Israddedigion
Gwleidyddiaeth a Chysylltiadau Rhyngwladol yw sylfaen deall bron pob agwedd ar y byd cyfnewidiol yr ydym yn byw ynddo. Cewch ddealltwriaeth drylwyr o'r maes hwn ar raglen israddedig a addysgir gan arbenigwyr a gydnabyddir yn rhyngwladol.
Astudio Gwleidyddiaeth ym Mhrifysgol Caerdydd - dyma Cerith
Astudio Cysylltiadau Rhyngwladol ym Mhrifysgol Caerdydd
Wedi'u seilio ar ymchwil o safon rhyngwladol, mae ein cyrsiau gwleidyddiaeth israddedig yn heriol ac yn ysbrydoledig.
Fe wnaeth Aristotle alw gwleidyddiaeth yn "Feistr Gwyddoniaeth" ac am reswm da. Mae gwleidyddiaeth yn bwnc diddorol tu hwnt sydd â dylanwad sylweddol ar ein bywydau bob dydd. Mae maes gwleidyddiaeth yn caniatáu i fyfyrwyr ymchwilio i’r modd y mae seneddau a llywodraethau’n gweithredu a gwerthuso syniadau gwleidyddol fel pŵer, rhyddid, democratiaeth, gwrthdaro, cyfreithlondeb neu atebolrwydd.
Mae ein rhaglenni gwleidyddiaeth yn gyfle i chi fagu dealltwriaeth fanwl o’r maes yn ogystal â dilyn eich diddordebau drwy ddewis o blith amrywiaeth o fodiwlau. Rydym hefyd yn cynnig amrywiaeth o gyrsiau gradd cydanrhydedd sy'n galluogi myfyrwyr i gyfuno eu diddordeb mewn gwleidyddiaeth gyda meysydd eraill fel y dyniaethau neu ieithoedd ac astudio mewn amgylchedd rhyngddisgyblaethol.
Rhaglenni gradd
Cyd-raglen gradd Caerdydd-Bordeaux
Mae'r rhaglen arloesol hon yn fenter ar y cyd gan Brifysgol Caerdydd ac un o sefydliadau amlycaf Astudiaethau Gwleidyddol yn Ffrainc. Mae’n gwrs unigryw ac yn gyfle i chi astudio yn y DU a Ffrainc a chael dwy radd nodedig ar ôl cwblhau. Mae myfyrwyr yn treulio blynyddoedd un a thri yng Nghaerdydd a blynyddoedd dau a phedwar yn Bordeaux.
Mae gan Brifysgol Caerdydd fri mawr fel canolfan ar gyfer astudio Gwleidyddiaeth Ffrengig ac mae'r cydanrhydedd Caerdydd-Bordeaux yn adeiladu ar ein modiwlau sefydledig mewn gwleidyddiaeth, drwy ategu'r wybodaeth a gafwyd gydag addysgu ac ymchwil o safon fyd-eang yn yr Institut d’Etudes Politiques, Sciences Po.
Darllenwch ragor o wybodaeth am Gyd-raglen gradd Caerdydd-Bordeaux, neu edrychwch ar ganllawiau ymgeiswyr Bordeaux.
Mae rhwydwaith FIFRU yn dod â myfyrwyr cyfredol a chyn-fyfyrwyr Gradd Ddwbl/Diploma Caerdydd-Bordeaux at ei gilydd.
Mae mwy o wybodaeth am ein cyrsiau israddedig, yn ogystal â beth allwch wneud wedi hynny, ar gael ar ein chwiliwr cyrsiau.