Skip to content
Skip to navigation menu

 

Monsters Vs Aliens

Picture for Week3 Film Article Monsters Vs Aliens

Dyma ffilm newydd gan DreamWorks Animation.  Ar ddiwrnod ei phriodas, mae merch o California, Susan Murphy, yn cael ei tharo gan feteor sy’n llawn o lysnafedd y gofod.  Mae hi’n tyfu i fod yn 49 troedfedd 11 modfedd o daldra ac mae nhw’n ei ailenwi’n ‘Ginormica’.  Mae hi’n cael ei dal gan y fyddin a’i charcharu mewn carchar cyfrinachol y llywodraeth.  Mae yna anghenfilod eraill yn y carchar hefyd; Dr Cockroach, PhD, sydd â phen chwilen ddu, The Missing Link, sy’n hanner epa a hanner pysgodyn, B.O.B. sy’n amhosib i’w ddinistrio, a Insectosaurus, sy’n lindys 350 troedfedd o hyd. 

Pan mae robot aliwn yn glanio yn America ac yn dechrau ymosod ar y byd.  Mae’r Arlywydd yn cael ei berswadio i ryddhau’r anghenfilod ac i’w defnyddio i gwffio’r aliwn.

Mae’r ffilm yn cyfuno natur hiraethus B movies, technoleg o’r dyfodol a antur animeiddiedig 3D, sy’n berffaith ar gyfer ei weld gyda’r teulu.  Mae hi’n stori draddodiadol am arwr wedi ei dweud mewn ffordd fodern.

Conrad Vernon, cyfarwyddwr Shrek 2, a Rob Letterman o Shark’s Tale sydd wrth helm y ffilm hon.  Mae lleisiau enwog iawn yn cael eu defnyddio, fel Reese Witherspoon, Will Arnett, Hugh Laurie a Seth Rogen.

Bydd y ffilm yn cael ei rhyddhau ar y 27ain o Fawrth.

1.) Sut mae nhw’n ailenwi Susan Murphy?

2.) Beth yw’r anghenfilod eraill?

3.) Pam fod yr Arlywydd yn eu rhyddhau?

4.) Pa fath o ffilm yw hi?

5.) Pa leisiau fydd yn y ffilm?

  •     Geirfa    

    49 troedfedd 11 modfedd o daldra – 49 feet 11 inches tall

    llywodraeth – government

    anghenfilod – monsters

    chwilen ddu – cockroach

    lindys – grub/catepillar

    aliwn – alien

    Arlywydd – President

    natur hiraethus – nostalgic nature

    antur animeiddiedig 3D – 3D animated adventure

    cyfarwyddwr – director

Related Resources