Cynllun Ffioedd a Mynediad 2023-2025
- Diweddarwyd ddiwethaf:
- Lawrlwytho'r ddogfen hon (Word, 456.9 KB)
1. Lefelau ffioedd
1.1. Lefelau ffioedd neu lefel y ffi a bennir ym mhob lleoliad
(Paragraffau 88-97 yn yr arweiniad)
Lefel y ffi | Lleoliad y cwrs | ||
£9,000 y flwyddyn | Ar y Campws BA, BDS, BEng, BMus, BSc, BScEcon, LLB, MArch, MBBCh, MChem, MEng, MSci, MMath, MPharm, MPhys, MBiomed, MMORS, MNeuro | ||
£1,800 (Blwyddyn ryngosod mewn Diwydiant - 20% o’r ffi amser llawn) | Blwyddyn allan rhyngosod mewn Diwydiant BA, BDS, BEng, BMus, BSc, BScEcon, LLB, MBBCh, MChem, MEng, MSci, MMath, MPharm, MPhys, MBiomed, MMORS, MNeuro | ||
£1,350 (Cyfnewid / Blwyddyn Dramor - 15% o'r ffi amser llawn) | Cyfnewid / Blwyddyn Dramor BA, BDS, BEng, BMus, BSc, BScEcon, LLB, MBBCh, MChem, MEng, MSci, MMath, MPharm, MPhys, MBiomed, MMORS, MNeuro | ||
£4,500 (Blwyddyn ryngosod â gofyniad presenoldeb uwch, 50% o’r ffi amser llawn) | Blwyddyn ryngosod mewn Diwydiant MArch |
1.2. Lefelau ffioedd crynodol
(Paragraffau canllawiau 98-102)
Y ffi crynodol ar gyfer y cwrs llawn yw cyfanswm y ffioedd ar gyfer pob blwyddyn o’r cwrs. Efallai y bydd ffioedd yn 2023/24 a 2024/25 yn cynyddu yn unol â pholisi Llywodraeth Cymru. Os bydd ffioedd cyrsiau’n amrywio oherwydd cyfnod ar leoliad neu’n astudio dramor tra bo myfyriwr wedi’i gofrestru ym Mhrifysgol Caerdydd, bydd y rhain yn eglur pan mae'r myfyriwr yn cyflwyno cais.
Mae gohebiaeth Prifysgol Caerdydd yn targedu darpar ymgeiswyr am le yn y Brifysgol, y myfyrwyr presennol, rhieni, staff mewn ysgolion uwchradd a cholegau gan gynnwys athrawon ac ymgynghorwyr gyrfaoedd, a staff y Brifysgol er mwyn sicrhau bod yr holl randdeiliaid yn cael gwybodaeth gywir, amserol a chyson. Rydym yn sicrhau bod y wybodaeth a ddarperir yn bodloni’r gofynion a nodir yng Nghod Ansawdd y DU ar gyfer Addysg Uwch gan gyfeirio’n benodol at gynllunio a datblygu cyrsiau. Rydym yn ymdrechu i gydymffurfio â llythyr ac ysbryd Deddf Hawliau Defnyddwyr 2015 ac rydym wedi ymrwymo i ymgorffori'r holl gyngor ac arweiniad cyfraith defnyddwyr addysg uwch yn ein prosesau mewnol.
Mae ein gweithdrefnau cwynion ac apeliadau myfyrwyr yn cwrdd â'r gofynion a nodir yng Nghôd Ansawdd Addysg Uwch y DU gan gyfeirio'n benodol at thema pryderon, cwynion ac apeliadau a gofynion Fframwaith Arfer Da yr OIA. Rydym yn ystyried deddfwriaeth defnyddwyr a chanllawiau perthnasol gan yr Awdurdod Cystadleuaeth a Marchnadoedd (CMA), y Swyddfa Myfyrwyr (OfS) a'r Asiantaeth Sicrhau Ansawdd (QAA), a'r cyd-destun cenedlaethol a sector, yn ogystal ag amgylchiadau unigol achos y myfyriwr.
Mae'r dulliau cyfathrebu’n cynnwys:
Gwefan
- Mae tudalennau penodol ar y we yn cynnwys gwybodaeth am ffioedd dysgu, cyfleoedd ariannu gan gynnwys ysgoloriaethau a bwrsariaethau, a chefnogaeth i fyfyrwyr. Mae'r tudalennau'n cynnwys dolenni i wefannau perthynol eraill gan gynnwys Cyllid Myfyrwyr Cymru/Lloegr/yr Alban/Gogledd Iwerddon, yn ogystal â chyfeirio ymgeiswyr at wybodaeth gyswllt ddefnyddiol i brifysgolion.
- Rydym yn parhau i ddatblygu ein Setiau Gwybodaeth Allweddol (KIS), gwybodaeth safonol am gyrsiau israddedig sydd wedi'u dylunio i fod yn gymaradwy ar draws pob sefydliad addysg uwch y DU. Mae hyn wedi sicrhau bod amrywiaeth eang o wybodaeth sy’n ymwneud yn benodol â phob cwrs astudio, a’r sefydliad yn gyffredinol, ar gael i ddarpar fyfyrwyr. Caiff pob KIS ei chyflwyno fel gwefan sy'n rhoi gwybodaeth ynghylch rhaglen astudio ac yn cynnwys manylion ynghylch; trosolwg o'r cwrs, gofynion mynediad, ffioedd dysgu, strwythur y cwrs, cyfleoedd ar gyfer lleoliadau, achrediad, dysgu ac asesu, a strwythur rhaglenni gradd. Mae'n bosibl i ddefnyddwyr ddewis eu blwyddyn mynediad i sicrhau eu bod yn gweld gwybodaeth sy'n berthnasol / fwyaf perthnasol iddynt.
