Ysgol Busnes Caerdydd

Effaith ymchwil Ysgol Busnes Caerdydd

Rydym yn canolbwyntio ar wneud y mwyaf o effaith ein hymchwil er budd ystod helaeth o randdeiliaid, ac yn bwysicach na dim, cymdeithas.

Mae ein strategaeth gwerth cyhoeddus yn pwysleisio ein huchelgais i hyrwyddo gwelliant economaidd a chymdeithasol, ac mae llawer o'n gweithgareddau ymchwil yn canolbwyntio ar daclo heriau cymdeithasol mawr

Fel Ysgol eithaf mawr, mae ein themâu ymchwil yn amrywiol ac mae ein portffolio o weithgareddau yn ehangu'n gyflym wrth inni ddatblygu ein perthnasoedd rhyngddisgyblaethol.

Uchafbwyntiau

Cynyddu nifer y cyflogwyr sy’n talu cyflog byw ledled y DU

Mae ymchwil gan academyddion yn Ysgol Busnes Caerdydd wedi arwain at wella amodau gweithio miloedd o bobl.

Gwella gwaith cynghorau lleol trwy gymheiriaid

Llunio dulliau y bydd cymheiriaid yn eu harwain i wella gwaith cynghorau lleol Cymru a Lloegr.

Gwella effaith amgylcheddol digwyddiadau mawr

Datblygodd ein tîm rhyngddisgyblaethol o ymchwilwyr becyn cymorth gwerthuso i wneud digwyddiadau chwaraeon a diwylliannol yn fwy cynaliadwy.

Cydraddoldeb anabledd yn y gwaith

Gwella polisïau ac arferion cydraddoldeb anabledd yn y gwaith yn y DU.

Datblygu cadwyni cyflenwi sy'n gynaliadwy yn ariannol

Mae’n hymchwil ryngddisgyblaethol wedi creu manteision ariannol gwerth miliynau o bunnoedd i sefydliadau yn y deyrnas a thramor.

O Dystiolaeth i Weithredu: Lleihau'r bwlch cyflog rhwng y rhywiau – yn effeithiol ac yn gynaliadwy

Gwnaeth yr ymchwil gydweithredol hon helpu cyflogwyr i ddeall ysgogwyr bylchau cyflog rhwng y rhywiau yn eu sefydliad a chymryd camau hirdymor effeithiol i greu a chynnal gwelliannau.

Pontio'r bwlch atebolrwydd mewn gwasanaethau cyhoeddus

Arweiniodd ein hymchwil at ddatblygu llawlyfr newydd i alluogi gwell atebolrwydd ar draws gwasanaethau cyhoeddus a chefnogi’r broses o ddatblygu deddfwriaeth newydd ar weithio ar y cyd yng Nghymru.

Dylanwadu ar fuddsoddiadau ynni adnewyddadwy yng Nghymru

Defnyddio fframwaith modelu economaidd rhanbarthol i ddylanwadu ar fuddsoddiadau ynni adnewyddadwy.

Gwella’r defnydd o dystiolaeth wrth lunio polisïau

Mae proses arloesol o baratoi gwybodaeth yn ôl y galw wedi cynyddu’r dystiolaeth a ddefnyddir gan Weinidogion a gwasanaethau cyhoeddus yn sylweddol.

Gyrru caffael arloesol

Mae ein hymchwil wedi gwella'r broses o gaffael prosiectau seilwaith yn y DU, arferion sefydliadol sefydliadau peirianneg mawr, a’r gwaith o ddrafftio ffurflenni contract.