Ymchwil

Ein nod yw cynyddu capasiti ymchwil yng Nghymru, ac adeiladu partneriaethau gydag ymchwilwyr ledled y byd i ddylunio, cynnal a chyhoeddi treialon ac astudiaethau sydd wedi'u dylunio'n dda.

Portffolio ymchwil

Mae ein portffolio ymchwil presennol yn helaeth ac yn ymdrin â newid ymddygiad, canser solet a chanserau gwaed, plant a phobl ifanc, a heintiau. Rydym yn parhau i ddatblygu astudiaethau sydd wedi'u cynllunio'n dda y tu allan i'n hardaloedd craidd, gan gynnwys treialon ar gyfer dyfeisiau meddygol, ac yn sefydlu portffolio o ymchwil ar y person hŷn.

Rydym yn barod i ystyried unrhyw astudiaeth neu syniad am dreial sydd wedi’u cynllunio'n dda, hyd yn oed rhai sydd y tu hwnt i’n meysydd ymchwil presennol. Rydym yn annog ymchwilwyr i gysylltu â ni ynghylch partneriaethau newydd a syniadau prosiect posibl gyda'n gilydd.

Canolfan arbenigedd ymchwil

• Treialon cyffuriau o'r cyfnod cynnar i’r cyfnod diweddar
• Treialon ac ymyriadau cymhleth
• Deall mecanweithiau clefydau posibl a'r ffordd y mae triniaethau’n gweithio
• Astudiaethau o garfannau
• Cynnal hap-dreialon wedi’u rheoli mewn lleoliadau cymunedol a lleoliadau nad ydynt yn rhai iechyd
• Troi ymchwil yn bolisi ac ymarfer