Enghraifft o'n KIS: Pensaernïaeth (BSc/MArch) - Astudio - Prifysgol Caerdydd
Mae cynnwys y tudalennau gwe wedi'i wella'n sylweddol trwy ychwanegu mwy o wybodaeth ategol sy'n gysylltiedig â phwnc yn helpu darpar fyfyrwyr i wneud y penderfyniadau gorau posibl. Enghraifft:
Pensaernïaeth - Astudiaeth - Prifysgol Caerdydd
Yn ogystal, mae'n bosibl i ddarpar fyfyrwyr sgwrsio ar-lein gyda myfyrwyr presennol i ddarganfod mwy am y cwrs y mae ganddynt ddiddordeb ynddo ac mae yna hefyd bot sgwrsio i ddarparu ffynhonnell arall o wybodaeth.
Deunyddiau marchnata/diwrnodau agored/gweithgaredd allgymorth
- Mae'r Brifysgol yn rhoi gwybodaeth am ffioedd a chefnogaeth sydd ar gael i ddarpar fyfyrwyr mewn digwyddiadau ffisegol/rhithwir, fel diwrnodau agored, diwrnodau ymweld, gweminarau, ffeiriau addysg uwch a gweithgaredd ymgysylltu ag ysgolion a cholegau. Mae hefyd ar gael mewn prosbectysau, pamffledi, canllaw cyllid myfyrwyr a chyngor gan staff y Brifysgol. Mae gwybodaeth wedi'i chynnwys mewn cyflwyniadau i athrawon a chynghorwyr gyrfaoedd yn ogystal â’r sgyrsiau ar gyllid myfyrwyr a roddir i ymgeiswyr.
- Rydym hefyd yn defnyddio cyfryngau cymdeithasol gan gynnwys Facebook, Twitter, Instagram, blogiau a YouTube i gyfathrebu â darpar fyfyrwyr a myfyrwyr presennol.
- Mae gwybodaeth berthnasol hefyd yn cael ei chyfleu i'r rhai sy'n cymryd rhan yn ein gwahanol raglenni Ehangu Cyfranogiad.
Ebost
- Bydd y rheiny sy'n gwneud cais i’r Brifysgol yn cael ebost yn cydnabod bod ei gais wedi cyrraedd ac yn darparu dolenni cyswllt i’n gwybodaeth am ffioedd ar-lein.
- Rydym yn gohebu â phob deiliad cynnig ar ffurf cylchlythyr sy'n rhoi manylion darpariaeth ysgoloriaeth a bwrsariaeth.
Mae ein llythyr ffurfiol o gynnig yn manylu ynghylch y ffioedd dysgu sy'n daladwy ar gyfer blwyddyn gyntaf y rhaglen ac yn amlinellu unrhyw gynnydd posibl mewn ffioedd ar gyfer blynyddoedd astudio dilynol. Rydym yn cyfathrebu ynghylch ffioedd drwy gydol y cyfnod astudio.
2. Partneriaeth Myfyrwyr
(Paragraffau canllaw 103-106)
Mae’r Ffordd Ymlaen 2018-23 yn amlinellu ein hymrwymiad i sicrhau profiad myfyriwr addysgol rhagorol o ansawdd gyson uchel, a ysgogir gan greadigrwydd a chwilfrydedd, gydag addysgu a gwasanaethau rhagorol i wella dysgu a chefnogi bywyd myfyriwr. Trwy ein strategaeth Addysg a Myfyrwyr rydym yn gwneud newidiadau mewn chwe phrif faes:
- Creu cymuned ddysgu gynhwysol
- Gwella’r amgylchedd dysgu
- Cynllunio i sicrhau dyfodol llwyddiannus i fyfyrwyr
- Gwerthfawrogi a hyrwyddo rhagoriaeth mewn addysgu
- Cefnogi bywyd myfyrwyr a'r gymuned ddysgu
- Gwerthfawrogi ein myfyrwyr fel partneriaid.
Mae gan ein strategaeth Ehangu Cyfranogiad 2020-25 bedwar prif nod:
- Ymgysylltu â phobl o bob cenhedlaeth a'u hysbrydoli i ystyried addysg uwch yn opsiwn realistig a chyraeddadwy
- Denu a recriwtio myfyrwyr sydd â photensial academaidd, waeth beth fo'u cefndir neu’u profiad personol.
- Galluogi pobl i drosglwyddo'n llwyddiannus i'r Brifysgol a meithrin profiad myfyriwr rhagorol a chefnogol.
- Meithrin ac annog dyfodol hyderus a llwyddiannus i bawb
Mae ein hagwedd tuag at ymgysylltu â myfyrwyr yn adlewyrchu egwyddorion Wise Cymru[1].
