Swyddi gwag
Swyddi a chyfleoedd i astudio gyda'r Prosiect Dyfrgwn
Prosiectau Ymchwil PhD
Mae ceisiadau ar agor ar gyfer ysgoloriaeth ymchwil wedi'i hariannu'n llawn gyda NERC Red-ALERT CDT: "Dyfrgwn yn erbyn teclynnau: sut mae samplu goddefol yn cymharu â monitro rhywogaethau gwarchodwyr ar gyfer gwerthuso llygredd dŵr croyw?" Dyddiad cau ar gyfer ceisiadau: 7 Ionawr 2025.
Prosiectau ymchwil meistr
Rydyn ni bob amser yn croesawu ymholiadau gan fyfyrwyr sy'n chwilio am gyfleoedd i wneud ymchwil ôl-raddedig.
Mae Prifysgol Caerdydd yn cynnig rhaglen Meistr Ymchwil (MRes) yn y Biowyddorau. Gellir gwneud cais bob blwyddyn tan fis Gorffennaf. Yn dilyn rhaglen gychwynnol a addysgir sy’n cyflwyno sgiliau ymchwil allweddol, ceir prosiect ymchwil unigol dros wyth mis. Bydden ni wrth ein boddau'n clywed gan unrhyw un sydd â diddordeb mewn gwneud ymchwil gyda'r Prosiect Dyfrgwn yn rhan o'r rhaglen Meistr hon.
Mae Prifysgol Caerdydd hefyd yn cynnig rhaglen Meistr yn y Gwyddorau ym maes Ecoleg a Chadwraeth Fyd-eang (wedi’i haddysgu). Derbynnir myfyrwyr newydd ym mis Medi bob blwyddyn. Bydd myfyrwyr yn cynnal prosiect ymchwil unigol a fydd yn canolbwyntio ar faes penodol o ecoleg a/neu gadwraeth, ac rydyn ni’n croesawu myfyrwyr i ymuno â thîm y Prosiect Dyfrgwn ar gyfer yr ymchwil hon. Fel arfer, mae'r prosiectau’n cael eu cynnal o fis Mai tan fis Medi, wedi i'r pedwar modiwl craidd gael eu cwblhau.
I gael gwybod sut i wneud cais, ewch i’r dudalen yn y Biowyddorau (MRes) neu’r dudalen MSc ym maes Ecoleg a Chadwraeth Fyd-eang.
Blwyddyn ar leoliad gwaith
Mae ceisiadau ar gyfer lleoliadau blwyddyn academaidd 2025/26 i israddedigion bellach ar agor. Mae lleoliadau gwaith yn dechrau rhwng Gorffennaf a Medi fel arfer (mae hyn yn hyblyg a gellir ei drafod). Mae wedi'i gynllunio ar gyfer israddedigion, a hynny ar gyfer eu blwyddyn hyfforddi proffesiynol, sy’n digwydd yn y drydedd flwyddyn. Fodd bynnag, rydyn ni’n derbyn ceisiadau gan unrhyw un. Nid oes angen profiad blaenorol.
Dyddiad cau ar gyfer ceisiadau: 1 Rhagfyr 2024
Hysbyseb Interniaeth 2025-26 Cym PDF
Hysbyseb blwyddyn hyfforddiant proffesiynol ar gyfer Prosiect Dyfrgwn Prifysgol Caerdydd 2025/26.
Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.
Cyfleoedd i gydweithio ar ymchwil
Rydyn ni’n croesawu syniadau gan ymchwilwyr a allai ymweld â ni. Cysylltwch â ni i drafod unrhyw syniadau ar gyfer cydweithio.
