Ysgol y Gymraeg

Tiwtor iaith sy'n dysgu ar y Cynllun Sabothol Cenedlaethol yw Dr Angharad George. Mae Prifysgol Caerdydd yn un o dri lleoliad sydd yn cynnig y cynllun a ariennir gan Lywodraeth Cymru. Mae'n rhoi cyfle i ymarferwyr sy'n dymuno dysgu, darlithio neu hyfforddi drwy gyfrwng y Gymraeg neu'n ddwyieithog dderbyn hyfforddiant dwys ynghyd â methodoleg mewn dysgu cyfrwng Cymraeg a dwyieithog.

Dechreuodd Angharad ar ei chyfnod yn Ysgol y Gymraeg yn 2000 fel myfyrwraig israddedig. Ar ôl graddio, dilynodd gwrs MA yn yr Ysgol yn 2004 cyn cwblhau traethawd PhD ar Ddafydd ap Gwilym a damcaniaethau ôl-drefedigaethol yn 2009. Mae Angharad hefyd yn dysgu ar gyrsiau iaith a llenyddiaeth myfyrwyr israddedig yr Ysgol.