Optometreg Glinigol (MSc)

Sut y caf fy addysgu?

Gall modiwlau fod yn wahanol, ond gallwch ddisgwyl cael eich addysgu ar-lein drwy ddarlithoedd, tiwtorialau Xerte a gweminarau, gan fynychu gweithdai ar gyfer rhai modiwlau clinigol. Mae gan rai modiwlau gyfarfodydd un i un gyda thiwtor dros Skype.

Byddwch yn astudio ochr yn ochr ag optometryddion eraill sy'n astudio'n rhan-amser.

Ategir darlithoedd a thiwtorialau gan y cyfeiriadau a'r adnoddau priodol, yn ogystal ag ymarferion asesu. Mae cymryd rhan mewn trafodaethau ar-lein wedi'u cymedroli yn nodwedd bron i bob modiwl.

Bydd gweithdai ymarferol ar gyfer hyfforddiant sgiliau yn cael eu cynnal mewn lleoliadau sy'n gyfleus naill ai i gynnwys y modiwl neu'r garfan myfyrwyr sydd wedi cofrestru ar y pryd, o dan gyfarwyddyd arweinwyr addysgol yn y ddisgyblaeth honno.

Sut y caf fy asesu?

Bydd pob modiwl yn cael ei asesu'n ffurfiannol ac yn grynodol yn unol â strategaeth asesu pob modiwl penodol. Mae hyn yn cynnwys amrywiaeth o ddulliau asesu gan gynnwys y canlynol:

• Aseiniad (damcaniaethol a myfyriol)
• Cyflwyniadau/ Cyflwyniadau/seminarau a adolygir gan gymheiriaid
• Trafodaethau/ seminarau/ gweithdai
• Senarios achos
• Gweithdai clinigol wedi'u hefelychu
• Arholiadau Clinigol Strwythuredig Gwrthrychol
• Profion cwestiynau amlddewis yn yr ystafell ddosbarth.
• Arholiadau ymarferol.
• Senarios Nodweddion Allweddol (a ddefnyddir mewn addysg feddygol i brofi rhesymu clinigol, gallu datrys problemau a'r gallu i gymhwyso gwybodaeth benodol).
• OSCEs - Arholiadau Clinigol Strwythuredig Gwrthrychol.
• Wicis grŵp.
• Blogiau
• Adroddiad prosiect ymchwil ysgrifenedig.

Mae'r asesiadau a ddefnyddir yn y rhaglen yn ymwneud â mesur ymarfer proffesiynol, academaidd a chlinigol.

Bydd adborth yn cael ei ddarparu ar bob asesiad, a bydd ar gael drwy Dysgu Canolog neu mewn fformatau ysgrifenedig neu lafar ar gyfer adroddiadau ysgrifenedig a gwaith cwrs, ac yn ysgrifenedig a/neu ar lafar ar gyfer cyflwyniadau ac arholiadau ymarferol.

Bydd y drafodaeth drwy fforymau ar-lein yn cael ei chymedroli gan arweinwyr modiwlau, gan roi mewnbwn a chyfle iddyn nhw gynnig adborth ar unwaith.

Sut y caf fy nghefnogi?

Ar ddechrau eich cwrs ceir modiwl ymsefydlu. Bydd hwn yn eich helpu i ganfod eich ffordd o amgylch Dysgu Canolog a bydd hefyd yn darparu gwybodaeth gyffredinol am sut bydd ein timau gweinyddu a TG yn eich cefnogi chi.

Mae'r Brifysgol yn cynnig ystod eang o wasanaethau a gweithgareddau sydd wedi'u cynllunio i gefnogi myfyrwyr. Mae'r rhain yn cynnwys gwasanaeth cwnsela myfyrwyr, gwasanaeth cynghori myfyrwyr, crèche a chyfleusterau dydd, cyfleusterau chwaraeon ac ymarfer corff, yn ogystal â gwybodaeth am y campws a gwasanaethau llyfrgell a TG.

