Palaeobioleg
Rydym yn astudio strwythur, morffoleg, twf a systemateg organebau a'r modd y maent yn rhyngweithio â'i gilydd, gyda'r lithosffer, y moroedd a'r atmosffer.
Astudiaeth o hanes ac esblygiad bywyd yw palaeobioleg.
Rydym ni'n astudio strwythur, morffoleg, twf a systemateg organebau (tacsonomeg) a'r modd y maent yn rhyngweithio â'i gilydd (ecoleg), gyda'r lithosffer, y moroedd a'r atmosffer (geocemeg).
Rydym ni'n gweithio o raddfa microbau i goed. Rydym ni'n dehongli cofnodion ffosil drwy lens cadwraeth (taffonomeg).
Mae ein hymchwilwyr wedi gwneud cyfraniadau penodol at ddeall:
- cytrefu cynnar y Ddaear gan blanhigion a choed
- rôl prosesau cadwraethol wrth ddehongli cofnodion ffosil
- hanes bywyd a chemeg yn y cefnforoedd cynnar
- esblygiad micro-organebau morol.
Ymchwil
Palaeobotaneg ac ecosystemau daearol cynnar
Mae'r Grŵp Palaeobotaneg yn astudio’r cyfnodau cynnar yng nghytrefiad bywyd planhigiol ar dir. Rydym yn disgrifio pa mor amrywiol oedd planhigion tir yn ystod y cyfnodau Silwraidd a Defonaidd. Rydym hefyd yn astudio eu dylanwad ar yr amgylchedd, o’r planhigion tir lleiaf i’r coed a’r coedwigoedd cyntaf.
Mae cydnabyddiaeth fyd-eang yn cael ei gwella drwy gydweithredu’n fyd-eang, gan gynnwys yn Tsieina a Gogledd a De America, a thrwy wneud gwaith maes yn yr ardaloedd hyn a'r Arctig.
Rydym yn cydweithio â genetegwyr a biolegwyr datblygiadol i nodi ffylogenedd amser dwfn planhigion tir er mwyn deall esblygiad llinachau daearol sy’n bodoli. Rydym hefyd yn cydweithio â phalaeontolegwyr fertibraidd sy'n nodi cyd-gyrhaeddiad fertebriaid ar dir.
Esblygiad y biosffer cyn-Gambriaidd
Mae ein hymchwil yn canolbwyntio ar y rhyngweithio rhwng bioleg, cemeg palaeo-gefnforol ac esblygiad biogeocemegol y geosffer cynharaf.
Mae’r rhan fwyaf o'n hymchwil yn cael ei hysbrydoli gan ddealltwriaeth ragorol o brosesau biogeocemegol morol modern. Mae’r ddealltwriaeth hon yn ein helpu i ddeall mecanweithiau ffurfio haearn rhesog morol hynafol, dyddodi manganîs, cylchu maetholion dŵr môr hynafol a datblygu rhydocs y system cefnforoedd-atmosffer, gan gynnwys biogeocemeg isotopau. Mae’r rhain yn gysylltiedig ag ysgogiadau a chanlyniadau yn hanes ocsigeneiddio cynnar y Ddaear.
A ninnau’n gweithio mewn maes rhyngddisgyblaethol, rydym yn gweithio’n helaeth gyda microbiolegwyr, geobiolegwyr, geocemegwyr, gwaddodegwyr, palaeontolegwyr a geocemegwyr isotopau.
Cyllid
Berry, C. (Prif Ymchwilydd) Earliest forests of woody trees in Svalbard. National Geographic. 2016, £15,000
ChiFru, E. (Prif Ymchwilydd) Coevolution of life and arsenic in Precambrian oceans. Y Cyngor Ymchwil Ewropeaidd
Edwards, D. (Prif Ymchwilydd) Resolution of anatomy, ontogeny and affinities of Siluro-Devonian Pachytheca. Ymddiriedolaeth Leverhulme. £22000
Edwards, D. (Cyd-Brif Ymchwilydd) The origin of plants. NERC Co PI. 2015, £60,000
Edwards, D. (Prif Ymchwilydd) Investigations on diversity in early land plants. Sefydliad Gatsby. 2014-2016 - £20,000, 2017 - £25.500
Pearson, P. (Prif Ymchwilydd) Expedition 363 West Pacific Warm Pool: planktonic foraminifer biostratigraphy and the evolution of Pulleniatina. Cynnig NERC IODP Moratorium, £43,720, yn cynnwys 2 fis FEC llawn amser ac 1 awr yr wythnos FEC.
