Wythnos Cynaliadwyedd 2022

Eleni, cynhelir Wythnos Cynaliadwyedd flynyddol y Brifysgol rhwng 21 a 25 Mawrth 2022.

Fel rhan o'r wythnos, bydd staff a myfyrwyr yn gallu dysgu mwy am nod y Brifysgol i fod yn garbon niwtral erbyn 2030, gwirio eu beiciau a chael marc diogelwch arnynt, a chymryd rhan mewn archwiliad coed campws. Dyma’r rhestr lawn o ddigwyddiadau sydd ar y gweill:

• Sesiwn ar ddatganiad argyfwng hinsawdd y Brifysgol, yn cynnwys trafodaeth am Strategaeth Gwrthbwyso Carbon y Brifysgol a'r gwaith modelu carbon a wnaed dros y flwyddyn ddiwethaf;
• Marchnad Ffermwyr ac amrywiaeth o stondinau gan gynnwys Too Good To Go, Ail-lenwi Cymru a Tony's Chocolonely.
• Darlithoedd ar fenter Campws sy’n Addas i Ddraenogod y Brifysgol, a sut i gymryd rhan mewn archwiliad o goed y campws;
• Arddangosfa teithio cynaliadwy a detholiad o stondinau gan gynnwys archwiliad iechyd gyda Dr Bike, tagio beiciau er diogelwch, gwybodaeth am wasanaethau bysiau a thrên lleol a Phrosiect Calon y Campws; ynghyd â gweithdy ar-lein sy'n canolbwyntio ar gynllun teithio diwygiedig y Brifysgol;
• Cyflwyniadau ar wastraff ac ailgylchu ar y campws, gan gynnwys sesiwn ar arferion labordy gwyrddach.

Dywedodd yr Athro Mike Bruford, Deon dros Gynaliadwyedd Amgylcheddol: "Mae Wythnos Cynaliadwyedd yn gyfle i dynnu sylw at ein hymchwil a'n haddysgu ym maes cynaliadwyedd. Mae hefyd yn ein galluogi i ddangos sut rydym yn gweithio gyda'n gilydd ar draws y campws i hyrwyddo agenda datblygu cynaliadwy'r Brifysgol."

Cynhelir digwyddiadau wyneb yn wyneb ac ar-lein ac maent yn agored i staff a myfyrwyr. Rhagor o wybodaeth am yr hyn sydd ar y gweill a sut y gallwch gadw eich lle.