Microsgop sganio laser cydffocal gyda gallu cyd-raniad tra-fanwl
Mae’r system Zeiss LSM880 Airyscan Fast yn ficrosgop cydffocal tra-fanwl newydd sbon (cydraniad 140nm ochrol a 400nm echelinol) sy’n sganio’n gyflym (18 ffrâm/eiliad ar 512 x 512 picsel sianel sengl, 5 ffrâm/eiliad ar 512 x 512 picsel sianel driphlyg).
Mae’n cynnwys Zeiss Axio Imager 2 unionsyth ac wedi’i fotoreiddio’n llawn gyda gwrthrychiaduron 10x, 20x, 40x a 63x (gweler isod) sy’n hwyluso microsgopeg epifflworoleuedd, maes llachar a chyferbyniad ymyrraethol wahaniaethol Nomarski.
Mae i’r stand unionsyth system fagwraeth Solent Scientific gyda rheolaeth tymheredd sy’n galluogi delweddu deunydd byw yn ogystal â deunydd biolegol, sefydlog wedi’i lafnu.
Mae gan y system LSM880 8 llinell laser ac ystod o chanfodyddion thra-sensitif gan gynnwys canfodydd Airyscan gyda modiwl Fast sy’n cael ei redeg trwy blatfform meddalwedd Zen 2 LSM.
| Brand/model | Microsgop cydffocal unionsyth Zeiss LSM880 gyda Airyscan |
|---|---|
| Manylion | System gydffocal sganio cyflym diweddaraf, tra-fanwl ar gyfer delweddu sbectrosgopeg cydberthyniad fflworoloeuedd (FCS) a delweddu oes fflworoleuedd (FLIM). |
| Cyfleuster | Hwb Ymchwil Bioddelweddu |
| Ysgol | Ysgol y Biowyddorau |
Mae’r meddalwedd yn cynnwys modiwlau ar gyfer ail-lunio ac animeiddio 3D/4D; sganio sbectrol, dadansoddi a meintoli cyd-leoleiddiad, dad-gymysgu sbectrol, teilio blaengar, sbectrosgopeg cydberthyniad fflworoleuedd (FCS) a llun-gannu (FRAP). Yn ogystal, mae’r system yn cynnig delweddu oes fflworoleuedd (FLIM) trwy fodiwl Picoquant.
Gwrthrychiaduron
- Plan Neofluar 10x/0.3
- Plan Apochromat 20x/0.8 aer
- Plan Neofluar 40x/1.3 olew
- C-Apochromat 40x/1.1 dwr
- Plan-Apochromat 63x/1.4 olew
- C-Apochromat 63x/1.2 dwr
- Cyferbyniad ymyrraethol wahaniaethol ar wrthrychiaduron 20x, 40x, 63x
Mae gan y system LSM880 8 llinell laser ac ystod o ganfodyddion uwch-sensitif gan gynnwys modiwl canfod Airyscan sy’n cael eu rhedeg trwy blatfform meddalwedd Zen 2 LSM.
Laserau
- Deuod 405nm ton ddi-dor
- Deoud 440nm patrwm curiad
- Deuod 483nm patrwm curiad
- Argon aml-linell 458/488/514nm (25mW)
- DPSS 561nm (20mW)
- HeNe 594nm (5mW)
- HeNe 633nm (2mW)
Canfodyddion
- 2 x ffotoluosogydd
- 1 x canfodydd arae GaAsP (32 sianel)
- 2 x ganfodydd BiG ar gyfer cyfrif ffotonau
- Canfodydd Airyscan gyda modiwl Fast
- Canfodydd golau wedi’i drawsyrru
Mae modd i ddefnyddwyr mewnol gadw lle ar gyfer defnyddio’r offer drwy galendr Outlook ‘BIOSI – E/0.03 – Confocal Microscopy/Lightsheet’.
Cliciwch yma i ddysgu sut i gadw lle trwy Outlook.
Bydd eich cais i ddefnyddio’r microsgop yn cael ei adolygu ac yna’i dderbyn/wrthod gan aelod o staff yr Hwb Bioddelweddu.
Cadwch at yr amser sydd wedi’i bennu. Bydd rhaid talu am yr amser sydd wedi’i gadw, o ddefnyddio’r offer neu beidio. Rhaid trefnu i ddefnyddio’r offer am o leiaf 1 awr.
Mae rhaid rhoi rhybudd o 24 awr fan lleiaf os ydych am ganslo. Os dydy’ch chi ddim yn dod i'r sesiwn a drefnwyd, bydd rhaid talu.
I gael manylion am gostau, cysylltwch â’r Hwb - Bioimaginghub@cardiff.ac.uk
Cyn defnyddio’r offer yn yr Uned, mae rhaid i bob defnyddiwr gael hyfforddiant a chael eu cofrestru gan staff yr Hwb Bioddelweddu.
Canllawiau i'r defnyddiwr
Er mwyn cydymffurfio gyda Pholisi Iechyd a Diogelwch Prifysgol Caerdydd, mae’n ofynnol bod unigolion yn derbyn hyfforddiant priodol cyn defnyddio offer delweddu yr Hwb Bioddelweddu a bod yn effro i’r risgiau sy’n ymwneud â’u defnyddio.
Yn ogystal, mae rhaid i ddefnyddwyr y microsgopau cydffocal sganio laser:
- Gael hyfforddiant gan aelod o staff yr Hwb Bioddelweddu (nid yw hyfforddiant anuniongyrchol gan ddefnyddwyr eraill yn ddigonol).
- Darllen yr Asesiad Risg diweddaraf ar gyfer yr Hwb Bioddelweddu a’i ddeall
- Llenwi ffurflen Cofrestru Gweithiwr Laser (Registration of Laser Worker form)
Os oes angen diweddaru eich hyfforddiant, rhowch wybod i aelod o staff wrth ichi gadw lle ar gyfer defnyddio’r offer a bydd modd inni’i gynnal cyn eich sesiwn.
Mae disgwyl i bawb sy’n defnyddio’r Uned Bioddelweddu ddilyn y canllawiau canlynol. Bydd y rheiny nad ydynt yn cydymffurfio yn colli eu hawliau mynediad:
- Dim bwyd na diod yn y cyfleuster.
- Ewch ag unrhyw wastraff gyda chi (gan gynnwys menig labordy) a chewch wared arno’n briodol y tu allan i'r cyfleuster – dydyn ni ddim yn gyfrifol am eich gwastraff.
- Mae perygl ichi faglu o adael cotiau a bagiau ar lawr yr ystafelloedd delweddu tywyll. Defnyddiwch fachau ar y drysau mewnol, neu gwell fyth, peidiwch â dod a nhw i'r cyfleuster.
- Peidiwch â defnyddio offer dydych chi ddim wedi’ch hyfforddi i'w defnyddio. Rhaid i bob defnyddiwr ddarllen yr asesiad risg priodol ar gyfer y gwaith priodol a’i ddeall.
- Mae rhaid gwneud yn siŵr bod pob dyfais storio data USB yn glir o unrhyw feirws cyn eu defnyddio yn unrhyw un o’n systemau.
- Ar ddiwedd eich sesiwn, sicrhewch fod y systemau’n cael eu diffodd yn gywir a’ch bod yn cofnodi eich oriau defnydd yn gywir yn y gronfa ddata.
Cysylltwch
Dr Anthony J Hayes
- hayesaj@cardiff.ac.uk
- +44 (0)29 2087 6611
Lleoliad
Sir Martin Evans Building
Rhodfa'r Amgueddfa
CF10 3AX