Ysgol y Gymraeg

Prif ddiddordebau ymchwil

Ar ôl cyfnod yn Swyddog Ymchwil yn Adran Addysg Prifysgol Aberystwyth ac yn Ddirprwy Warden Neuadd Pantycelyn, bu Dr E. Wyn James yn Gyfarwyddwr Gwasg Efengylaidd Cymru am ddwy flynedd ar bymtheg. Fe’i penodwyd yn Ddarlithydd mewn Llenyddiaeth Gymraeg Ddiweddar yn Ysgol y Gymraeg, Prifysgol Caerdydd yn 1994, lle y mae bellach yn Ddarllenydd ac yn gyd-Gyfarwyddwr Canolfan Uwchefrydiau Cymry America.

Mae cyfraniad Dr James i’r bywyd diwylliannol ac ysgolheigaidd Cymraeg yn un eang. Mae’n Ysgrifennydd Cylch Llyfryddol Caerdydd, yn Olygydd Bwletin Cymdeithas Emynau Cymru, yn Gadeirydd Adran Ethnoleg Cymdeithas Graddedigion Prifysgol Cymru, ac yn gyn-Gadeirydd Cymdeithas Alawon Gwerin Cymru a Chymdeithas Bob Owen. Y mae’n aelod o’r Comisiwn Baledi Rhyngwladol ac ef oedd Trefnydd y 38ain Gynhadledd Faledi Ryngwladol, a gynhaliwyd yng Nghaerdydd yn 2008.

Mae ei ddidordebau ymchwil yn cynnwys:

• yr emyn, y faled a’r gân werin
• hunaniaeth, crefydd a diwylliant poblogaidd yn y cyfnod modern
• y Cymry yn Ne a Gogledd America
• merched a llên yn y cyfnod modern
• llenyddiaeth mudiadau Methodistaidd ac efengylaidd
• rhwydweithiau diwylliannol llenorion Cymraeg y cyfnod modern
• beirniadaeth destunol a hanes argraffu a chyhoeddi
• diwylliant Cymraeg de-ddwyrain Cymru
• llenyddiaeth y mudiad gwrth-gaethwasiaeth a’r mudiad cenhadol

Proffil Dysgu

BA yn y Gymraeg: Blwyddyn Un Iaith Gyntaf

• CY1743 Llenyddiaeth Gymraeg

BA yn y Gymraeg: Blynyddoedd 2 a 3/4

• CY2318 Dadeni a Diwygiad 1550–1900
• CY3488 Cyflwyniad i Lenyddiaeth yr Ugeinfed Ganrif
• CY2349 I Fyd y Faled
• CY3617 Merched a Llên yn y Cyfnod Modern
• CY3835 Williams Pantycelyn a’r Emyn
• CY2468 Llên y Ddinas
• CY2466 Llên Cymru Ddiwydiannol
• CY3465 Hanes y Ddrama
• CY2678 Saunders Lewis
• CY2126 Blas ar Ymchwil

MA yn y Gymraeg

• CYD038 Canu Poblogaidd y Cymry 1660-1860
• CYD043 Cymru ac America