Dysgwch iaith newydd dros yr haf

Yr haf hwn rydym yn cynnig cyrsiau iaith dwys mewn Tsieinëeg, Ffrangeg, Eidaleg, Sbaeneg a Wcreineg. Mae ystod o lefelau ar gael o ddechreuwyr i rai mwy datblygedig.

Bydd y cyrsiau'n cael eu cynnal dros gyfnodau o wythnos neu bythefnos yn ystod mis Mehefin a mis Gorffennaf a byddan nhw’n ddwys ac yn brofiad braf! Bydd ein cyrsiau sgwrsio iaith yn cael eu haddysgu'n bersonol. Bydd y cwrs Wcreineg yn cael ei gyflwyno ar-lein. Gan diwtoriaid arbenigol sy'n siarad yn frodorol. Disgwyliwch ddysgu iaith yn gyflym mewn dosbarth rhyngweithiol a chalonogol.

I ddathlu, rydym yn lansio cystadleuaeth lle gallwch ennill cwrs yn rhad ac am ddim. I gystadlu mae angen i chi gwblhau arolwg byr iawn.

Cyrsiau sydd ar gael

Eidaleg: Sgwrsio i Ddechreuwyr Llwyr

Mae’r cwrs hwn ar gyfer myfyrwyr nad ydynt yn medru gair o Eidaleg.

Ffrangeg i Ddechreuwyr Llwyr

Mae’r cwrs hwn yn addas i chi os nad ydych yn medru gair o Ffrangeg (neu ychydig bach yn unig).

Ffrangeg: Gwella eich Sgiliau Sgwrsio

Mae’r cwrs hwn yn addas i chi os gallwch ddeall a defnyddio ymadroddion cyfarwydd a hynod sylfaenol i ddiwallu anghenion pendant.

Ffrangeg: Sgwrsio Canolradd

Mae’r cwrs hwn yn addas i chi os ydych wedi gwneud 3 blynedd o astudiaethau rhan-amser (neu 4 blynedd, ond yn teimlo bod eich sgiliau siarad yn wan o hyd) ac rydych yn gallu cyfathrebu wrth wneud tasgau arferol lle mae angen cyfnewid gwybodaeth uniongyrchol ar faterion cyfarwydd a chyffredin.

Ffrangeg: Sgwrsio Uwch

Mae’r cwrs hwn yn addas i chi os ydych wedi treulio sawl blwyddyn o astudiaethau rhan-amser a/neu os oes gennych eisoes lefel dda o Ffrangeg a hoffech ymarfer eich sgiliau sgwrsio ymhellach.

Gwella eich Eidaleg

Mae'r cwrs dwys hwn ar eich cyfer chi os ydych chi wedi mynychu blwyddyn o astudio rhan-amser neu os oes gennych wybodaeth sylfaenol iawn o'r Eidaleg.

Introduction to Chinese

Mae'r cwrs hwn wedi'i gynllunio ar gyfer y rhai sydd eisiau dysgu Tsieinëeg ar y lefel ddechreuol.

Sbaeneg i Ddechreuwyr Llwyr

Mae’r cwrs hwn ar gyfer myfyrwyr nad ydynt yn medru gair o Sbaeneg.

Sbaeneg i Ddechreuwyr Uwch

Mae’r cwrs dwys hwn yn addas i chi os ydych wedi gwneud blwyddyn o astudiaethau rhan-amser neu os gwnaethoch astudio lefel ‘O’ (TGAU) rhydlyd yn yr Almaeneg.

Sbaeneg Sgyrsiol Ganolradd

Mae’r cwrs dwys hwn yn addas i chi os ydych wedi gwneud 3 blynedd o astudiaethau rhan-amser ac rydych yn gallu cyfathrebu wrth wneud tasgau arferol lle mae angen cyfnewid gwybodaeth uniongyrchol ar faterion cyfarwydd a chyffredin.

Sbaeneg Sgyrsiol Uwchraddol

Mae’r cwrs hwn yn addas i chi os ydych wedi treulio sawl blwyddyn (6+) o astudiaethau rhan-amser a/neu os oes gennych eisoes gwybodaeth dda o Sbaeneg a hoffech ymarfer eich sgiliau sgwrsio ymhellach.

Wcreineg: Iaith a Diwylliant

Bydd y cwrs hwn yn rhoi cyflwyniad i iaith Wcreineg i chi a bydd yn eich galluogi i gynnal sgwrs sylfaenol iawn. Bydd hefyd yn rhoi cipolwg i chi ar ddiwylliant Wcreinaidd.

Cyrsiau Cymraeg i oedolion

Rydym yn cynnig sesiynau rhagflas yn ogystal â chyrsiau i ddechreuwyr hyd at gyrsiau i siaradwyr Cymraeg rhugl a fyddai’n hoffi gwella eu Cymraeg.