HCT203 - Iechyd y Cyhoedd, Economeg Iechyd a Pholisi

Yn y modiwl hwn byddwch yn archwilio'n feirniadol sut mae llunwyr polisi yn dylanwadu ar arferion ac ymddygiadau gofal iechyd yn y DU ac yn rhyngwladol ym maes iechyd y cyhoedd a gwasanaethau gofal iechyd eraill.

Bydd datblygu ymarfer iechyd cyhoeddus modern a sut y gall hyn weithio tuag at leihau anghydraddoldebau iechyd hefyd yn cael ei ystyried.

Byddwch hefyd yn archwilio rôl gwleidyddiaeth, economeg a chyrff polisi a'u heffaith ar heriau iechyd niferus yr 21ain ganrif. Byddwch yn ystyried natur rheoleiddio proffesiynol a'r rhyngwyneb rhwng proffesiynoldeb, rheolaeth, gweithio rhyngbroffesiynol a rhyngasiantaethol.

Bydd y modiwl hwn yn defnyddio darlithoedd, gwaith grŵp bach a thiwtorialau er mwyn datblygu gwybodaeth ac arfarniad beirniadol o bolisi iechyd ac economeg. Mae dysgu ar y cyd yn thema ganolog a bydd myfyrwyr yn elwa o astudio ochr yn ochr ag eraill mewn amrywiaeth o leoliadau.