Dogfennau profi pwy ydych chi

Diweddarwyd: 12/07/2023 10:45

Er mwyn cael eich cerdyn myfyriwr Prifysgol Caerdydd, bydd angen i chi brofi pwy ydych chi.

Myfyrwyr rhyngwladol (y tu allan i'r UE/AEE)

Rhaid i chi ddod â'r canlynol gyda chi i gasglu eich cerdyn adnabod myfyriwr;

• Pasbort gwreiddiol
• Vignette clirio mynediad â stamp mewn pasbort (lle bo'n berthnasol)
• Trwydded Breswyl Fiometrig (BRP) - efallai y bydd rhai myfyrwyr yn casglu hon gan Brifysgol Caerdydd
• Tystysgrif ATAS, os yw’n berthnasol (cewch fanylion am hyn yn eich llythyr cynnig)

Myfyrwyr rhyngwladol (yn yr UE/AEE)

Rhaid i chi ddod â'r canlynol gyda chi i gasglu eich cerdyn adnabod myfyriwr;

• Pasbort gwreiddiol
• Cod rhannu – a gafwyd gan GOV.UK
• Prawf o pryd y daethoch i mewn i'r DU (tocyn byrddio, e-docyn, manylion hedfan)
• Os nad yw’r dogfennau hyn gennych, ni fyddwch yn cael cerdyn adnabod myfyriwr, a dylech gysylltu â Chymorth Fisa Myfyrwyr (SVS) am gyngor.

Os nad oes gennych unrhyw un o'r rhain, ni chewch gerdyn adnabod myfyriwr. Cysylltwch â’r Ganolfan Cefnogi Myfyrwyr cyn gynted â phosibl am gyngor.

Myfyrwyr sy'n wladolion cartref a'r UE (gyda statws sefydlog neu ragsefydlog EUSS)

Os nad ydych wedi uwchlwytho'ch dogfennau RTS ar-lein fel rhan o'r broses gofrestru, yna bydd angen i chi ddod ag un o'r canlynol gyda chi;

• Pasbort gwreiddiol y DU (neu basbort UE ar gyfer EUSS)
• Tystysgrif geni wreiddiol y DU
• Tystysgrif brodori wreiddiol y DU
• Tystysgrif hawl preswylio wreiddiol y DU

Ar gyfer myfyrwyr cartref o'r DU, os nad oes gennych un o'r uchod, efallai y bydd yn bosib cael cerdyn adnabod myfyriwr dros dro dim ond os gallwch ddarparu dau o'r canlynol (rhaid i un ohonynt gynnwys eich cyfeiriad, wedi’i gadarnhau yn ystod y broses cofrestru, fel sydd ar gofnod myfyriwr y brifysgol):

• trwydded yrru ffotograffig y DU
• dogfennau morgais neu gytundeb tenantiaeth
• cerdyn debyd (mewn lleoliad casglu cerdyn adnabod myfyriwr yn unig)
• cerdyn credyd neu gerdyn tâl cyfredol (mewn lleoliad casglu cerdyn adnabod myfyriwr yn unig)
• llyfr banc neu gymdeithas adeiladu (mewn lleoliad casglu cerdyn adnabod myfyriwr yn unig)
• llyfr siec (mewn lleoliad casglu cerdyn adnabod myfyriwr yn unig)
• trwydded yrru lawn (heb luniau)
• bil cyfleustodau
• tystysgrif priodas
• Dogfennau’r Swyddfa Gartref
• Dogfennau Cyllid y Wlad
• trwydded waith
• Cerdyn Yswiriant Gwladol
• gohebiaeth gan y Cwmni Benthyciadau i Fyfyrwyr neu'r awdurdod lleol.

Os ydych wedi cael cerdyn myfyriwr dros dro, bydd dal yn ofynnol i chi ddarparu eich Pasbort neu Dystysgrif Geni o fewn wyth wythnos i gasglu eich cerdyn myfyriwr.