Gweithio gydag Undeb y Myfyrwyr
Mae Siarter y Myfyrwyr _yn amlinellu'r hyn y gall myfyrwyr ei ddisgwyl gan y Brifysgol ac Undeb y Myfyrwyr, a'r cyfrifoldebau sydd ar ein myfyrwyr i wneud y mwyaf o'u profiad yn y Brifysgol. Mae'n cynnwys disgwyliadau o agwedd agored, gonestrwydd, amrywiaeth a dathlu’r iaith Gymraeg a diwylliant Cymru. Mae'n cael ei hadolygu bob blwyddyn gan Undeb y Myfyrwyr a'r Brifysgol i wneud yn siŵr ei bod yn berthnasol o hyd. Mae'r Brifysgol yn cefnogi Undeb y Myfyrwyr i gyflawni ei amcanion, gan gynnwys ymgysylltu â phob myfyriwr, cynnig cyfleoedd datblygu/gwirfoddoli, creu cyfleusterau o'r radd flaenaf a chynnig gweithgareddau chwaraeon, cymdeithasau a gwasanaethau cyngor annibynnol. Mae cymryd rhan mewn gweithgareddau cydnabyddedig wedi'i gynnwys yn nhrawsgrifiadau gwell y Brifysgol ar gyfer myfyrwyr.
Mae swyddogion etholedig Undeb y Myfyrwyr yn cymryd rhan fel aelodau llawn o brif bwyllgorau a grwpiau strategol y Brifysgol gan gynnwys:
- Senedd - ein prif awdurdod academaidd, sy’n gyfrifol am flaenoriaethau academaidd.
- Y Cyngor - corff llywodraethu'r Brifysgol. Mae'n gyfrifol am reoli a chynnal materion y Brifysgol yn effeithlon, gan gynnwys cyllid ac ystadau.
- Pwyllgor Llywodraethu - yn cynghori’r Cyngor ynghylch lefel y cydymffurfio gan y Brifysgol â gofynion gorfodol deddfwriaeth a rheoliadau eraill.
- Pwyllgor Polisïau ac Adnoddau - cyfrifol am graffu ar gyllid cyfalaf ar gyfer mentrau a gwerthuso effaith.
- Pwyllgor Addysg a Phrofiad Myfyrwyr - yn gyfrifol am roi arweiniad strategol a chynghori'r Brifysgol ar bob mater sy'n ymwneud ag addysg a phrofiad myfyrwyr ar draws ystod lawn ei darpariaeth ar gyfer myfyrwyr.
- Pwyllgor Safonau Academaidd ac Ansawdd - cyfrifol am oruchwylio cynnydd a chyrhaeddiad myfyrwyr.
- Grŵp Strategaeth Addysg Cyfrwng Cymraeg - cyfrifoldeb dros drosolwg o strategaeth Gymraeg y Brifysgol a datblygu darpariaethau Cymraeg ymhellach.
- Pwyllgor Cydraddoldeb, Amrywiaeth a Chynhwysiant - bydd yn gyfrifol am gynghori'r Cyngor trwy'r Pwyllgor Llywodraethu ar ddatblygu a gweithredu strategaethau ar gyfer sicrhau cydymffurfiad cyfreithiol ac arferion gorau ym mhob mater sy'n ymwneud â chyfle cyfartal ac amrywiaeth.
Mae swyddogion myfyrwyr hefyd yn gwasanaethu ar y byrddau llywio ar gyfer ein holl brosiectau sy'n wynebu myfyrwyr. Mae ganddynt fynediad uniongyrchol a rheolaidd at uwch-swyddogion sy'n gwneud penderfyniadau, gan gynnwys yr Is-ganghellor ac aelodau eraill o Fwrdd Gweithredol y Brifysgol. Yn rhan o'n prosesau sicrhau ansawdd mae myfyrwyr yn aelodau ffurfiol o'r panel sefydlog sy’n ystyried yr holl newidiadau a datblygiadau o bwys i'r rhaglen, ein Pwyllgorau Adolygu a Gwella Blynyddol a'r holl Baneli Adolygiad Cyfnodol. Mae swyddogion Undeb y Myfyrwyr hefyd yn gwasanaethu ar ein paneli Apeliadau Academaidd, Cwynion, Disgyblu ac Addasrwydd i Ymarfer.
Mae'r Brifysgol yn bartner cefnogol yn ‘Wythnos Siarad’ flynyddol Undeb y Myfyrwyr, sy'n un o uchafbwyntiau'r calendr llais y myfyrwyr. Gofynnir i fyfyrwyr 'Pe byddech chi'n rhedeg y Brifysgol, beth fyddech chi'n ei gadw a beth fyddech chi'n ei newid?'; cwestiwn sy'n cynhyrchu ystod eang o adborth adeiladol yn gyson. Gan ddefnyddio'r adborth gan fyfyrwyr a gesglir yn ystod Wythnos Siarad, mae Undeb y Myfyrwyr yn cynhyrchu Barn Myfyrwyrar gyfer Cyngor y Brifysgol. Cytunir ar ymateb sefydliadol gan y Brifysgol i Farn y Myfyrwyr a chynllun gweithredu gan Fwrdd Gweithredol y Brifysgol, a bydd Cyngor y Brifysgol yn eu cael er mwyn craffu arnynt. Mae Grŵp Strategol Cyflwyniad Barn y Myfyrwyr yn monitro ac yn gwerthuso gweithgareddau a chamau gweithredu, ac mae'n cwrdd deirgwaith y flwyddyn o leiaf ac yn cael ei gadeirio ar y cyd gan Lywydd Undeb y Myfyrwyr a'r Rhag Is-Ganghellor dros Brofiad Myfyrwyr a Safonau Academaidd.
Rydym wedi sefydlu model prosiect partneriaeth i ddatblygu gwell dealltwriaeth o safbwyntiau myfyrwyr ynghylch materion penodol ym Marn y Myfyrwyr a llywio datblygiad polisi a newid sefydliadol. Mae pob prosiect yn cynnwys aelodau sy'n staff a myfyrwyr. Mae enghreifftiau o'r pynciau a drafodir yn cynnwys Deall profiad myfyrwyr aeddfed; profiad myfyrwyr sydd wedi'u lleoli ar gampws Parc y Mynydd Bychan; adeiladu cymuned ddysgu; a darparu cyfleoedd i gwrdd â phobl.
