael i fyfyrwyr yn y llyfrgell
• Amserlen myfyrwyr
• Dod o hyd i gyfrifiadur sydd ar gael
• Cael cymorth a chefnogaeth i fyfyrwyr
• Newyddion myfyrwyr
• Derbyn hysbysiadau pwysig
• Dolenni i lansio apiau eraill y Brifysgol fel Outlook (ar gyfer ebost) a Blackboard (ar gyfer Dysgu ; ;Canolog)
• Dolenni i apiau a argymhellir fel nextbike, i helpu i wneud y mwyaf o’ch profiad fel myfyriwr.

;

Pa sgiliau y byddaf yn eu hymarfer a’u datblygu?

Gwybodaeth a Dealltwriaeth:

• Dangos gwybodaeth a sgiliau clinigol gwell a chymhwyso'r rhain yn feirniadol yn eich ymarfer radiograffeg, i ddatblygu dealltwriaeth gyflawn o foddau radioleg a chymhwyso'r wybodaeth i wella canlyniadau i ddefnyddwyr gwasanaeth a dealltwriaeth cydweithwyr.
• Datblygu dealltwriaeth ymarferol drwy werthuso technegau ymchwil ac ymholi sefydledig i ddehongli gwybodaeth a chefnogi'r gwaith o roi canfyddiadau ymchwil ar waith mewn ymarfer radiograffeg.
• Archwilio a gwerthuso sefyllfa radiograffeg mewn ymarfer gofal iechyd ac arfarnu datblygiadau neu newidiadau mewn ymarfer proffesiynol yn feirniadol.
• Sbarduno newid ac arwain y gwaith o reoli newid a datblygu’r proffesiwn radiograffeg.

Sgiliau Deallusol:

• Dadansoddi ymchwil yn feirniadol.
• Myfyrio a dadansoddi’r proffesiwn radiograffeg a'ch ymarfer eich hun yn feirniadol.

Sgiliau Ymarferol Proffesiynol:

• Sgiliau ymarferol mewn meysydd ymarfer uwch.

Sgiliau trosglwyddadwy

• Sgiliau cyfathrebu hyderus.
• Sgiliau ysgrifennu ac astudio academaidd hanfodol.
• Sgiliau trefnu eich hun a rheoli amser.
• Datblygu sgiliau ymchwil ymarferol a'u cymhwyso wrth ymarfer.