Ysgol y Gymraeg

Prif ddiddordebau ymchwil

Mae'r Athro Diarmait Mac Giolla Chríost, a benodwyd yn Ddarlithydd yn yr Ysgol yn 2004 ac yna yn Uwch Ddarlithydd yn 2007, yn aelod o Uned Ymchwil yr Ysgol ar Iaith, Polisi a Chynllunio. Mae yn frodor o Iwerddon ac yn awdurdod ar leiafrifoedd ieithyddol a chynllunio ieithyddol, ac yn arbenigwr ar sefyllfa'r iaith Wyddeleg. Mae ei ddiddordebau ymchwil eraill yn cwmpasu nifer o feysydd, gan gynnwys natur y berthynas rhwng iaith a gwrthdaro, o berspectif cymharol, Ewropeaidd, ac, yn ogystal, iaith yng nghyd-destun y ddinas, a hynny o berspectif cymharol a rhyngwladol. Mae ganddo nifer o gyhoeddiadau ym mesydd y gwyddorau cymdeithasol, daearyddiaeth a chymdeithaseg iaith. Mae'n Gymrawd o'r Gymdeithas Ddaearyddiaeth Frenhinol ac yn Gymrawd o'r Gymdeithas Hanesyddol Frenhinol. Mae'n aelod o'r grwp ymchwil EGIPP (European Governance, Identity and Public Policy), yn ogystal â’r rhwydweithiau ymchwil ‘Cymru-Iwerddon [Wales-Ireland]’ a Naratifau Trosedd [Crime Narratives].

Yr Athro Diarmait Mac Giolla Chríost yw prif ymchwilydd ar brosiect sylweddol ar y Gymraeg fel ail iaith ymhlith oedolion. Mae'r prosiect yn cael ei noddi gan APADGOS ac mae ymchwilwyr eraill o Brifysgol Caerdydd, Prifysgol Rhydychen a Phrifysgol Abertawe yn gweithio ar y prosiect. Am fwy o wybodaeth am y prosiect dilynwch y ddolen yma.

Proffil Dysgu

BA yn y Gymraeg: Blwyddyn 1

• CY1745 Cymru a’i Diwylliant

BA yn y Gymraeg: Blwyddyn 2 a 3/4

• CY2166 Cyflwyniad i Hanes yr Iaith
• CY3595 Cymdeithaseg yr Wyddeleg
• CY3591 Iaith, y Ddinas a Chymdeithas
• CY3593 Iaith, Gwleidyddiaeth a Gwrthdaro
• CY3598 Sosioieithyddiaeth

MA yn y Gymraeg/MA mewn Astudiaethau Gwerin

• CYD030 Sgiliau Ymchwil

Rhaglen i fyfyrwyr preswyl o Brifysgol Colgate

• 'Wales and the Welsh Language' (Cyfrannwr)