Daw cyfarfod olaf Grŵp Llywio Barn y Myfyrwyr am y flwyddyn academaidd i ben gydag arddangosiad o ganfyddiadau ac argymhellion y prosiectau partneriaeth.
Llais y Myfyrwyr
Rydym yn gwerthfawrogi safbwyntiau a barn ein myfyrwyr, ac mae llawer o weithgareddau llais myfyrwyr, gan weithio mewn partneriaeth ag Undeb y Myfyrwyr, yn darparu cyfleoedd trwy gydol y flwyddyn i fyfyrwyr rannu eu barn am yr hyn y mae'r Brifysgol yn ei wneud yn dda a'r hyn y gall ei wneud yn well. Hefyd, mae gennym fecanweithiau i roi gwybod i fyfyrwyr a staff sut mae adborth myfyrwyr wedi dwyn newid ar draws y Brifysgol. Mae gwaith yn mynd rhagddo i ddatblygu mecanweithiau adborth mwy hyblyg a lleol i fyfyrwyr, ac yn benodol i fyfyrio ar lwyddiant mecanwaith llais myfyrwyr newydd Cipolwg Caerdydd, a gyflwynwyd yn ystod 2021 i alluogi adborth a chefnogaeth myfyrwyr yn gyflymach.
Mae system cynrychiolaeth academaidd myfyrwyr yn cael ei rheoli mewn partneriaeth ag Undeb y Myfyrwyr, sy'n caniatáu i fyfyrwyr sy'n gynrychiolwyr chwarae rôl bwysig yn y broses o wneud penderfyniadau ar lefel cwrs, gan dynnu ar adborth gan gorff ehangach y myfyrwyr. Mae cylch hyfforddi blynyddol ar gyfer ein cynrychiolwyr myfyrwyr wedi'i arwain gan Undeb y Myfyrwyr a'i gynnal ar y cyd â Chydlynwyr Cynrychiolwyr Myfyrwyr Ysgolion, a chynhadledd hyfforddi flynyddol. Mae cynrychiolwyr myfyrwyr yn ymgysylltu â charfannau eu rhaglenni ac yn siarad ar eu rhan mewn ystod o fforymau sefydledig mewn Ysgolion a Cholegau. Mae'r rhain yn cynnwys paneli myfyrwyr-staff a chyfarfodydd rheolaidd o gadeiryddion panel myfyrwyr. Mae'r ymglymiad hwn yn sicrhau bod llais y myfyriwr yn cael ei glywed a'i ystyried wrth wneud penderfyniadau.
Anogir myfyrwyr i roi adborth drwy nifer o fecanweithiau, naill ai'n uniongyrchol drwy offer adborth neu drwy eu cymheiriaid, sef cynrychiolwyr myfyrwyr neu'r tîm Hyrwyddwyr Myfyrwyr (gweler isod). Mae’r rhain yn cynnwys y canlynol:
- Mae paneli myfyrwyr-staff yn galluogi bob cynrychiolydd academaidd myfyrwyr i gwrdd â'u staff yn eu hysgol a rhannu eu profiad myfyrwyr yn rheolaidd. Cynrychiolydd myfyrwyr enwebedig sy'n cadeirio'r cyfarfodydd hyn, a chynrychiolydd myfyrwyr sy'n gwneud y cofnodion. Caiff cofnodion y paneli eu rhannu gydag Undeb y Myfyrwyr sy'n creu 'adroddiad effaith' tymhorol, yn amlinellu'r prif anawsterau sy'n wynebu myfyrwyr yn ogystal â meysydd o gryfderau penodol. At hynny, gwahoddir cadeiryddion paneli myfyrwyr–staff i'r Byrddau Astudio er mwyn trafod adborth gan fyfyrwyr.
- Mae Fforymau Colegau yn gyfle i gadeiryddion paneli myfyrwyr–staff Ysgolion sy'n fyfyrwyr ddod ynghyd a chodi materion sydd wedi dod i'r amlwg ar baneli myfyrwyr–staff gyda swyddogion Undeb y Myfyrwyr, Deoniaid y Colegau ac aelodau eraill o staff drwy wahoddiad.
- Mae Hyrwyddwyr Myfyrwyr yn fyfyrwyr presennol y mae'r Brifysgol yn eu cyflogi fel asiantau newid i'n helpu ni i ddatblygu dealltwriaeth ddyfnach o farn myfyrwyr ar faterion penodol, a sicrhau bod myfyrwyr yn ymgysylltu â ni fel partneriaid. Cânt eu cefnogi gan yr Academi Dysgu ac Addysgu. Mae'r myfyrwyr hyn wedi bod yn rhan o amrywiaeth o brosiectau, gan gynnwys dylunio methodoleg profiad defnyddiwr (UX) ar gyfer yr Adolygiad Amgylchedd Dysgu Digidol yn ogystal â darparu mewnbwn gwerthfawr i ddatblygiad yr ap myfyrwyr, gan gynyddu ymgysylltiad â'r Myfyriwr Cenedlaethol Arolygu a hwyluso prosiectau a gweithdai partneriaeth ar gyfer amryw o fentrau sy'n ymwneud â phrofiad myfyrwyr.
