Cronfa Cryfder mewn Lleoedd CSconnected

Bydd prosiect Cronfa Cryfder mewn Lleoedd CSRInected UKRI (SIPF) yn sefydlu de Cymru fel cartref cyntaf i cymuned lled-ddargludyddion cyfansawdd y byd, gan roi'r rhanbarth ar flaen y gad o ran technolegau newydd a rhai sy'n dod i'r amlwg.

CSconnected yw clwstwr lled-ddargludyddion cyfansawdd cyntaf y byd, ac mae'r prosiect SIPF yn un o saith sy'n cael eu cefnogi gan lywodraeth y DU trwy eu cynllun Ymchwil ac Arloesi yn y DU (UKRI) a'u Cronfa Cryfder mewn Lleoedd, a gyhoeddwyd ym mis Mehefin 2020.

Mae gan y prosiect fydd yn para am 55 mis ac sy'n cychwyn ym mis Tachwedd 2020 gyfanswm gwerth £43 miliwn, a gefnogir gan £25 miliwn o gronfeydd UKRI, gyda gweddill y buddsoddiadau yn cael eu darparu gan bartneriaid prosiect.

Mae'r prosiect SIPF yn adeiladu ar gryfderau de Cymru mewn deunyddiau lled-ddargludyddion a gweithgynhyrchu uwch.

Bydd hefyd yn rhoi mantais fyd-eang i'r DU mewn technoleg ar draws sectorau fel Sero Net, cyfathrebu 5G a cherbydau ymreolaethol.

Y nod yw cefnogi diwydiant lled-ddargludyddion cyfansawdd De Cymru i greu 3,000 o swyddi erbyn 2025, cynyddu ei gyfraniad uniongyrchol i'r economi leol i £265 miliwn y flwyddyn, a gwella sgiliau ymhlith y boblogaeth leol.

Rhaglenni

Wrth wraidd y prosiect mae pedair rhaglen ymchwil a datblygu cydweithredol (CRD) o bwys. Mae'r rhain yn canolbwyntio ar:

Cyfathrebu a synhwyro optegol y genhedlaeth nesaf
Gweithgynhyrchu waffer ar raddfa fawr wedi'i seilio ar GaAs
Offer Creu Waffer CS newydd ac effeithlon
Prosesau uwch ar gyfer systemau 5G ac EAV.

Yn ogystal â'r pedair rhaglen CRD hyn, bydd ffurfio gweithgaredd cydgysylltu canolog yn cynrychioli ac yn hyrwyddo'r clwstwr ac yn helpu i ddatblygu galluoedd addysgol a sgiliau rhanbarthol ar gyfer y sector.

Bydd y prosiect hefyd yn cefnogi sefydlu cartref pwrpasol ar gyfer cymuned CSconnected.