Hafan Cyfrifon Cyflymu Effaith

Rydym wedi ymrwymo i sicrhau bod ein hymchwil yn gwneud gwahaniaeth gwirioneddol i gymdeithas. Mae buddsoddi mewn Cyfrifon Cyflymu Effaith yn ffynhonnell cyllid graidd ar gyfer ein gweithgareddau effaith.

Mae Cyfrifon Cyflymu Effaith (IAAs) UKRI yn cynnig cyllid hyblyg i gefnogi gweithgareddau sy'n helpu i wella'r defnydd o ganfyddiadau ymchwil gan fuddiolwyr a defnyddwyr terfynol, gan gynnwys busnesau, elusennau, y sector cyhoeddus, llunwyr polisi a sefydliadau eraill.

Ein hamcanion

Ein hamcanion yw ariannu prosiectau sydd â'r potensial mwyaf i gyflawni effaith o ymagweddau arloesol a dychmygus tuag at bartneriaeth a chyfnewid gwybodaeth, gan gynnwys:

• ariannu prosiectau sbarduno a chyflymu sy’n cymryd syniadau newydd o ymchwil i'w defnyddio mewn busnes, cymdeithas a bywyd cyhoeddus
• cefnogi newidiadau polisi sy'n llywio sut mae sefydliadau'n addasu ac yn gwella eu gwasanaethau, eu prosesau a'u canlyniadau ar gyfer defnyddwyr a buddiolwyr
• cryfhau rhwydweithiau gyda darpar ddefnyddwyr ymchwil
• galluogi preswyliadau a chyfnewidiadau sy'n caniatáu i bartneriaid ymuno â ni, a lleoliadau lle mae ein staff yn ymuno â sefydliadau allanol dros dro

Cyllid

Ers 2015, mae bron i £8 miliwn mewn cyllid IAA gan y Cyngor Ymchwil Economaidd a Chymdeithasol (ESRC), Cyngor Ymchwil y Gwyddorau Ffisegol a Pheirianneg (EPSRC), y Cyngor Cyfleusterau Gwyddoniaeth a Thechnoleg (STFC) a'r Cyngor Ymchwil Feddygol (MRC) wedi galluogi ein hymchwil i ysbrydoli newid byd go iawn yn ein cymunedau a thu hwnt.

Byddwn yn ariannu prosiectau drwy IAA ESRC tan fis Mawrth 2023. Mae ein IAAs UKRI newydd wedi'u cysoni gwerth £3 miliwn yn cwmpasu cyllid gan Gyngor Ymchwil y Celfyddydau a'r Dyniaethau (AHRC), Cyngor Ymchwil Biotechnoleg a Gwyddorau Biolegol (BBSRC), EPSRC, MRC ac STFC. Ar hyn o bryd, mae'r ESRC y tu allan i'r portffolio IAA UKRI integredig hwn.

Ein Cyfrifon Cyflymu Effaith

Dysgwch am bob cronfa IAA.

Cysylltu