Pearson, P. (Cyd-Brif Ymchwilydd) Are adaptive zones important in macroevolution? NERC CoPI. 2015-2018, £70,000
Cwrdd â'r tîm
Arweinydd Tîm
Staff academaidd
Myfyrwyr Ôl-raddedig
Staff cysylltiol
Cyhoeddiadau
- Wright, V. P. et al., 2018. Testing whether early diagenesis of skeletal carbonate is different in non-marine settings: contrasting styles of molluscan preservation in the Upper Jurassic of Portugal. Palaeogeography, Palaeoclimatology, Palaeoecology 492 , pp.1-9. (10.1016/j.palaeo.2017.11.014)
- Honegger, R. et al., 2018. Fertile Prototaxites taiti: a basal ascomycete with inoperculate, polysporous asci lacking croziers. Philosophical Transactions of the Royal Society B: Biological Sciences 373 (1739) 20170146. (10.1098/rstb.2017.0146)
- Xu, H. et al., 2017. Unique growth strategy in the Earth's first trees revealed in silicified fossil trunks from China. Proceedings of the National Academy of Sciences 114 (45), pp.12009-12014. (10.1073/pnas.1708241114)
- Wright, V. P. and Cherns, L. 2016. Leaving no stone unturned: the feedback between increased biotic diversity and early diagenesis during the Ordovician. Journal of the Geological Society 173 (2), pp.241-244. (10.1144/jgs2015-043)
- Berry, C. M. and Marshall, J. E. A. 2015. Lycopsid forests in the early Late Devonian paleoequatorial zone of Svalbard. Geology 43 (12), pp.1043-1046. (10.1130/G37000.1)
- Chi Fru, E. et al. 2015. Biogenicity of an Early Quaternary iron formation, Milos Island, Greece. Geobiology 13 (3), pp.225-244. (10.1111/gbi.12128)
- Pearson, P. N. and Wade, B. S. 2015. Systematic taxonomy of exceptionally well-preserved planktonic foraminifera from the Eocene/Oligocene boundary of Tanzania. Special Publication 45: Cushman Foundation for Foraminiferal Research , pp.1-85.
- Pearson, P. N. and Coxall, H. K. 2014. Origin of the Eocene planktonic foraminifer Hantkenina by gradual evolution. Palaeontology 57 (2), pp.243-267. (10.1111/pala.12064)
- Pearson, P. N. and Ezard, T. H. G. 2013. Evolution and speciation in the Eocene planktonic foraminifer Turborotalia. Paleobiology 40 (1), pp.130-143. (10.1666/13004)
Cyfleusterau
Labordy macro-ffotograffiaeth a delweddu
Mae'r labordy hwn yn cynnwys ffotograffiaeth stiwdio SLR digidol Nikon gyda gallu golau plân a chamerâu clymedig, stand macroffoto Leica Aristophot a chyfrifiadur graffeg pwrpasol gyda sgriniau fformat argraffu, Adobe Acrobat Pro a meddalwedd graffeg / cyhoeddi pen desg arall.
Ystafell microsgopeg golau
Mae'r labordy hwn yn cynnwys nifer o ficrosgopau binocwlaidd a chyfansawdd gyda meddalwedd prosesu delweddau Leica ar gyfer sbesimenau biolegol a daearegol.
Rhagor o wybodaeth am yr ystafell microsgopeg golau
Labordy asid hydrofflworig
Defnyddir y labordy hwn ar gyfer paratoi samplau peillegol a samplau eraill yn arbenigol drwy dreulio creigiau gydag asid.
Labordy paratoi ffosiliau
Mae'r labordy ffosiliau'n cynnwys offer ar gyfer paratoi sbesimenau ffosil yn fudr, gan gynnwys unedau echdynnu llwch a chyflau mygdarth, cyfleusterau gwreiddio resin plastig, a gallu cyfyngedig ar gyfer llifio sbesimenau bach yn drachywir.
Microsgop Electron Sganio Amgylcheddol (ESEM)
Mae hwn yn ESEM cydraniad uchel sy'n caniatáu chwyddo hyd at 500,000x ar samplau wedi'u gorchuddio/dargludol ond gall ymdrin hefyd ag ESEM cydraniad uchel ar samplau heb eu gorchuddio a hyd yn oed rhai "gwlyb" heb eu hydradu.
Ysgolion
Camau nesaf
Ymchwil sy’n gwneud gwahaniaeth
Mae ein hymchwil yn gwneud gwahaniaeth i fywydau pobl wrth i ni gweithio ar draws disgyblaethau er mwyn ymgodymu â phrif heriau sy’n wynebu’r gymdeithas, yr economi ac ein hamgylchedd.
Ymchwil ôl-raddedig
Mae ein graddau ymchwil yn rhoi'r rhyddid i chi i archwilio pwnc arbennig mewn dyfnder ymhlith ymchwilwyr blaenllaw.
Ein heffaith ymchwil
Mae'r astudiaethau achos hyn yn rhoi sylw i rai o'r meysydd lle rydym yn cael effaith ymchwil gadarnhaol.