- Mae gwerthusiad modiwl, a elwir bellach yn Gwella Modiwlau, wedi'i ailddatblygu a'i adeiladu ar system Glas newydd, gan Explorance. Mae'n rhoi'r cyfle i fyfyrwyr roi adborth ar eu holl fodiwlau trwy gyfrwng teclyn ar-lein hawdd ei ddefnyddio, sy'n gyfeillgar i ffonau symudol. Mae’r data hwn yn cynnig gwell dealltwriaeth o dueddiadau ym modlonrwydd myfyrwyr ar draws y Brifysgol ac yn helpu i amlygu blaenoriaethau o ran camau ymatebol a phriodol ar lefel Ysgol a Phrifysgol. Yn eu tro, mae cynullwyr modiwlau'n hysbysu myfyrwyr am y data gwerthuso modiwlau a'r camau a gymerir o ganlyniad i adborth myfyrwyr.
- Derbynnir ymatebion ac adborth yr Arolwg Myfyrwyr Cenedlaethol (NSS) trwy'r NSS blynyddol o fyfyrwyr blwyddyn olaf israddedig. Caiff canlyniadau'r Arolwg eu harchwilio ar lefelau Ysgol, Coleg a Phrifysgol, a bydd blaenoriaethau o ran camau gweithredu a gwelliant yn cael eu nodi a'u monitro drwy Grŵp Strategol Profiad y Myfyrwyr.
- Fframwaith Rheoli Arolygon - Fframwaith unigol dan berchnogaeth sefydliadol sy'n sicrhau bod llais y myfyriwr yn cael ei glywed a gweithredu arno, gyda chau dolenni adborth ar bob lefel. Mae'r fframwaith yn darparu cylch symlach o ddylunio, dadansoddi, adrodd a chyhoeddi ar gyfer pob arolwg myfyrwyr ynghyd ag eglurder ar lywodraethu, cyfrifoldeb, perchnogaeth data ac ymgysylltu â rhanddeiliaid allweddol. Rydym yn y broses o adolygu ein Fframwaith Rheoli Arolygon i ddod i rym ar gyfer 2022/23. Bydd y newidiadau yn cynnwys monitro pellach yn ystod y flwyddyn; rheoli risg ac ymyrraeth fwy cadarn; a rolau a chyfrifoldebau wedi'u diffinio'n glir.
- Mae Cipolwg Caerdydd newydd ei gyflwyno yn 2021 ac mae'n gwahodd myfyrwyr i roi adborth i'r Brifysgol ynghylch sut maen nhw'n dod ymlaen ar bum pwynt cyffwrdd allweddol yn ystod y flwyddyn, trwy gyfres o chwe chwestiwn byr. Mae Cipolwg Caerdydd wedi'i integreiddio i VLE y Prifysgolion ac wedi'i fframio fel sgwrs â myfyrwyr yn hytrach nag arolwg. Adroddir canlyniadau, ac adborth cau’r ddolen, i fyfyrwyr bob mis trwy dudalen fewnrwyd.
Ochr yn ochr â'r mecanweithiau hyn, mae gwelliannau sylweddol wedi'u gwneud i Lais Myfyrwyr trwy raglen waith Llais y Myfyrwyr a ddechreuodd ym mis Ionawr 2021 ac sy'n ceisio radicaleiddio ymagwedd y Brifysgol at lais myfyrwyr dros y tair blynedd nesaf. Sefydlwyd Grŵp Llywio Llais Myfyrwyr yn Haf 2021, sy’n datblygu fframwaith a map ffordd ar gyfer llais myfyrwyr am y tair blynedd nesaf. Mae’r grŵp hefyd yn goruchwylio prosiectau allweddol sy’n galluogi gwelliannau i lais y myfyriwr a phrofiad y myfyriwr gan gynnwys adolygu ein system gwerthuso modiwlau, ein defnydd o ddata, ein dull o ddefnyddio adborth ar lefel leol, a sicrhau bod gennym strwythurau staffio ar waith i gefnogi sefydliad mwy lleol a hyblyg at lais y myfyriwr. Yn ddiweddar rydym wedi recriwtio deg Swyddog Ymgysylltu Myfyrwyr i gefnogi Llais Myfyrwyr ar lefel ysgol leol.
Mae datblygiad y FAP hefyd yn cael ei ddylanwadu trwy ystyried adborth cyfranogwyr sy'n cael ei gasglu a'i ddadansoddi'n rheolaidd fel rhan o'n rhaglenni profiad myfyrwyr gan gynnwys:
- Camu ‘Mlaen
- Mentora Myfyrwyr
- Hyrwyddwyr Lles
- Mentrau cyflogadwyedd, a
- Cyfleoedd byd-eang.
Mae ein myfyrwyr hefyd yn helpu i ddarparu sawl rhaglen a gweithgaredd a nodir yn y Cynllun. Er enghraifft:
- Interniaethau ar y campws ar gyfer datblygu Dysgu, Addysgu ac Ymchwil yng Nghaerdydd lle mae myfyrwyr israddedig yn cael y cyfle i weithio ar y cyd â staff ar brosiectau i wella dysgu, addysgu ac ymchwil.
- Mae'r Sioe Deithiol Addysg Uwch, a gynhelir ar y cyd â Phrifysgol Metropolitan Caerdydd, yn codi ymwybyddiaeth o addysg uwch ac yn rhoi cymorth wrth gam cynnar am yrfaoedd a dewisiadau pwnc. Mae ein myfyrwyr yn dylunio ac yn cyflwyno cyflwyniadau rhyngweithiol i ddisgyblion ym mlynyddoedd 9-11. Ei nod yw codi ymwybyddiaeth o addysg uwch a'i buddiannau, ac annog disgyblion. Mae’n rhoi cyngor gyrfaoedd sy'n berthnasol i addysg uwch yn gynnar fel bod disgyblion yn gwneud dewisiadau gwybodus am TGAU ac addysg bellach.
