Y Prosiect Mentora ym maes Ffiseg

Chwefror, Mawrth, Ebrill, Hydref, Tachwedd, Rhagfyr
Hyd at 2 awr
Ar gael yn Gymraeg

Myfyrwyr o brifysgolion Aberystwyth, Bangor, Caerdydd, Abertawe a De Cymru yw ein mentoriaid.

Mae pob un ohonynt eisoes wedi cyflawni Ffiseg Safon Uwch (neu gymhwyster cyfwerth rhyngwladol). Mae pob mentor wedi cwblhau dros 20 awr o hyfforddiant o ansawdd uchel sy'n archwilio'r theori fentora, "Dull Addysgu Gwerth Gwyddoniaeth" (The Science Capital Teaching Approach), ei strwythur a’i nodau. Gall mentora ddigwydd wyneb yn wyneb, neu ar-lein.

Er mwyn i'r mentora ddigwydd wyneb yn wyneb, rhaid i'r ysgol fod wedi'i lleoli o fewn 45 munud i brifysgol sy'n cymryd rhan. Gall mentoriaid fentora, hyd at ddau grŵp o 10 - 12 disgybl o flynyddoedd 9 - 11 sy'n ansicr a ydynt am astudio ffiseg ar gyfer Safon Uwch. Cynhelir un sesiwn yr wythnos am chwe wythnos a bydd seremoni wobrwyo a chydnabod ar ddiwedd y cyfnod. Cynhelir y cwrs ddwywaith y flwyddyn - fis Chwefror tan fis Ebrill a mis Hydref tan fis Rhagfyr.

Mae’r mentora’n cynnwys hunanfyfyrio cyson, datblygu sgiliau megis rhesymu gwyddonol, cyflwyno, cyfathrebu, a gweithio mewn tîm, a gweithgareddau i hyrwyddo amrywiaeth o yrfaoedd. Mae’r rhaglen wedi bod yn llwyddiannus o ran cynyddu’r tebygolrwydd y bydd merched yn dewis Ffiseg yn bwnc Lefel A ac yn dilyn gyrfaoedd sy’n ymwneud â phynciau STEM. Gweler ein gwefan am ein hadroddiadau gwerthuso ar gyfer mentora wyneb yn wyneb a rhithwir. Gwahoddir athrawon sy’n cymryd rhan i fanteisio ar gyfleoedd datblygiad proffesiynol parhaus (DPP) er mwyn magu eu hyder o ran addysgu ffiseg, ac addysgu ynghylch gyrfaoedd ym maes ffiseg.