Dau o Gaerdydd yn ennill gwobr arloesedd ym maes diogelwch ar y ffyrdd.

Mae Yusif Al-Gurair a Thomas Orford-Morgan yn fyfyrwyr Prifysgol Caerdydd sydd wedi ennill y safle gyntaf yn y Wobr Datblygwr Arloesol yn noson gwobrau dechrau busnesau newydd eleni, ac wedi ennill £3,500 tuag at eu menter diogelwch ar y ffyrdd, LightWorks.

Mae Yusif yn astudio Astroffiseg, ac mae Thomas yn astudio Ffiseg, ac mae’r ddau yn eu hail flwyddyn. Roedd y gynulleidfa a’r beirniaid wedi rhyfeddu ar eu syniad busnes blaengar, gyda’r nod o wella diogelwch gyrwyr. Enillodd eu cyflwyniad bleidlais y panel yn ogystal â phleidlais y gynulleidfa gan ennill £500 ychwanegol.

Er bod manylion ynghylch LightWorks yn parhau i fod yn gyfrinachol o ganlyniad i weithdrefnau patent parhaol, mae’r tîm wedi pwysleisio bod y fenter yn bosibl o ran defnydd masnachol a diogelwch. Mae'r ddau wedi cael cyngor gan fentoriaid busnes i beidio â rhannu’r syniad tan fod yr eiddo wedi cael ei amddiffyn yn llawn.

Mae Yusif a Thomas yn gweithio'n agos gyda mentoriaid busnes a chynghorwyr cyfreithiol i orffen y patent a gwella eu strategaeth i werthu ar y farchnad. Byddan nhw’n defnyddio’r cyllid ar gyfer datblygu prototeip sy’n gweithio a chynnal profion yn ystod y camau cynnar, a chael adborth gan ddefnyddwyr.

Gyda'r diwydiant diogelwch yn canolbwyntio ar atebion sy’n cael eu hysgogi gan dechnoleg, bydd LightWorks mewn sefyllfa dda i gyflwyno arloesedd newydd ac angenrheidiol.