Mae'r adborth gan fyfyrwyr a staff ynghylch y cynlluniau hyn yn gadarnhaol dros ben. Mae cydweithwyr academaidd yn nodi effaith bwysig cael myfyrwyr ynghlwm wrth brosiectau, sy'n cynnig elfen gyfredol iddynt, a myfyrwyr yn nodi bod y cynllun yn rhoi'r cyfle iddynt fod yn bartner ar y cyd gydag academyddion ar brosiectau, yn ogystal â chynnig profiad gwerthfawr iawn o gyflogadwyedd.
3. Grwpiau heb gynrychiolaeth ddigonol
(Paragraffau canllaw 107-113)
Dynodwyd gan CCAUC fel rhywun heb gynrychiolaeth ddigonol mewn addysg uwch:
- pobl o bob oed sydd yn nau gwintel isaf Mynegai Lluosog Mynegai Cymru (WIMD40 ac ar wahân WIMD20)
- pobl o bob oed o gymdogaethau cyfranogiad isel (POLAR 4)
- myfyrwyr addysg uwch ran amser
- pobl â nodweddion gwarchodedig
- Myfyrwyr cyfrwng Cymraeg.
Nodwyd gan y rhaglen Reaching Wider:
- o fewn dau gwintel isaf Mynegai Amddifadedd Lluosog Cymru:
- pobl ifanc ôl-16
- oedolion heb gymwysterau lefel 4, i symud ymlaen i ddarpariaeth lefel 4.
- a Chymru gyfan:
- plant sy’n derbyn gofal
- ymadawyr gofal
- gofalwyr ym mhob grŵp oedran
Wedi'i nodi gan Brifysgol Caerdydd fel myfyriwr sydd heb gynrychiolaeth ddigonol, myfyriwr sy’n / sydd ag:
- anabledd (gan gynnwys awtistiaeth)
- ffoaduriaid/ceiswyr lloches
- profiadol milwrol
- wedi ymddieithrio o’r teulu
- rhieni heb eu haddysgu hyd at lefel Addysg Uwch
- enillion blynyddol gros yr aelwyd, yr Adran Gwaith a Phensiynau (<£35k ar hyn o bryd)
- oedran - aeddfed
- cartref du, Asiaidd ac ethnig leiafrifol
4. Amcanion fel y maent yn ymwneud â chefnogi cyfle cyfartal a hyrwyddo AU
(Paragraffau canllawiau 114-148)
4.1. Cydraddoldeb Cyfle
Amcan 1 | Codi dyheadau a chynyddu mynediad at AU ymhlith grwpiau sydd heb gynrychiolaeth ddigonol. | ||
Amcan 2 | Sicrhau bod cyfraddau parhad grwpiau sydd heb gynrychiolaeth ddigonol yn unol â gweddill poblogaeth y myfyrwyr. | ||
Amcan 3 | Cynyddu nifer y myfyrwyr sy'n astudio trwy gyfrwng y Gymraeg trwy wella cymuned, diwylliant a darpariaeth Cymraeg y Brifysgol. | ||
Amcan 4 | Gwella cyflogadwyedd myfyrwyr sydd heb gynrychiolaeth ddigonol. |
4.2. Hyrwyddo addysg uwch
Amcan 1 | Parhau i ganolbwyntio ar ymgysylltu byd-eang, cymunedol a dinesig sy'n effeithiol ac o ansawdd uchel. | ||
Amcan 2 | Darparu amgylchedd dysgu ac addysgu o ansawdd uchel. | ||
Amcan 3 | Canolbwyntio ar wella sy'n gwella profiad y myfyrwyr. | ||
Amcan 4 | Parhau i gynnig cwricwla a chyfleoedd ehangach i ehangu cyflogadwyedd myfyrwyr |
Awdurdodi'r cais am ffi a chynllun mynediad i CCAUC (sy'n ofynnol i'w gyhoeddi)
Wrth awdurdodi ceisiadau ffioedd a chynllun mynediad, mae'r corff llywodraethu:
- yn cadarnhau ei fod yn parhau i fod yn sefydliad sy'n darparu addysg uwch yng Nghymru ac yn elusen.
- wedi gweld ac ystyried tystiolaeth briodol i ategu'r datganiadau sy'n cael eu gwneud yn y cais hwn.
- yn cadarnhau y bu ymgynghori priodol gyda'i fyfyrwyr, y rhai sy'n astudio yn y sefydliad ac mewn darparwyr eraill lle darperir addysg ar ei ran.
- yn cadarnhau bod yr wybodaeth a ddarperir yn y cais hwn am gynllun ffioedd a mynediad yn gywir ac yn gyfredol, ar adeg ysgrifennu, ac yn seiliedig ar ddata gwiriadwy.
- yn cadarnhau: [dilëwch un neu fwy o osodiadau, fel sy'n briodol]
- ei bod hi’n dderbyniol i CCAUC ddefnyddio gwybodaeth/data ariannol, ansawdd a/neu wybodaeth/data arall sydd ganddo am sefydliad sy’n rheoledig ar hyn o bryd, p'un a ddarparwyd yr wybodaeth/y data yn wreiddiol at ddibenion rheoleiddio o dan Ddeddf 2015 neu beidio;
nad yw hi’n dderbyniol i CCAUC ddefnyddio gwybodaeth/data ariannol, ansawdd a/neu wybodaeth/data arall sydd ganddo am sefydliad sy’n rheoledig ar hyn o bryd at ddibenion rheoleiddio o dan Ddeddf 2015 neu beidio; acmae'n yn cyflwyno gwybodaeth/data mwy diweddar, cyfoes, newydd i lywio asesiad CCAUC.
