Twitter yn helpu i ragfynegi senedd grog

Mae ymchwilwyr o Gaerdydd a Manceinion wedi defnyddio Twitter i ragfynegi canlyniad yr etholiad.

Mae grŵp o ymchwilwyr o Brifysgolion Caerdydd a Manceinion wedi defnyddio Twitter i ragfynegi senedd grog ar 7 Mai.

Mae Burnap, Sloan, a Williams o Gaerdydd, ynghyd â Gibson a Southern o Brifysgol Manceinion, yn un o ddeuddeg grŵp o academyddion blaenllaw sy'n arddangos eu canfyddiadau heddiw yng nghynhadledd bwysig LES (gweler y tabl isod).

Y grŵp Caerdydd / Manceinion yw'r unig un sydd wedi defnyddio Twitter i ragfynegi canlyniad yr etholiad. Mae pob un o'r 12 grŵp yn cytuno na fydd unrhyw blaid unigol yn ennill y 326 sedd sy'n ofynnol ar gyfer mwyafrif cyffredinol.

Mae tîm Caerdydd / Manceinion yn rhagweld y bydd y Ceidwadwyr yn ennill 286 o bleidleisiau, Llafur 306, y Democratiaid Rhyddfrydol 21 ac UKIP 5; bydd yr SNP yn cael 9, Plaid Cymru 3, a'r Blaid Werdd yn cael 1.

Dywedodd Dr Pete Burnap, sy'n arwain platfform arsylwi'r we COSMOS ym Mhrifysgol Caerdydd:

"Dyma un o'r mentrau cyntaf gan gymuned academaidd wleidyddol y DU i ddefnyddio Twitter i ragfynegi canlyniad Etholiad.

"Mae rhagfynegiadau wedi cael eu cyhoeddi, ac iddynt lefelau cywirdeb amrywiol, mewn mannau eraill yn y byd, ond maent wedi cael eu beirniadu rhywfaint oherwydd materion methodolegol.

"Ar hyn o bryd, rydym yn llunio rhagolygon amrediad pell, a byddwn yn astudio a yw cywirdeb yn gwella/lleihau yn y cyfnod cyn yr etholiad ac ar ôl i'r canlyniad ddod i'r amlwg."