Sut i wneud cais

Close-up of female hands holding pen, completing postgraduate application form

Dilynwch y camau isod fel canllaw i'r broses gwneud cais am gwrs ôl-raddedig.

1. Dewiswch eich cwrs neu faes ymchwil

  • Edrychwch am gwrs a addysgir neu am faes ymchwil ar y Chwiliwr Cyrsiau
  • Gwiriwch a oes dyddiad terfyn ar gyfer gwneud cais
  • Sicrhewch eich bod yn bodloni'r gofynion mynediad
  • Gwiriwch y ffioedd (maent yn amrywio'n dibynnu ar y cwrs) a'r costau byw
  • Os ydych yn gwneud cais am radd ymchwil ôl-raddedig yn unig, yna cysylltwch â'r Ysgol berthnasol i drafod eich cynnig ymchwil

Sylwer bod gan y proseictau ymchwil a gyllidir eu cyfarwyddiadau gwneud cais eu hunain a all fod yn wahanol i'r broses ôl-raddedig arferol.

2. Casglwch ddogfennau ategol

Bydd angen i chi ddarparu:

  • Canlyniadau arholiadau (tystysgrifau neu adysgrifau yn Saesneg er mwyn profi eich bod yn meddu ar y cymwysterau a restrwyd ar eich ffurflen gais
  • Dau ganolwr (fel arfer o leiaf un gan ddarlithydd neu athro diweddar) - llwythwch i lawr a llenwch ein ffurflen adroddiad canolwr 
  • Datganiad personol
  • Cynnig Ymchwil  (ar gyfer myfyrwyr ymchwil nad ydynt yn gwneud cais am brosiectau a restrwyd)
  • Tystysgrifau Iaith Saesneg (ar gyfer ymgeiswyr nad yw'r Saesneg yn iaith gyntaf iddynt) - gweler ein gofynion Iaith Saesneg

Mae'n bosib uwch lwytho dogfennau fel:

  • Word (.doc neu .docx)
  • PDF's 
  • Delweddau JPEG (.jpeg neu .jpg)

1,024KB yw'r maint ffeil uchaf.

Os nad oes gennych yr holl dystiolaeth sydd ei hangen ar hyn o bryd, gallwch wneud cais o hyd a llwytho eich dogfennau ategol i fyny pan fyddant ar gael.

3. Edrychwch ar opsiynau ariannu posibl

Ewch i'n tudalennau nawdd ôl-raddedig i weld beth sydd ar gael. Fel arfer ni allwch wneud cais am arian nes eich bod wedi derbyn cynnig i astudio. Felly mae'n bwysig gwneud cais am eich rhaglen cyn gynted ag y bo modd er mwyn sicrhau amser i chi wneud ceisiadau am nawdd.

Gwnewch gais drwy Sims: Gwasanaethau Cais Ar-lein

Dilynwch hynt eich cais

Ar ôl i chi gyflwyno'ch cais, anfonwn e-bost atoch gydag enw defnyddiwr a chyfrinair fel y gallwch ddilyn eich cynnydd.

Beth os na allaf wneud cais ar-lein?

Mae'n gyflym ac yn hawdd gwneud cais ar-lein, ond gallwch wneud cais drwy'r post os oes angen.

Byddwch yn derbyn e-bost gan y Gofrestrfa Academaidd yn cadarnhau'ch cynnig.

Pryd y byddaf yn derbyn penderfyniad ar fy nghais?

Bydd y rhan fwyaf o ymgeiswyr yn clywed gennym o fewn pedair wythnos, er y gall ceisiadau am raddau ymchwil gymryd yn hirach.

Cynnig diamod

Mae hyn yn golygu ein bod wedi cynnig lle i chi – llongyfarchiadau! 

Nawr yr unig beth y mae'n rhaid i chi ei wneud yw derbyn y cynnig.

Cynnig amodol

Mae hyn yn golygu ein bod wedi cynnig lle i chi, ond roedd rhywbeth ar goll o'ch cais – mwy na thebyg un o'ch dogfennau ategol. Bydd eich llythyr cais yn dweud yn glir pa dystiolaeth y mae angen ei darparu. Pan fydd gennym bopeth, bydd eich cynnig yn newid i Ddiamod.

Beth os nad oeddwn yn llwyddiannus?

Gallwch ofyn am adborth ar eich cais.

Gallwch dderbyn eich cynnig:

Gwnewch gais am nawdd os oes angen i chi wneud hynny

Darganfyddwch sut i ariannu eich gradd ôl-raddedig

Dewch o hyd i rywle i fyw

Gwnewch gais am le yn llety’r Brifysgol neu chwilio am lety i’w rentu yn breifat

Dathlwch!

Dywedwch wrth eich ffrindiau a'ch teulu eich bod yn mynd i Brifysgol Caerdydd.

Dilynwch ni ar Twitter neu hoffwch ein tudalen ar Facebook i gadw mewn cysylltiad ac i gael y wybodaeth ddiweddaraf am bopeth ôl-raddedig yng Nghaerdydd.