Gwyddorau’r Ddaear a’r Amgylchedd

Dyma wybodaeth am ymrestru ac ymsefydlu gan Ysgol Gwyddorau'r Ddaear a'r Amgylchedd.

Llongyfarchiadau ar gael cynnig lle ym Mhrifysgol Caerdydd. Rydym yn edrych ymlaen at eich croesawu!

Yn Ysgol Gwyddorau’r Ddaear a’r Amgylchedd (EARTH), rydym yn edrych ymlaen at eich croesawu i'r campws ar ddechrau’r flwyddyn academaidd. Rydych wedi gwneud mor dda i gyrraedd y pwynt hwn, ac rydym yn edrych ymlaen at ddod i'ch adnabod a gweithio ochr yn ochr â chi yn ystod eich amser yma.

I’ch helpu i gynefino â bywyd yn y brifysgol, rydym wedi cynllunio gweithgareddau ymsefydlu er mwyn rhoi’r cyfle i chi ddod i adnabod aelodau o’r staff a myfyrwyr eraill yn yr Ysgol. Bydd modd casglu eich cit ddydd Gwener, 30 Medi, a bydd cyfres o ddigwyddiadau ymsefydlu’n cael eu cynnal yn ystod yr wythnos sy’n dechrau ddydd Llun, 3 Hydref.

Gweithgareddau ymsefydlu’r Ysgol

Mae'r holl weithgareddau ymsefydlu’n cael eu cynnal wyneb-yn-wyneb, oni nodir yn wahanol. Mae'n bwysig eich bod yn gwneud popeth gofynnol sydd wedi'i drefnu yn ystod yr wythnos ymsefydlu. Os bydd unrhyw newid i’r gweithgareddau, byddwn yn rhoi gwybod i chi drwy eich cyfeiriad ebost ym Mhrifysgol Caerdydd. Darllenwch eich ebyst bob dydd.

Gobeithio y gwnewch fwynhau Wythnos y Glas a phopeth sydd gan Undeb y Myfyrwyr i'w gynnig. Ni allwn aros i chi ymuno â ni!