Llwybr at ddiploma mewn Hylendid Deintyddol
O ganlyniad i alw digynsail, mae’r holl leoedd ar y Llwybr wedi’u llenwi erbyn hyn ar gyfer blwyddyn academaidd 2023/24, ac nid ydym yn derbyn rhagor o geisiadau.
Lluniwyd ein Llwybr rhan-amser at radd mewn Hylendid Deintyddol ar gyfer oedolion sydd eisiau dychwelyd i fyd addysg er mwyn gwneud cais i astudio.
Addysgir y modiwlau gyda’r nos ac ar y penwythnos. Byddwch chi’n astudio mewn cyd-destunau sy’n hamddenol ac yn gefnogol.
Ar ôl astudio ar y Llwybr, byddwch yn cael gwneud cais i astudio ar gyfer y diploma mewn Hylendid Deintyddol (B750) neu radd mewn Therapi Deintyddol a Hylendid Deintyddol (B752).
Sut mae’n gweithio
Mae’r Llwybr yn cynnwys 60 o gredydau.
Mae angen i ymgeiswyr fod â phum cymhwyster TGAU gyda graddau A i C neu 9 i 4. Rhaid i Saesneg Iaith/Cymraeg fod yn un o’r rhain.
Modiwlau’r Llwybr
Modiwlau craidd
- Polisi Cyhoeddus ar gyfer Iechyd (20 o gredydau).
- Cyflwyniad i Fioleg Ddynol (20 o gredydau)
Modiwlau Dewisol
- Dulliau Ymchwil (10 credyd)
- Seicoleg Gymdeithasol (10 credyd)
- Addysg a Chymdeithas (20 credyd)
Hyd
O dan amgylchiadau arferol, gallwch chi ddisgwyl cwblhau’r Llwybr cyn pen blwyddyn, ond gallwch chi gymryd rhagor o amser os bydd angen.
Cost
Rhagor am gyllid ac arian.
Cysylltu
Os oes gennych chi ymholiadau neu os hoffech chi wybod rhagor am y Llwybr hwn, ebostiwch pathways@caerdydd.ac.uk
Os nad oes gennych y cymwysterau gofynnol, dywedwch wrthym pa gymwysterau sydd gennych.
Bydd aelod o dîm y Llwybrau yn ymateb i’ch ebost cyn gynted â phosibl.
