Neidio at y cynnwys
Neidio at y fwydlen fordwyo

Gradd Sengl

Gradd Sengl yn y Gymraeg

Myfyrwyr yng ngerddi'r Ysgol

Blwyddyn 1

Darperir modiwlau sy'n trafod iaith, llenyddiaeth a diwylliant yn y flwyddyn gyntaf, ac y mae'r rhain yn rhoi sylfaen gadarn ar gyfer gradd yn y Gymraeg. Y mae dau lwybr yn y flwyddyn gyntaf, un ar gyfer myfyrwyr iaith gyntaf, a’r llall ar gyfer ail iaith.

Llwybr Iaith Gyntaf

Gall myfyrwyr astudio hyd at 80 credyd (sef dwy ran o dair o'u modiwlau Blwyddyn 1) yn y Gymraeg. Cynigir y pedwar modiwl a ganlyn (y mae’r tri cyntaf yn orfodol fel rheol):

Yn ogystal ag astudio'r modiwlau uchod gall myfyrwyr ddewis dilyn rhai credydau mewn pwnc neu bynciau eraill. Er enghraifft, y mae'n bosibl astudio pedwar modiwl (80 credyd) yn y Gymraeg ynghyd â 40 credyd mewn pwnc neu bynciau eraill. Cynigir rhychwant eang o bynciau gan gynnwys Addysg, Ieithoedd Modern, Archaeoleg, Cerddoriaeth, Astudiaethau Crefyddol, Athroniaeth, Cymdeithaseg, Gwleidyddiaeth, Hanes, Mathemateg, Daearyddiaeth, a Newyddiaduraeth. Bydd rhai myfyrwyr yn dewis parhau â’r pynciau a astudiwyd ar gyfer Safon A, tra bydd eraill yn dewis mentro i gyfeiriad newydd.

Llwybr Ail Iaith

Yn arferol bydd myfyrwyr sydd wedi astudio’r Gymraeg ar gyfer Safon A (ail iaith) yn dilyn y llwybr hwn. Fodd bynnag, penderfynir ar union lwybr y myfyriwr ar sail gallu ieithyddol, ar lafar ac yn ysgrifenedig.

Mae myfyrwyr yn astudio 80 o gredydau yn y Gymraeg:

Yn ychwanegol at hynny bydd myfyrwyr yn dilyn 40 o gredydau mewn pwnc neu bynciau eraill. Cynigir rhychwant eang o bynciau, er enghraifft Addysg, Ieithoedd Modern, Archaeoleg, Cerddoriaeth, Astudiaethau Crefyddol, Cymdeithaseg, Gwleidyddiaeth, Hanes, Mathemateg, Daearyddiaeth, a Newyddiaduraeth. Bydd rhai myfyrwyr yn dewis parhau â’r pynciau a astudiwyd ar gyfer Safon A, tra bydd eraill yn dewis mentro i gyfeiriad newydd.

Blwyddyn 2 a'r Flwyddyn Olaf

Mae Ysgol y Gymraeg yn ymfalchïo yn yr amrywiaeth o fodiwlau a gynigir i fyfyrwyr yn Blwyddyn 2 a'r Flwyddyn Olaf. Er mwyn sicrhau gafael gadarn ar yr iaith Gymraeg, mae gennym fodiwlau gorfodol yn canolbwyntio ar loywi iaith a mynegiant.

Ceir hefyd gnewyllyn o fodiwlau craidd, eang eu hystod, sydd â'r nod o sicrhau sylfaen gadarn yn natblygiad y Gymraeg a'i llenyddiaeth dros y canrifoedd. Ochr yn ochr â'r rhain, cynigir nifer helaeth o fodiwlau dewisol sy'n rhoi cyfle i fyfyrwyr arbenigo mewn meysydd sy'n gweddu i'w diddordebau. Er enghraifft, wrth ddethol modiwlau dewisol gellir dilyn trywydd llenyddol, un ai'n ganoloesol neu'n ddiweddar, neu drywydd ieithyddol, neu gyfuniad o fodiwlau ar draws y meysydd hynny. Trwy'r cyfan, rhown bwyslais ar fod yn gyfoes ac ar gynnig dewis a fydd yn rhoi cynllun gradd o safon academaidd uchel yn ogystal â bod yn berthnasol i ofynion galwedigaethol.

Modiwlau Craidd (gorfodol)

Modiwlau Craidd Anrhydedd Sengl

(gorfodol i fyfyrwyr Anrhydedd Sengl, dewisol i rai Cydanrhydedd/LLB)

Modiwlau dewisol

Adnoddau Cysylltiedig