Sally O'Connor

Trosolwyg

Sally yw Cyfarwyddwr Gweithrediadau Parc Ymchwil y Gwyddorau Cymdeithasol (SPARK) ym Mhrifysgol Caerdydd. Mae SPARK yn fuddsoddiad gwerth £60m i greu parc ymchwil gwyddorau cymdeithasol cyntaf y byd. Mae hi wedi bod yn rhan o fenter SPARK, o'r datblygiad cysyniadol hyd at ei weithredu mewn adeilad pwrpasol newydd ar Gampws Arloesedd y brifysgol. Agorodd yr adeilad sbarc|spark, a rennir gydag Arloesi Caerdydd ym mis Mawrth 2022 ac ar hyn o bryd mae'n gartref i 16 o grwpiau ymchwil a thros 40 o bartneriaid allanol o'r sector cyhoeddus, preifat a'r  trydydd sector. 

Mae Sally  yn darparu arweinyddiaeth, goruchwyliaeth weithredol ac yn annog ymchwil ac arloesi newydd ar draws SPARK. Yn ganolog i'w rôl mae darparu'r synergeddau wrth wraidd SPARK: cyd-greu a chydweithio – pobl yn cydweithio ar draws disgyblaethau academaidd gydag ymarferwyr ar draws y sectorau preifat, cyhoeddus a'r trydydd sector i fynd i'r afael â rhai o broblemau mwyaf dybryd cymdeithas. 

Cyn hyn, mae Sally wedi gweithio mewn amrywiaeth o rolau yn y Brifysgol, gan gynnwys fel Rheolwr Datblygu Ymchwil Coleg y Celfyddydau, y Dyniaethau a'r Gwyddorau Cymdeithasol gan gefnogi  prosiectau amlddisgyblaethol a rhyngddisgyblaethol ar raddfa fawr, Tra'n gweithio yn yr Ysgol Busnes, ymchwiliodd i botensial twf busnesau bach a chanolig a rhedeg rhaglenni datblygu arweinyddiaeth ar gyfer busnesau bach a chanolig a oedd yn cynnwys perchnogion hyfforddi'r busnesau. Cyn ymuno â'r sector AU, treuliodd Sally amser yn y sector preifat gan gynnwys mewn cwmni ymgynghori rheoli a chwmni lled-ddargludyddion rhyngwladol yn yr Almaen.