Cyfarfod Gwyddonol Blynyddol CITER 2020

Mae'r digwyddiad hwn wedi dod i ben

Trosolwg

Mae'r cyfarfod deuddydd yn gyfle i aelodau CITER yn cynnwys biolegwyr, ffisiotherapyddion, peirianwyr, gwyddonwyr deunyddiau, gwyddonwyr gofal iechyd a chymdeithasol, ffarmacolegwyr, meddygon a chlinigwyr ar draws y rhwydwaith hysbysu cynrychiolwyr am yr ymchwil diweddaraf ym maes ymchwil eang CITER. Bydd y Rhaglen yn cynnwys chwe sesiwn dros y ddau ddiwrnod a dewiswyd pedair thema ymchwil o Goleg y Gwyddorau Biofeddygol a Bywyd lle mae diddordebau CITER yn cyd-fynd â'r thema yn cynnwys Imiwnoleg, Heintiau a Llid, Technoleg Gofal Iechyd Gymwysedig, yr Ymennydd a Niwrowyddorau a Chanser.

Ymhellach ceir pedwar prif siaradwr perthnasol i bob un o'r themâu hyn, siaradwyr gwadd allanol a sgyrsiau gan ddeiliaid ein bwrsariaethau ar sut mae'r cyllid wedi caniatáu cydweithio rhyngddisgyblaethol ei natur ac unrhyw waith yn y dyfodol. Mae'r cyfarfod yn fodd rhagorol i annog cyfranogiad gan Gymdeithion Ymchwil Ôl-ddoethurol a myfyrwyr PhD a chyflwyno eich ymchwil naill ai mewn poster neu gyflwyno sgwrs mewn amgylchedd cefnogol ond beirniadol sy'n helpu datblygiad eich gyrfa. Yn ogystal mae'r cyfarfod yn gyfle rhagorol i fyfyrwyr PhD ac ymchwilwyr yn y cyfnod cynnar Gadeirio sesiynau academaidd. Bydd ardal arddangos posteri i aelodau PhD, MSc ac israddedig ddangos posteri o'ch canfyddiadau ymchwil gyda sesiynau poster penodol yn ogystal ag ardal arddangos noddedig yn cynnig cyfle i gynrychiolwyr ymgysylltu â phobl broffesiynol o ddiwydiant a chanfod y datblygiadau diweddaraf.

Disgwylir y bydd carfan 2019-2020 yr MSc Peirianneg Meinweoedd a Meddygaeth Adfywiol a Myfyrwyr Haf / Goruchwylwyr dethol 2020 CITER yn bresennol.

Rhwydweithio

Mae'r cyfarfod yn hwyluso sesiynau rhwydweithio yn ystod y seibiannau, ciniawau, sesiynau posteri yn ogystal â sesiwn diodydd a chanapés yn dilyn y cyfarfod ddydd Llun 14 Medi rhwng 17:30 a 18:30.

Cofrestru

Nodwch nad oes ffi i aelodau ddod i'r cyfarfod deuddydd sy'n cynnwys lluniaeth a chinio ar y ddau ddiwrnod. Fodd bynnag nodwch y bydd angen i chi gofrestru ar Eventbrite. Y cyfrinair yw CITERASM2020.

Cinio Nos - Neuadd Aberdâr, Prifysgol Caerdydd

Yn dilyn y sesiwn rwydweithio, cynhelir cinio nos yn Neuadd Aberdâr, Prifysgol Caerdydd am 19:30. Os hoffech ymuno ceir ffi o £25. Nodwch hyn ar eich ffurflen gofrestru gydag enw'r deiliad cyllideb sy'n talu eich ffi.

Cyflwyno crynodeb

Gwahoddir Cymdeithion Ymchwil Ôl-ddoethurol a myfyrwyr PhD i gyflwyno crynodeb ar y templed a anfonwyd atoch yn flaenorol ar gyfer sgyrsiau a phosteri. Nodwch y ceir pedwar slot penodol ar gyfer sgyrsiau ym mhob thema a gellid dewis eich crynodeb yn rhan o sesiwn y cyflwyniadau cryno. Nodwch os yw teitl eich crynodeb yn eistedd y tu allan i'r themâu a nodwyd y gallwch ymgeisio o hyd ynghyd ag unrhyw themâu haniaethol o fewn is-ddisgyblaethau CITER https://www.caerdydd.ac.uk/athrofa-peirianneg-a-thrwsio-meinweoedd-caerdydd/research

Mae'n orfodol i Fyfyrwyr Haf Israddedig CITER 2020 a charfan eleni ar gyfer yr MSc Peirianneg Meinweoedd a Meddygaeth Adfywiol gyflwyno poster.

Dyddiad cau i aelodau: 26 Mehefin 2020 erbyn 16:00

Dyddiad cau Myfyrwyr MSc / Ysgol Haf Israddedig CITER: 24 Awst 2020 erbyn 16:00

Gwobrau

Dyfernir gwobrau am y sgwrs orau a'r poster gorau.

Rhaglen.