Cymrodyr Cymdeithas Ddysgedig Newydd Cymru i helpu i ddatrys yr heriau y mae'r byd yn eu hwynebu

Mae 15 o academyddion Prifysgol Caerdydd wedi ymuno â rhengoedd elit Cymdeithas Ddysgedig Cymru.

Mae Cymdeithas Ddysgedig Cymru, academi genedlaethol y celfyddydau a'r gwyddorau, wedi ethol 56 o Gymrodyr newydd, y mae pob un ohonyn nhw’n cynrychioli'r gorau o fywyd academaidd, diwylliannol a dinesig Cymru.

Mae sawl aelod o’n staff wedi’u hethol eleni i gydnabod eu harbenigedd a’u profiad ym meysydd ymchwil, ymarfer addysgol ac arweinyddiaeth.

Coleg y Celfyddydau, Dyniaethau a Gwyddorau Cymdeithasol

• Dr Padma Anagol, Yr Ysgol Hanes, Archaeoleg a Chrefydd
• Yr Athro Gordon Foxall, Ysgol Busnes Caerdydd
• Yr Athro Anthony Mandal, Ysgol Saesneg, Cyfathrebu ac Athroniaeth
• Yr Athro Emmajane Milton, Ysgol y Gwyddorau Cymdeithasol
• Yr Athro Ken Peattie, Ysgol Busnes Caerdydd

Coleg y Gwyddorau Biofeddygol a Bywyd

• Dr Shannu Bhatia, Ysgol Deintyddiaeth
• Yr Athro Alan Fraser, Athro Emeritws, Yr Ysgol Meddygaeth
• Yr Athro Wisia Furmaniak, Athro Gwadd er Anrhydedd

Coleg y Gwyddorau Ffisegol a Pheirianneg

• Yr Athro Jing Maggie Chen, Yr Ysgol Mathemateg
• Yr Athro Huw Davies, Ysgol Gwyddorau'r Ddaear a'r Amgylchedd
• Yr Athro Deborah Kays, Ysgol Cemeg
• Yr Athro Yukun Lai, Yr Ysgol Cyfrifiadureg a Gwybodeg
• Yr Athro Caroline Lear, Ysgol Gwyddorau'r Ddaear a'r Amgylchedd
• Yr Athro Angela Mihai, Yr Ysgol Mathemateg
• Yr Athro Oliver Williams, Ysgol Ffiseg a Seryddiaeth

Cymerwch olwg ar y rhestr o’n Cymrodyr newydd, ble maen nhw’n gweithio a'u meysydd arbenigedd

Dyma a ddywedodd yr Athro Caroline Lear, Deon Ymchwil ac Arloesedd Coleg y Gwyddorau Ffisegol a Pheirianneg, ac aelod o Dîm Rheoli Sefydliad Arloesi Sero Net Prifysgol Caerdydd, am ei phenodiad: “Rwy'n falch iawn o gael fy ethol i Gymdeithas Ddysgedig Cymru, ac rwy'n edrych ymlaen at gyfrannu at eu gwaith gan ddefnyddio ymchwil ac arloesedd i fynd i’r afael â’r heriau a wynebir yng Nghymru a ledled y byd."

Meddai’r Athro Hywel Thomas, Llywydd Cymdeithas Ddysgedig Cymru: "Rydym yn wynebu nifer enfawr o heriau, o newid hinsawdd i gythrwfl gwleidyddol, i fygythiadau iechyd sydd yn dod i'r amlwg. Bydd yr ateb i gymaint o'r problemau hyn yn cael ei ddarganfod mewn ymchwil a sefydliadau dinesig cadarn. Mae'r arbenigedd hwnnw'n amlwg yn ein Cymrodyr newydd. Rwy'n falch iawn o'u croesawu i Gymdeithas Ddysgedig Cymru."

Darllenwch y cyhoeddiad yn llawn.