Coleg Cymraeg Cenedlaethol
Mae cangen Caerdydd Coleg Cymraeg Cenedlaethol yn gyfrifol am ddatblygu hyfforddiant a chyfleoedd astudio cyfrwng Cymraeg yn y brifysgol.
Ein nod yw ysbrydoli ac annog myfyrwyr a staff i ddefnyddio eu sgiliau Cymraeg drwy adeiladu system addysg a hyfforddiant dwyieithog sy'n agored i bawb.
Rydym yn cydweithio â Deon y Gymraeg, Yr Academi Gymraeg ac Is-lywydd Undeb y Myfyrwyr dros y Gymraeg, Cymuned a Diwylliant Cymru, i adeiladu gweithlu dwyieithog a meithrin amgylchedd Cymraeg cynhwysol a chadarnhaol i bawb ym Mhrifysgol Caerdydd.
Dewis o hyd at 80 o gyrsiau
Mae gennym hyd at 80 cwrs mewn 12 maes sydd ar gael yn rhannol neu'n gyfan gwbl yn y Gymraeg
Cyfleoedd i chi
Gallwch glywed am yr amrywiaeth o gyfleoedd i astudio neu ymgysylltu â'r Gymraeg, a chael y wybodaeth ddiweddaraf am ddigwyddiadau cymdeithasol y gangen
Datblygu eich sgiliau iaith
Gallwn eich helpu i astudio ar gyfer ein Tystysgrif Sgiliau Iaith Gymraeg i wella eich hyder a'ch sgiliau ieithyddol
Datblygu sgiliau ar gyfer y gweithle
Rydym am i'n graddedigion allu defnyddio'r Gymraeg yn y gweithle a chyfrannu'n ddwyieithog at fywyd economaidd, cymdeithasol, a diwylliannol Cymru
Bod wrth galon y Gymru fodern
Caerdydd yw cartref y Senedd, Llywodraeth Cymru, y BBC, ITV, yn ogystal â nifer o sefydliadau cenedlaethol eraill
Ehangu addysgu ac ymchwil
Rydym am cynyddu gallu ein staff i gryfhau hunaniaeth ac arweinyddiaeth Gymraeg y brifysgol
Ymunwch â chymuned y gangen am gyfleoedd i ddatblygu eich sgiliau a'ch gyrfa. Fel aelod o staff, gallwch ymgeisio am arian fel Grant Bach, Grant Arloesi a'r Gronfa Gydweithredol. Fel myfyriwr, byddwch yn derbyn ysgoloriaethau a hyfforddiant i roi hwb i'ch astudiaethau neu ymchwil.
Cynnig Caerdydd
Rydym yn sefydliad Cymreig sydd â safbwynt byd-eang, ac mae ein hiaith wedi'i blethu i wead ein sefydliad. Rydym wedi ymrwymo i hyrwyddo a dathlu'r Gymraeg yn ein holl weithgareddau er mwyn sicrhau ei bod wedi'i integreiddio i'n hunaniaeth, gweithrediadau, ein cymunedau, a'n bywyd o ddydd i ddydd mewn ffordd sy'n cynnwys ein holl staff a myfyrwyr.
Mae'r fideo canlynol yn cynnwys cerdd a chyfansoddwyd gan Osian Rhys Jones, a enillodd Gadair yr Eisteddfod Genedlaethol yn 2017 am ei gerdd Yr Arwr/Arwres a chaiff ei pherfformio gan Annell Dyfri, sy'n raddedig o Ysgol y Gymraeg y Brifysgol a chyn-lywydd Undeb Myfyrwyr Cymraeg.