Mae'r rhaglen hon yn rhoi cyfle i fyfyrwyr rannu syniadau â gweithwyr iechyd proffesiynol. Yn ogystal â datblygu eu galluoedd deallusol eu hunain, mae rhannu syniadau fel hyn yn eu galluogi i ddysgu ac elwa o brofiadau pobl eraill. Rhoddir cyfle am y math hwn o drafodaeth a chyfnewid syniadau drwy seminarau a thiwtorialau.

Mae pob myfyriwr yn cael tiwtor personol penodol o’r Ysgol Optometreg a Gwyddorau’r Golwg ar ôl cofrestru ar y rhaglen, sy'n gallu helpu gydag unrhyw ofal bugeiliol yn ogystal â rhoi cyngor ar arddull ysgrifennu, gramadeg a mentora academaidd.

Mae pob modiwl yn y rhaglen yn defnyddio Amgylchedd Dysgu Rhithwir Prifysgol Caerdydd - Dysgu Canolog - yn helaeth. Yma bydd myfyrwyr yn dod o hyd i ddeunyddiau’r cwrs, dolenni i ddeunyddiau cysylltiedig ac enghreifftiau o asesiadau.

Pa sgiliau y byddaf yn eu hymarfer a’u datblygu?

Gwybodaeth a Dealltwriaeth:

Ar ôl cwblhau'r Rhaglen yn llwyddiannus byddwch yn gallu:

• myfyrio'n feirniadol ar wybodaeth am faterion cymhleth, dadleuol a/neu gynhennus sy'n ymwneud ag ymarfer optometrig
• gwerthuso a chymhwyso cysyniadau allweddol modern ymarfer optometrig i heriau yn eich amgylchedd eich hun a meysydd ymarfer arbenigol
• rhoi sylw i fudd gwaith tîm rhyngbroffesiynol mewn ymchwil a / neu ddarpariaeth gofal offthalmig a myfyrio ar hynny

Sgiliau Deallusol:

Ar ôl cwblhau'r Rhaglen yn llwyddiannus byddwch yn gallu:

• archwilio, dadansoddi’n feirniadol, cyfosod a gwerthuso llenyddiaeth sy'n seiliedig ar dystiolaeth, canllawiau clinigol a theorïau sylfaenol mewn ymarfer optometrig i asesu arferion a dulliau rheoli mewn gofal offthalmig
• datrys problemau offthalmig clinigol, a chreu atebion sy'n seiliedig ar dystiolaeth;
• cyflwyno dadleuon cytbwys a gwybodus, gan ymgorffori

barn feirniadol a gwneud penderfyniadau mewn gwaith ysgrifenedig a chyflwyniadau/dulliau asesu amgen;

• myfyrio'n effeithiol ar ddysgu a'i werthuso

Sgiliau Ymarferol Proffesiynol:

Ar ôl cwblhau'r Rhaglen yn llwyddiannus byddwch yn gallu:

• asesu arwyddion a symptomau clefyd y llygaid i wneud diagnosis gwahaniaethol ac i raddio opsiynau ar gyfer rheoli
• datrys problemau a datblygu atebion/cynlluniau rheoli mewn meysydd ymarfer cymhleth ac arbenigol yn seiliedig ar dystiolaeth a barn broffesiynol a chlinigol gadarn
• cyfrannu drwy eich ymchwil eich hun at ddatblygu sylfaen wybodaeth a thystiolaeth eich proffesiwn, gan ddangos annibyniaeth meddwl drwy arloesi

Sgiliau Trosglwyddadwy/Allweddol:

Ar ôl cwblhau'r rhaglen yn llwyddiannus byddwch yn gallu dangos:

Meistrolaeth mewn sgiliau academaidd

• datblygu eich gwybodaeth a'ch dealltwriaeth eich hun
• cymharu a chyfosod gwybodaeth o sawl adnodd i wella dysgu
• ysgrifennu'n gryno ac yn glir ar gyfer y gymuned academaidd a chlinigol
• dehongli data

Meistrolaeth mewn sgiliau generig

• rheoli prosiectau ac amser
• gweithio'n annibynnol
• defnyddio ystod o becynnau meddalwedd TG ac adnoddau ar-lein
• datrys problemau