Cyrsiau

Rydym yn cynnig ystod lawn o fodiwlau yn rhoi hyblygrwydd i fyfyrwyr i lunio eu hastudiaethau ar gyfer gradd sylweddol.

Ymchwil

Mae ein hymchwilwyr yn ymchwilio i ac yn rhannu eu hangerdd am gymdeithasau a chredoau crefyddol y gorffennol, o’r cyfnod cynhanes hyd heddiw.

Group in discussion

Amdanom ni

Rydym yn ganolfan ragoriaeth arloesol sydd ag enw rhyngwladol am ein hymchwil ac am ein dysgu. Rydym yn ymroi i astudio’r gorffennol a chredoau o’r cyfnod cynhanes i'n cymdeithasau cyfoes.

Setting sun

Effaith

Diogelu gwaith haearn treftadaeth rhag effeithiau andwyol rhwd a gwella gofal bugeiliol ar gyfer cymunedau crefyddol.

Visitors looking at finds

Ymgysylltu

Mae ein cynlluniau ymgysylltu ac arloesi sydd wedi ennill gwobrau wedi’u gwreiddio’n ddwfn yn y gymuned leol, ranbarthol a chenedlaethol.


Newyddion

Aramaic incantation bowl from Nippur (modern day Iraq)

Dehongli Demoniaid

6 Ebrill 2017

Cyhoeddi Ymchwil i Ddehongliadau Iddewig a Christnogol cynnar Cyhoeddir ymchwil i ddehongliadau Iddewig a Christnogol cynnar wrth i ysgolhaig o’r Brifysgol gael grant gan Gyngor Ymchwil y Celfyddydau a’r Dyniaethau Bydd academydd arloesol ym maes Astudiaethau Crefyddol yn cynnal prosiect ymchwil newydd yn y DU ar ‘esboniadau demonaidd’, dull o ddehongli testunau cynnar sy’n cyfeirio at ddemoniaid. Bydd prosiect Esbonio Demonaidd yn canolbwyntio ar rôl dehongli’r Beibl wrth lunio demonoleg Iddewig a Christnogol a’r rhyngweithio rhwng y ddwy gymuned ffydd. Datblygwyd cyfres eang o gredoau am ddemoniaid yn y ffydd Iddewig erbyn 500OC ac ystyriwyd bod y rhain yn rhan graidd o’r Ysgrythurau Iddewig. Er hyn, nid oes llawer o sôn am ddemoniaid yn y Beibl Iddewig ei hun. Felly, sut, a pham, mae pobl yn credu bod y testunau hyn yn sôn am ddemoniaid? Wrth ddod â’r astudiaeth o ddemonoleg, dehongli’r Beibl, a rhyngweithio Iddewig-Cristnogol yn y cyfnod Rabineg (70OC-c.500OC) ynghyd, bydd y prosiect tair blynedd hwn yn archwilio i’r ffenomenon diddorol hwn. Arweinir y prosiect ymchwil gwerth £200,000 gan Dr Hector Patmore, darlithydd mewn Hebraig ac Iddewiaeth, a bydd yn gofyn: • Pa destunau Beiblaidd oedd yr Iddewon yn cysylltu â demoniaid? • Pryd cysylltwyd y testunau â demoniaid am y tro cyntaf? • Sut mae’r traddodiadau hyn yn perthyn i gredoau Cristnogol am ddemoniaid? “Mae’r diddordeb mewn demonoleg Iddewig wedi cynyddu dros y degawdau diwethaf - yn enwedig ers cyhoeddi Sgroliau’r Môr Marw - ond nid yw’r berthynas rhwng hyn a dehongli’r Beibl wedi cael digon o sylw,” ychwanegodd Dr Patmore. Bydd prosiect Esbonio Demonaidd yn dechrau ym mis Gorffennaf 2017 ac yn para tair blynedd tan 2020 gyda chymorth nawdd Cyngor Ymchwil y Celfyddydau a’r Dyniaethau. Mae Dr Patmore ar secondiad ar hyn o bryd fel Cyfarwyddwr Astudiaethau yng Ngholeg St George, Jerwsalem. Mae’n ymchwilio i gyfieithu a dehongli’r Beibl Hebraeg yn y cynfyd yn ogystal â syniadau am ddrygioni a demonoleg yn y cynfyd.