Datblygu proffesiynol

Cyfathrebu Hyderus

Mae pobl sydd â sgiliau cyfathrebu ardderchog yn fwy tebygol o fod yn llwyddiannus yn eu gwaith.

Mae pa mor dda rydych chi’n cyfathrebu yn pennu sut rydych chi a’ch syniadau yn cael eu cyfleu ac a ydych yn cyflawni eich amcanion neu beidio. Bydd y cwrs undydd hwn yn archwilio tactegau a dulliau i wella eich gallu i gyfathrebu yn hyderus.

Georgina Jones fydd eich hyfforddwr.

Ar gyfer pwy mae hwn

Y rheini sydd angen cynyddu eu hyder mewn amrywiaeth o sefyllfaoedd gwaith – digwyddiadau rhwydweithio, cyfarfodydd a chyfweliadau.

Beth fyddwch yn ei ddysgu

• Sut i feithrin perthynas a gwella cydberthnasau
• Beth yw nerfau, pam maent yno a sut i’w rheoli
• Sut y gall iaith y corff helpu neu lesteirio
• Presenoldeb a phŵer bod yn y foment
• Pŵer gwrando a chyfleu eich neges
• Brandio personol
• Cynnal cyflwr cadarnhaol.

Pynciau dan sylw

• Edrych ar gredoau
• Anadlu
• Pŵer y llais, gan gynnwys anadlu, taflu’r llais a goslef
• Technegau gwrando
• Ystum y corff
• Siarad amdanoch eich hun
• Sut rydym i gyd yn gweld y byd.

Manteision

• Cynyddu hygrededd personol a phroffesiynol
• Rhoi cynghorion i chi am sut i deimlo’n llawn awdurdod ac yn fwy hyderus yn y gwaith
• Eich ysgogi i ddatblygu eich gyrfa a pheidio â gadael i ofn eich atal
• Dangos i chi y gall pawb wella eu hyder
• Pecyn adnoddau y gallwch ei ddefnyddio ar ôl y cwrs i ddatblygu eich gyrfa
• Deall anghenion pobl eraill a gweithio tuag at gyflawni canlyniadau llwyddiannus.

Lleoliad