- yn deall bod CCAUC yn cadw’r hawl i ymweld â'r sefydliadau i ddeall yn well gymhwysedd sy’n gysylltiedig â threfnu a rheoli materion ariannol, y data a gyflwynwyd ynghylch y cynlluniau ffioedd a mynediad a/neu ansawdd yr addysg a ddarperir am, neu ar ran y sefydliad.
- ei fod yn deall bod rhaid iddo ddarparu, i CCAUC neu asiant CCAUC, wybodaeth, cymorth a mynediad i’w gyfleusterau a chyfleusterau cyrff eraill sy'n darparu addysg uwch ar ei ran.
- ei fod yn deall y caiff CCAUC gynnal, neu drefnu i asiant gynnal, adolygiad sy'n ymwneud ag ansawdd yr addysg a ddarperir gan, neu ar ran sefydliad yr ymgeisydd, a bod rhaid i’r corff llywodraethu roi ystyriaeth i unrhyw gyngor a roddir iddo gan CCAUC neu gorff a benodir gan CCAUC at y diben hwnnw.
- yn cadarnhau bod pob addysg a ddarperir ganddo, neu ar ei ran, beth bynnag fo lefel neu leoliad y ddarpariaeth, wedi'u cymryd i ystyriaeth yn y cais cynllun ffioedd a mynediad hwn.
- ei fod yn cadarnhau bod y sefydliad yn wynebu risg isel o fethiant ar sail ariannol yn ystod y tymor canolig i'r tymor hir.
- ei fod yn cadarnhau yr archwilir y cyfrifon bob blwyddyn gan archwilydd cofrestredig ac nad yr archwilydd cofrestredig hwnnw yw’r un cwmni/unigolyn a baratôdd y cyfrifon.
- ei fod yn deall bod y sefydliad yn cydymffurfio â chanllawiau’r Awdurdod Cystadleuaeth a Marchnadoedd (CMA) ar gyfer addysg uwch.
- ei fod yn deall bod rhaid anrhydeddu unrhyw ymrwymiadau ariannol i fyfyrwyr a wnaed yng nghynllun ffioedd a mynediad, fel y’i cymeradwywyd gan CCAUC.
- cadarnhau y bydd yn parhau i fuddsoddi yr un gyfran o incwm ffioedd israddedig llawn-amser i hyrwyddo cyfle cyfartal a hyrwyddo addysg uwch ac nid lleihau buddsoddi i hyrwyddo cyfle cyfartal a fwriedir i gefnogi yn unig sydd heb gynrychiolaeth ddigonol mewn addysg uwch.
- yn cadarnhau y bydd yn parhau i fuddsoddi ei gyfraniad sefydliadol i’r Rhaglen Ymgyrraedd yn Ehangach sy’n cyd-fynd â’i Strategaeth a Chynllun Gweithredu Ymgyrraedd yn Ehangach y cytunwyd arnynt.
- yn cadarnhau y bydd yn cynnal lefelau cymorth i fyfyrwyr.
- yn cadarnhau y bydd y sefydliad yn sicrhau y gellir sicrhau bod copi o'r cynllun ffioedd a mynediad yn hygyrch i'w fyfyrwyr mewn unrhyw fformat.
- yn cadarnhau y bydd y sefydliad yn amlwg yn cyfeirio ei fyfyrwyr at brosesau cwynion CCAUC.
- cymryd pob cam rhesymol i gefnogi grwpiau heb gynrychiolaeth ddigonol sy’n astudio ar gyfer cyrsiau ôl-raddedig.
- yn ystyried sut y gall buddsoddiad gefnogi myfyrwyr yr effeithir arnynt fwyaf gan bandemig Covid-19 lle nad ydynt eisoes wedi’u nodi fel grwpiau heb gynrychiolaeth ddigonol.
Cyflwyno Cynllun Ffioedd a Mynediad i CCAUC
Fee and access plans published on the institution’s websites must only include versions approved by HEFCW.
