Yr Haf Arloesedd
Haf cyfan o ddathlu gwaith arloesol y Brifysgol.
Rhwng mis Mehefin a mis Medi 2016, bydd yr Haf Arloesedd yn arddangos gwaith arloesol gorau Prifysgol Caerdydd. Bydd yn dwyn ynghyd academyddion, myfyrwyr a'r sectorau cyhoeddus a phreifat i gryfhau partneriaethau parod a chreu canlyniadau go iawn.
Bydd yr Haf Arloesedd yn rhoi sylw i syniadau ar gyfer prosiectau ymchwil, prosiectau cydweithredol, a chysylltiadau newydd, gan feithrin cysylltiadau'r Brifysgol â'r byd y tu allan, o bartneriaid ymchwil i fusnesau newydd.
-
Lansiwyd yr Haf Arloesedd pan agorwyd CUBRIC gan Ei Mawrhydi'r Frenhines ar 7 Mehefin 2016.
-
Fel rhan o Hacio Lleol, daeth newyddiadurwyr, datblygwyr meddalwedd a chynrychiolwyr sector cyhoeddus ynghyd i greu datrysiadau sy'n seiliedig ar ddata ar gyfer heriau ym myd newyddion lleol.
-
Cynhaliodd Canolfan EPSRC ar gyfer Hyfforddiant Doethurol mewn Catalysis eu symposiwm cyntaf. Cafodd myfyrwyr MRes gyfle i arddangos eu gwaith.
-
Dathlwyd ein cydweithrediadau llwyddiannus a'n cysylltiadau â byd busnes yn y Gwobrau Arloesedd ac Effaith blynyddol.
-
Cynhaliodd Caerdydd Creadigol stondin dros dro yng Nghanolfan Mileniwm Cymru. Roedd yn gyfle i bobl sy'n gweithio yn y diwydiannau creadigol ddod ynghyd mewn un man i drafod, cydweithio ac arbrofi.
-
Dyfarnwyd Medal Erasmus 2016 i'r Seryddwr Brenhinol, yr Arglwydd Martin Rees, yng Nghynhadledd Flynyddol Academia Europaea.
-
Seiliwyd y digwyddiad The Sound of Summer ar waith arloesol ynglŷn â gwenyn a phryfed peillio gan yr Ysgol Fferylliaeth. Agorodd yr Ysgol ei drysau i'r gymuned leol.
-
Cynhaliodd prosiect ynni gwynt ar y môr MEDOW ddiwrnod agored i arddangos ein gwaith ymchwil am ynni a'r amgylchedd, sydd ar flaen y gad.
-
Cafodd myfyrwyr presennol a graddedigion diweddar gyfle i gael hyfforddiant gan gynghorwyr busnes ac entrepreneuriaid mewn digwyddiad Hwb i Ddechrau a gynhaliwyd dros bedwar diwrnod.
-
Arloesedd oedd thema Prifysgol Caerdydd yn Eisteddfod Genedlaethol Cymru eleni.
-
Fel rhan o'r rhaglen Melin Drafod dros ddau ddiwrnod, cafodd ôl-raddedigion yr her o geisio meddwl am ffyrdd o ddatrys problemau busnes go iawn.
Digwyddiadau rhwydweithio am ddim i bobl fusnes, academyddion a'r rheini sy'n gweithio ar gyfer sefydliadau cefnogi busnes, megis cynghorau lleol neu Lywodraeth Cymru.