Dyddiad cymeradwyo gan y Corff Llywodraethu: | 27 Ebrill 2022 |
Llofnod awdurdodedig y Corff Llywodraethu: | |
Dyddiad: | 28 Ebrill 2022 |
Cyflwyno ffi derfynol a chynllun mynediad unwaith y bydd CCAUC wedi cadarnhau nad oes ganddo unrhyw faterion pellach (lle bo hynny'n berthnasol)
Dyddiad cymeradwyo gan y Corff Llywodraethu: | |
Llofnod awdurdodedig y Corff Llywodraethu: | |
Dyddiad: |
Enw'r sefydliad | Rhif Cyfeirnod Darparwr y DU (UKPRN) | Cyfeiriad lleoliad | Math o weithgaredd | Lefel astudio | Cyfanswm nifer a ragwelir o fyfyrwyr | Gweithgaredd a ddarperir gan bartner? | A yw'r partner yn elusen? | Math o bartneriaeth | Dyddiad y cytundeb partneriaeth |
---|---|---|---|---|---|---|---|---|---|
Prifysgol Bangor | 10007857 | Bangor, Gwynedd, LL57 2DG | Dysgu ac addysgu | Israddedig | 71 | Do | Do | Cydweithredol – arall | 22/03/19 |
Coleg Bedyddwyr De Cymru | 54 Heol Caerdydd, Caerdydd, CF5 2YJ | Dysgu ac addysgu | Israddedig | 8 | Do | Do | Masnachfraint | 02/03/22 | |
Prifysgol Normal Beijing, Tsieina | 19 Xinjiekou Outer St Haidian, Beijing, China, 100875 | Dysgu ac addysgu | Israddedig | 14 | Do | Naddo | Cydweithredol – arall | 01/09/15 | |
Prifysgol Caerdydd | 10007854 | Prif Safle, Caerdydd CF10 3AT | Dysgu ac addysgu/Ymchwil | Israddedig/Ôl-raddedig | 16780 | Naddo | |||
Prifysgol Caerdydd | 10007854 | Safle UHW Caerdydd, Heath Park Way, Caerdydd CF14 4XW | Dysgu ac addysgu/Ymchwil | Israddedig/Ôl-raddedig | Wedi'i gynnwys yn | Naddo | |||
Prifysgol Caerdydd | 10007854 | Ysbyty Velindre; Heol Velindre, Caerdydd CF14 2TL | Dysgu ac addysgu/Ymchwil | Israddedig/Ôl-raddedig | Wedi'i gynnwys o fewn rhagolygon prif safle | Naddo | |||
Prifysgol Caerdydd | 10007854 | Ysbyty Llandochau; Heol Penlan, Llandochau, Penarth CF64 2XX | Dysgu ac addysgu/Ymchwil | Israddedig/Ôl-raddedig | Wedi'i gynnwys o fewn rhagolygon prif safle | Naddo | |||
Prifysgol Caerdydd | 10007854 | Parc Iechyd Prifysgol Kier Hardie; Heol Aberdare, Merthyr Tudful CF48 1AZ | Dysgu ac addysgu/Ymchwil | Israddedig/Ôl-raddedig | Wedi'i gynnwys o fewn rhagolygon prif safle | Naddo | |||
Prifysgol Caerdydd | 10007854 | Adeilad yr Orsaf Wybodaeth, Queensway, Casnewydd; | Dysgu ac addysgu/Ymchwil | Israddedig/Ôl-raddedig | Wedi'i gynnwys o fewn rhagolygon prif safle | Naddo | |||
Prifysgol Leuven | Oude Markt 13, 3000 Leuven, Gwlad Belg | Ymchwil | Do | Naddo | Cydweithredol – arall | 22/09/14 | |||
Prifysgol Xiamen | 422 Siming S Rd, Ardal Siming, Xiamen, Fujian, Tsieina, 361005 | Ymchwil | Do | Naddo | Cydweithredol – arall | 18/11/16 | |||
Universidade Estadual de Campinas (Unicamp) | Cidade Universitária Zeferino Vaz - Barão Geraldo, Campinas - SP, 13083-970, Brazil | Ymchwil | Do | Naddo | Cydweithredol – arall | 11/12/18 | |||
Prifysgol Bremen | Bibliothekstraße 1, 28359 Bremen, Germany | Ymchwil | Do | Naddo | Cydweithredol – arall | 08/03/19 | |||
Prifysgol Namibia | Windhoek, Namibia | Ymchwil | Do | Naddo | Cydweithredol – arall | ||||
Canolfan Maes Danau Girang | Noddfa Bywyd Gwyllt Kinabatangan Isaf, Sabah, Malaysia | Ymchwil | Do | Naddo | Cydweithredol – arall | ||||
Sefydliad Catalysis Caerdydd | Yr Ysgol Cemeg, Prifysgol Caerdydd, Prif Adeilad, Plas y Parc, Caerdydd CF10 3AT | Ymchwil | Naddo | ||||||
Sefydliad Ymchwil Troseddu a Diogelwch | Ail Lawr, Friary House, Heol y Brodyr Llwydion, Caerdydd, CF10 3AE | Ymchwil | Naddo | ||||||
Sefydliad Ymchwil Arloesedd Data | Adeilad Trevithick, The Parade, Caerdydd, CF24 3AA | Ymchwil | Naddo | ||||||
Sefydliad Ymchwil Systemau Ynni | Adeilad y Frenhines, 5 The Parade, Caerdydd CF24 3AA | Ymchwil | Naddo | ||||||
Sefydliad Ymchwil Bôn-gelloedd Canser Ewropeaidd | Adeilad Hadyn Ellis, Heol Maendy, Caerdydd, CF24 4HQ | Ymchwil | Naddo | ||||||
Sefydliad Ymchwil y Niwrowyddorau ac Iechyd Meddwl | Adeilad Hadyn Ellis, Cathays, Caerdydd, CF24 4HQ | Ymchwil | Naddo | ||||||
Sefydliad Ymchwil Mannau Cynaliadwy | 33 Plas y Parc Caerdydd CF10 3BA | Ymchwil | Naddo | ||||||
Sefydliad Ymchwil Imiwnedd Systemau | Adeilad Tenovus, Caerdydd, CF14 4XN | Ymchwil | Naddo | ||||||
Sefydliad Ymchwil Dŵr | Adeilad Syr Martin Evans, Rhodfa'r Amgueddfa, Caerdydd, CF10 3AX | Ymchwil | Naddo | ||||||
Coleg Gŵyr, Abertawe | 10030408 | Heol Tycoch, Sketty, Abertawe, SA2 9EB | Dysgu ac addysgu | Israddedig | 40 | Do | Cydweithredol – arall | 11/11/21 |